సిమ్ లేని స్మార్ట్ ఫోన్

ఫోల్డింగ్ ఫోన్.. ఫోన్ల చరిత్రలో సంచలనం రేపిన ఫోన్. అప్పట్లో మోటొరోలా లాంచ్ చేసిన ఈ ఫ్లిప్ ఫ్లాప్ ఫోన్స్ మరోసారి మార్కెట్లోకి రానున్నాయి. మోటో బ్రాండ్ పేరుతో ఫేమసయిన పాత మోడల్ ఫోన్నే కొంచెం కొత్తగా, మరింత స్మార్ట్గా రేజర్ పేరుతో తీసుకొచ్చేసింది మోటొరోలా. చూడటానికి శాంసంగ్ గెలాక్సీ ఫోల్డ్ లాగానే కనిపించే ఈ స్మార్ట్ ఫోన్నీ అమాంతం మధ్యలోకి మడతపెట్టేయవచ్చు. పాత మోడల్ ఫోన్లలో పైన భాగంలో స్క్రీన్, కింద భాగంలో కీపాడ్ ఉండేవి, […]

సిమ్ లేని స్మార్ట్ ఫోన్
Follow us

|

Updated on: Nov 16, 2019 | 5:25 PM

ఫోల్డింగ్ ఫోన్.. ఫోన్ల చరిత్రలో సంచలనం రేపిన ఫోన్. అప్పట్లో మోటొరోలా లాంచ్ చేసిన ఈ ఫ్లిప్ ఫ్లాప్ ఫోన్స్ మరోసారి మార్కెట్లోకి రానున్నాయి. మోటో బ్రాండ్ పేరుతో ఫేమసయిన పాత మోడల్ ఫోన్నే కొంచెం కొత్తగా, మరింత స్మార్ట్గా రేజర్ పేరుతో తీసుకొచ్చేసింది మోటొరోలా. చూడటానికి శాంసంగ్ గెలాక్సీ ఫోల్డ్ లాగానే కనిపించే ఈ స్మార్ట్ ఫోన్నీ అమాంతం మధ్యలోకి మడతపెట్టేయవచ్చు. పాత మోడల్ ఫోన్లలో పైన భాగంలో స్క్రీన్, కింద భాగంలో కీపాడ్ ఉండేవి, కానీ రేజర్ ఫ్లిప్ ఫోన్లో మాత్రం రెండు వైపులా స్క్రీనే ఉండటం విశేషం.. ఇప్పటివరకూ ఫోల్డబుల్‌ ఫోన్స్‌ తయారుచేస్తున్న కంపెనీలు తామ ఫోల్డబుల్‌ ఫోన్‌ని మడతపెట్టినప్పటికి మామూలు సైజ్‌లోనే ఉండేలా డిజైన్ చేసుకున్నాయి.. అయితే, మోటో రేజర్ మాత్రం మడవగానే కాంపాక్ట్ సైజ్ లోకి మారి చిన్నదిగా మారడం విశేషం.

ఇక ఈ ఫోన్ ఫీచర్స్ గురించి చెప్పుకుంటే ఇందులో 6.2 ఇంచెస్ డిస్ప్లే ఉంటుంది, క్లోజ్ చేసినప్పుడు అది కాస్తా 2.7 ఇంచెస్ లోకి మారి క్విక్ వ్యూ డిస్ప్లే మొదలవుతుంది. ఆ డిస్ప్లేలోనే నోటిఫికేషన్లు కనిపిస్తాయి. స్మార్ట్ ఫోన్లో ఉండే అన్ని అడ్వాన్స్డ్ ఫీచర్స్ రేజర్ సొంతం. 16 ఎంపీ రేర్ కెమెరా, 5 ఎంపీ సెల్ఫీ కెమెరా, ఫింగర్‌ప్రింట్ రీడర్, యాంబియెంట్ లైట్, జీపీఎస్ కూడా ఈ ఫోన్లో ఇన్బిల్ట్ గా వస్తాయి. 2510 ఎంఏహెచ్ బ్యాటరీ కూడా ఫోన్లోనే ఫిక్స్ అయి ఉంటుంది. 4జీ కనెక్టివిటీతో వచ్చే ఈ ఫోన్.. యూజర్ ఫ్రెండ్లీగా ఉంటుందని మోటొరోలా నిర్వాహకులు చెబుతున్నారు. కనెక్టివిటీ పరంగా చూసుకుంటే ఇందులో సిమ్ కార్డ్ స్లాట్ లేదు, కానీ ఇది eSIM కార్డులకు సపోర్ట్ చేస్తుంది. ఈ ఫోన్ ప్రస్తుతం అమెరికాలో మాత్రమే అమ్మకానికి అందుబాటులో ఉండగా, వచ్చే ఏడాది ఇతర దేశాల్లో విడుదల చేయనున్నారు..కాగా, ఈ ఫోన్ ధరను 1499 డాలర్లుగా నిర్ణయించారు.

మరిన్ని ఫీచర్స్: * 876×2142 పిక్సెల్స్ రిజల్యూషన్‌, * కవర్ డిస్‌ప్లే 600×800 పిక్సెల్స్ రిజల్యూషన్, * క్వాల్కమ్ స్నాప్డ్రాగన్ 710 సాక్‌, * 6 జీబీ ర్యామ్/ 128జీబీ స్టోరేజ్