Breaking News
  • విశాఖ: బ్లూఫ్రాగ్‌ టెక్నాలజీస్‌పై కొనసాగుతున్న సీఐడీ విచారణ. 8 సర్వర్లకు చెందిన డేటాను సేకరించిన అధికారులు. డేటాను విశ్లేషిస్తున్న సీఐడీ అధికారులు. ప్రభుత్వ ఇసుక పోర్టల్‌ను హ్యాక్‌ చేసి.. కృత్రిమ కొరత సృష్టించినట్టు బ్లూఫ్రాగ్‌పై అభియోగాలు.
  • హైదరాబాద్‌: అధికారులతో రైల్వే సేఫ్టీ కమిషనర్‌ భేటీ. కాచిగూడ రైలు ప్రమాదంపై చర్చ. ప్రకాశం జిల్లా: ఒంగోలులో మనబడి నాడు-నేడు కార్యక్రమం ప్రారంభం. కార్యక్రమాన్ని ప్రారంభించిన సీఎం జగన్. వివిధ శాఖలు ఏర్పాటు చేసిన స్టాళ్లను పరిశీలించిన జగన్‌.
  • ప.గో: యలమంచిలి మండలం కాజ గ్రామంలో రోడ్డుప్రమాదం. అదుపుతప్పి పంట కాలువలోకి దూసుకెళ్లిన కారు. దంపతులకు తీవ్రగాయాలు, ఆస్పత్రికి తరలింపు.
  • అనంతపురం: కల్యాణదుర్గంలో కాలువలోకి దూసుకెళ్లిన కాలేజ్‌ బస్సు. ప్రమాద సమయంలో బస్సులో 48 మంది విద్యార్థులు. విద్యార్థులకు తృటిలో తప్పిన ముప్పు. డ్రైవర్‌ నిర్లక్ష్యమే కారణమంటున్న విద్యార్థుల తల్లిదండ్రులు.
  • భూపాలపల్లిలో కొనసాగుతున్న బంద్‌. ఆర్టీసీ డ్రైవర్‌ నరేష్‌ ఆత్మహత్యకు నిరసనగా బంద్‌. డిపోల్లోనే నిలిచిపోయిన ఆర్టీసీ బస్సులు.
  • అమరావతి: మంగళగిరి జనసేన కార్యాలయంలో బాలల దినోత్సవం. పాల్గొన్న జనసేన అధ్యక్షుడు పవన్‌కల్యాణ్‌. పిల్లలకు పుస్తకాలను పంపిణీ చేసిన పవన్‌కల్యాణ్‌.
  • హైదరాబాద్‌: కూకట్‌పల్లిలో నియోజకవర్గంలో మంత్రి కేటీఆర్‌ పర్యటన. పలు అభివృద్ధి కార్యక్రమాలను ప్రారంభించిన కేటీఆర్‌. కూకట్‌పల్లిలో ఇండోర్‌ స్టేడియం ప్రారంభం. మల్టీపర్పస్‌ స్పోర్ట్స్ కాంప్లెక్స్‌ను.. పిల్లలతో కలిసి ప్రారంభించిన మంత్రి కేటీఆర్‌. డబుల్ బెడ్‌రూమ్ కాంప్లెక్స్‌ను ప్రారంభించిన కేటీఆర్. అధికారిక కార్యక్రమాల్లో ఫ్లెక్సీలపై కేటీఆర్‌ వార్నింగ్‌. ఫ్లెక్సీలు తొలగిస్తేనే కార్యక్రమానికి వస్తానన్న కేటీఆర్‌. కేటీఆర్‌ ఫ్లెక్సీలు తొలగించిన సిబ్బంది.

తల్లి మరణం తట్టుకోలేక..ఆ కొడుకు గుండె ఆగింది

తల్లి మరణం తట్టుకోలేక ఓ కొడుకు గుండె ఆగిపోయింది. కనిపెంచిన కన్నతల్లి ఇక లేదని తెలిసి ఆ కుమారుడు తట్టుకోలేకపోయాడు. అమ్మ మరణవార్త విన్న వెంటనే తాను కూడా తనువు చాలించాడు. ఈ విషాదం సంఘటన ఖమ్మం జిల్లాలో చోటుచేసుకుంది. ఒకే ఇంట్లో సంభవించిన తల్లికొడుకుల హఠ్మారణం ఆ ఇంటిని తీరని విషాదంలో ముంచేసింది. జిల్లాలోని తిరుమలాయపాలెం మండలం బచ్చోడు గ్రామంలో ఒకేరోజు తల్లి కుమారుడు మరణించారు. బచ్చోడు గ్రామానికి చెందిన పులి పలుపుల శాంతమ్మ(70) అనారోగ్యంతో మృతి చెందింది. దీంతో ఆమె మరణ వార్త విన్న పెద్ద కొడుకు వెంకన్న(50)తల్లి శాంతమ్మ మరణవార్త వినగానే గంట వ్యవధిలోనే గుండెపోటుతో మృతి చెందాడు. ఆ కుటుంబంలో శాంతమ్మ కు ఐదుగురు కుమారులు కాగా, వెంకన్న పెద్ద కుమారుడు తల్లి పెద్ద కుమారుడు పై ఎక్కువ ప్రేమానురాగాలు చూపడంతో తల్లి మరణ వార్త విన్న కుమారుడు తట్టుకోలేక తీవ్ర మనోవేదనకు లోనయ్యాడని, ఆ భాదలోనే హార్ట్‌ ఎటాక్‌ వచ్చి చనిపోయాడని వారి కుటుంబీకులు తెలిపారు. మృతుడు వెంకన్నకు భార్య ఇద్దరు కూతుళ్లు ఓ కుమారుడు ఉన్నారు. ఒకే కుటుంబంలో తల్లికొడుకులిద్దరూ ఒకేసారి మృతి చెందడంతో కుటుంబ సభ్యులంతా శోకసంద్రంలో మునిగిపోయారు. తల్లి తో పాటే కుమారుడి దహన సంస్కారాలు కూడా ఒకేసారి నిర్వహించారు.