Breaking News
  • సిద్దిపేట: దేశానికి ఆదర్శంగా గజ్వేల్‌ నిలువబోతోంది. గజ్వేల్‌లో సీఎం పర్యటనకు అన్ని ఏర్పాట్లు పూర్తి. రూ.కోట్లతో నిర్మించిన కార్యాలయాలను సీఎం కేసీఆర్‌ ప్రారంభిస్తారు-హరీష్‌రావు.
  • ఇంటర్‌ పరీక్షల నిర్వహణపై కార్యదర్శి జలీల్‌ ప్రెస్‌మీట్‌. అధిక పరీక్ష ఫీజులు వసూలు చేసిన మూడు కాలేజీలు దసరాసెలవుల్లో తరగతులు నిర్వహించిన కాలేజీలకు నోటీసులు. ఎలాంటి సమస్యలు తలెత్తకుండా జాగ్రత్తలు తీసుకున్నాం. హాల్‌ టికెట్లపై ఏ సమస్య ఉన్నా భయపడొద్దు. ఏదైనా సమస్య ఉంటే బోర్డును సంప్రదించాలి. Tsbie.gov.inలో విద్యార్థులు తమ వివరాలు చెక్‌చేసుకోవచ్చ -ఇంటర్‌ బోర్డ్‌ కార్యదర్శి ఉమర్‌ జలీల్‌
  • రేపు ఏపీ వ్యాప్తంగా టీడీపీ నిరసనలు. పెరిగిన ఆర్టీసీ చార్జీలకు నిరసనగా ఆందోళనలు. ఆర్టీసీ డిపోల ఎదుట నిరసనలకు పిలుపు నిచ్చిన టీడీపీ
  • తిరుమలలో భక్తుల రద్దీ సాధారణం శ్రీవారి ఉచిత దర్శనానికి 7 గంటల సమయం. ఈ రోజు శ్రీవారి హుండీ ఆదాయం రూ.2.73 కోట్లు.
  • విశాఖ: రైల్వే ఈ-టికెట్లు బ్లాక్‌ చేస్తున్న ముఠా గుట్టురట్టు. దువ్వాడ, తాటిచెట్లపాలెంలో ఆర్పీఎఫ్‌ దాడులు ఈ-టికెట్లు బ్లాక్‌ చేస్తున్న ఇద్దరు అరెస్ట్‌. రూ.14.89 లక్షల విలువైన ఈ-టికెట్లు సీజ్‌. కటక్‌కు చెందిన సమీర్‌కుమార్‌ ప్రధాన్‌, దుర్గారావు అరెస్ట్‌. ఐఆర్‌సీటీసీ వెబ్‌సైట్‌ను హ్యాక్‌ చేస్తున్న నిందితులు ల్యాప్‌టాప్‌, డాక్యుమెంట్లు సీజ్‌చేసిన ఆర్పీఎఫ్‌
  • కర్నూలు: నంద్యాలలో మందుబాబుల వీరంగం. పబ్లిక్‌గా మద్యం సేవిస్తున్న యువకులు. అడ్డుచెప్పిన మస్తాన్‌ వలీ అనే వ్యక్తిపై రాళ్లదాడి మస్తాన్‌వలీకి తీవ్రగాయాలు, ఆస్పత్రికి తరలింపు.
  • వరంగల్‌: హన్మకొండలో గుంతలరోడ్డుకు యువతి బలి. హంటర్‌రోడ్డులో గుంతలో పడి విద్యార్థిని బైక్‌ బోల్తా. రాంపూర్‌కు చెందిన విద్యార్థిని బ్లెస్సీ అక్కడికక్కడే మృతి.

ధోని అవుట్.. పంత్ డౌట్.. టీమిండియాకు కీపర్ ఎవరు ?

MS Dhoni & Rishab Panth, ధోని అవుట్.. పంత్ డౌట్.. టీమిండియాకు కీపర్ ఎవరు ?

వన్ డే క్రికెట్ వరల్డ్ కప్ ముగిసిందో లేదో టీమిండియాకు కొత్త కీపర్ ఎవరు అనే చర్చ మొదలైంది. దానికి కారణం ధోని రిటైర్మెంట్ ఊహాగానాలు.. మరో వైపు ఫ్యూచర్ వికెట్ కీపర్ అనుకున్న రిషబ్ పంత్ వరుస వైఫల్యాలు.. ఈ రెండింటిని చూస్తే కొత్త కీపర్ ఎంపిక అనివార్యం అన్న కామెంట్స్, ఎనాలిసిస్లు ఎక్కువయ్యాయ్యి. దానికి తోడు ధోని ఎటూ తేల్చకుండా విండీస్, సౌత్ ఆఫ్రికా పర్యటనలకు దూరంగా ఉండడం. ఈ రెండు సిరీస్ లకు ఫ్యూచర్ కీపర్ గా భావించిన రిషబ్ పంత్ కు సెలక్షన్ కమిటీ ఛాన్స్ ఇవ్వడం, అతను ఈ రెండు సిరీస్ లలో దారుణంగా విఫలం అవడంతో మళ్ళీ విషయం మొదటికొచ్చింది. అయితే ధోని రావాలి లేకపోతె సుదీర్ఘ కలం పాటు జట్టుకు ఆడే సామర్ధ్యం ఉన్న కీపర్ ని వెతకాలి.. ఇదిప్పుడు బీసీసీఐ సెలక్షన్ కమిటీ ముందున్న సవాల్. ధోని తిరిగి వస్తాడా అంటే కష్టమే అన్న సంకేతాలే కనిపిస్తున్నాయి. దానికి తోడు ధోని పని అయిపోయిందంటూ గవాస్కర్ లాంటి సీనియర్ ఆటగాళ్లు, క్రికెట్ అనలిస్టులు, వ్యాఖ్యాతలు ఎవరికీ తోచిన కామెంట్లు వారు చేసేస్తున్నారు. ఎవరి కామెంట్ ఎలా ఉన్న ధోని మాత్రం నోరు మెదపడం లేదు.. ప్రస్తుతానికి ఆటకు విరామమే అన్నట్టు సొంత పనుల్లో ధోని బిజీ బిజీగా గడుపుతున్నాడు. మరో వైపు సౌత్ ఆఫ్రికా జట్టు ఇండియా పర్యటనలో ఉండగానే రిషబ్ పంత్ కు ప్రత్యామ్నాయ ఆటగాని కోసం సెలక్షన్ కమిటీ వేట ప్రారంభించింది. వృద్ధిమాన్ సహా లాంటి వారి పేర్లు పరిశీలనలో ఉన్నా.. ఆటలో నిలకడ లేమి అతనికి మైనస్ పాయింట్ కానున్నది. మరో వైపు రిటైర్మెంట్ ప్రకటించి, తర్వాత నాలుక్కర్చుకుని అబ్బెబ్బే ఎదో ఆవేశంలో రిటైర్మెంట్ ప్రకటించాను.. అన్ని ఫార్మాట్లకు అందుబాటులో ఉంటాను అని ప్రకటించిన తెలుగు తేజం అంబటికి రాయుడు పేరును కూడా సెలక్షన్ కమిటీ పరిశీలిస్తున్నట్టు తెలుస్తోంది. మొత్తానికి సుదీర్ఘ కలం జట్టుకు ఆడే సత్తా కలిగిన వికెట్ కీపర్ దొరకడం ఇప్పట్లో కష్టమే అంటున్నారు క్రీడా విశ్లేషకులు.