ధోనికి బీసీసీఐ ఝలక్.. ఇక రిటైర్మెంట్ నిర్ణయమే మిగిలింది!
మిస్టర్ కూల్, టీమిండియా మాజీ కెప్టెన్ మహేంద్రసింగ్ ధోని రిటైర్మెంట్ ఊహాగానాలను నిజం చేస్తూ బీసీసీఐ తాజాగా ప్లేయర్స్ కాంట్రాక్ట్ లిస్టును విడుదల చేసింది. ఇప్పటివరకు గ్రేడ్ ఏ ఆటగాళ్ల లిస్ట్లో కొనసాగిస్తూ వస్తున్న ధోని పేరును అర్ధాంతరంగా తొలగించింది. వన్డే వరల్డ్కప్ ఓటమి అనంతరం ధోని జట్టుకు దూరమైన సంగతి తెలిసిందే. అప్పటి నుంచి ధోని రిటైర్మెంట్ ప్రకటిస్తాడన్న ప్రచారం ఎక్కువైంది. ఇక తాజాగా బీసీసీఐ అక్టోబర్ 2019 నుంచి 2020 సెప్టెంబర్ వరకు 27 […]
మిస్టర్ కూల్, టీమిండియా మాజీ కెప్టెన్ మహేంద్రసింగ్ ధోని రిటైర్మెంట్ ఊహాగానాలను నిజం చేస్తూ బీసీసీఐ తాజాగా ప్లేయర్స్ కాంట్రాక్ట్ లిస్టును విడుదల చేసింది. ఇప్పటివరకు గ్రేడ్ ఏ ఆటగాళ్ల లిస్ట్లో కొనసాగిస్తూ వస్తున్న ధోని పేరును అర్ధాంతరంగా తొలగించింది. వన్డే వరల్డ్కప్ ఓటమి అనంతరం ధోని జట్టుకు దూరమైన సంగతి తెలిసిందే. అప్పటి నుంచి ధోని రిటైర్మెంట్ ప్రకటిస్తాడన్న ప్రచారం ఎక్కువైంది. ఇక తాజాగా బీసీసీఐ అక్టోబర్ 2019 నుంచి 2020 సెప్టెంబర్ వరకు 27 ప్లేయర్స్ కాంట్రాక్టును ఖరారు చేస్తూ విడుదల చేసిన లిస్ట్లో ధోని లేకపోవడం ఇప్పుడు సర్వత్రా ఆసక్తికరమైన చర్చకు దారి తీస్తోంది.
బీసీసీఐ సెంట్రల్ కాంట్రాక్ట్స్ లిస్ట్ 2019-20:
గ్రేడ్ ఏ+(7 కోట్లు): విరాట్ కోహ్లీ, రోహిత్ శర్మ, జస్ప్రీత్ బుమ్రా
గ్రేడ్ ఏ(5 కోట్లు): రవిచంద్రన్ అశ్విన్, రవీంద్ర జడేజా, భువనేశ్వర్ కుమార్, చటేశ్వర్ పుజారా, అజింక్య రహానే, కెఎల్ రాహుల్, శిఖర్ ధావన్, షమీ, ఇషాంత్ శర్మ, కుల్దీప్ యాదవ్, రిషబ్ పంత్
గ్రేడ్ బీ(3 కోట్లు): వృద్ధిమాన్ సాహా, ఉమేష్ యాదవ్, యుజ్వేంద్ర చాహల్, హార్దిక్ పాండ్య, మయాంక్ అగర్వాల్
గ్రేడ్ సీ(1 కోట్లు): కేదార్ జాదవ్, నవదీప్ సైనీ, దీపక్ చాహర్, మనీష్ పాండే, హనుమ విహారి, శార్దూల్ ఠాకూర్, శ్రేయాస్ అయ్యర్, వాషింగ్టన్ సుందర్
ఇదిలా ఉండగా డిసెంబర్ 2014న టెస్టులకు రిటైర్మెంట్ ప్రకటించిన ధోని.. ఇప్పటివరకు 350 వన్డేలు, 98 టీ20లు ఆడాడు. ఈ ఏడాది టీమిండియా ఆస్ట్రేలియా వేదికగా టీ20 ప్రపంచకప్ ఆడనుంది. ఇక ఇప్పుడు ధోని పేరును యాన్యువల్ కాంట్రాక్ట్స్ నుంచి తప్పించడంతో అతడు ఆడతాడా లేదా అనే దానిపై సందిగ్దత నెలకొంది. కాగా, ధోని నేతృత్వంలో టీమిండియా 2007 టీ20 ప్రపంచకప్, 2011 వన్డే వరల్డ్ కప్, 2013 ఛాంపియన్స్ ట్రోఫీలను గెలుచుకుంది.
The BCCI announces the Annual Player Contracts for Team India (Senior Men) for the period from October 2019 to September 2020.
Saini, Mayank, Shreyas, Washington and Deepak Chahar get annual player contracts.
More details here – https://t.co/84iIn1vs9B #TeamIndia pic.twitter.com/S6ZPq7FBt1
— BCCI (@BCCI) January 16, 2020