Breaking News
  • దేశవ్యాప్తంగా 121 మంది దర్యాప్తు అధికారులకు కేంద్ర హోంమంత్రి పతకాలు. దర్యాప్తులో ప్రతిభ చూపిన కేంద్ర దర్యాప్తు విభాగాల అధికారులకు పతకాలను ప్రకటించిన కేంద్రం. సీబీఐ హైదరాబాద్ ఎస్పీ కళ్యాణ్ కు కేంద్ర హోంమంత్రి పతకం.
  • సంజ‌య్ ద‌త్ ఆరోగ్యం గురించి స్పందించిన భార్య మాన్య‌తా ద‌త్‌: భ‌గ‌వంతుడు మ‌రోసారి ప‌రీక్షిస్తున్నాడ‌ని వెల్ల‌డి. ఓర్చుకుంటే ఈ క‌ష్ట‌కాలాన్ని దాట వ‌చ్చ‌ని ధీమా. సంజ‌య్‌దత్ క్షేమాన్ని కోరుకుంటున్న ప్ర‌తి ఒక్క‌రికీ ధ‌న్య‌వాదాలు. అన‌వ‌స‌ర‌మైన రూమ‌ర్ల‌ను న‌మ్మ‌వ‌ద్ద‌ని కోరిన మాన్య‌త‌. సంజ‌య్ ఫైట‌ర్ అని కితాబిచ్చిన మాన్య‌త‌. అంద‌రి ప్రార్థ‌న‌లు, ఆశీర్వాదాలు కావాల‌న్న మాన్య‌త‌. పాజిటివిటీని పంచాల‌ని కోరిన మాన్య‌త.
  • విజయవాడ: జూనియర్ డాక్టర్ల స్టైఫండ్ మొత్తాన్ని పెంచుతూ ap ప్రభిత్వం ఉత్తర్వులు. హౌస్ సర్జన్, పిజి డిగ్రీ, డిప్లొమా, డెంటల్, సూపర్ స్పెషలిటీ విద్యార్థులకు పెంపు. ఎంబీబీఎస్ విద్యార్థులకు 19,589. పిజి డిగ్రీ విద్యార్థులకు 1 ఇయర్ 44,075, 2 ఇయర్ 46,524, 3 ఇయర్ 48, 973 కు పెంపు.
  • ఉత్తరాఖండ్‌కు పొంచి ఉన్న వర్షాలు, వరదల ముప్పు. భారీ వర్షసూచన జారీ చేసిన భారత వాతావరణ శాఖ. వర్షాలతో పాటు పిడుగులు కూడా పడతాయని హెచ్చరిక. భాగేశ్వర్, పిత్తోరాగఢ్, నైనితాల్, ఉద్ధమ్ సింగ్ నగర్, డెహ్రాడూన్, హరిద్వార్, చమోలీ జిల్లాలకు పొంచి ఉన్న ముప్పు. వర్షాల కారణంగా కొండచరియలు విరిగిపడే ప్రమాదం.
  • మణికొండ మల్లెమాల ప్రొడక్షన్ హౌస్ సమీపం లో కార్ ఆక్సిడెంట్. జబర్దస్త్ ఆర్టిస్ట్ అభి bmw కార్ మరో కారు బ్రిజా కార్ ఢీ. బ్రిజా కారును అతివేగంగా అభి ఢీ కొట్టినట్టు ఆరోపిస్తున్న బాధితుడు.
  • హైదరాబాద్ లో థీమ్ పార్కు ల నిర్మాణానికి శంకుస్థాపన . డిల్లీ , పూణె లో తరహాలో సీటీలో ఆరు చోట్ల థీమ్ పార్క్ లు . 13 కోట్ల రూపాయల వ్యయంతో నిర్మించనున్న జిహెచ్ఎంసి . మూడు నెలలో పార్క్ ల నిర్మాణం పూర్తి చేస్తాం: జిహెచ్ఎంసి మేయర్ బొంతు రామ్మోహన్.
  • చత్తీస్‌గఢ్ సుక్మా జిల్లా జాగర్‌గుండా అటవీ ప్రాంతంలో ఎన్‌కౌంటర్. కోబ్రా 223, సీఆర్పీఎఫ్, జిల్లా పోలీసుల జాయింట్ ఆపరేషన్. నలుగురు మావోయిస్టులు హతం, మారణాయుధాలు స్వాధీనం.

Crime: ముగ్గురు బిడ్డలతో బావిలో దూకిన తల్లి

పదమూడేళ్ల దాంపత్య జీవితం.. పండంటి ముగ్గురు సంతానం.. అన్యోన్యంగా సాగే కాపురం.. అనుకోని కలహం ఆ కుటుంబాన్ని చిన్నాభిన్నం చేసింది.. తాళి కట్టినవాడి కష్టాన్ని అర్థం చేసుకోలేని ఆవేశం తనలో ఆడపిల్లలను సాకలేననే అనుమానాన్నిపెంచింది. భర్తను వదిలి పుట్టింటికి వచ్చినా భారం తగ్గలేదు. మనసు కర్కశంగా మారింది.
Mother suicide attempt with three childrenes in anantapur, Crime: ముగ్గురు బిడ్డలతో బావిలో దూకిన తల్లి

పదమూడేళ్ల దాంపత్య జీవితం.. పండంటి ముగ్గురు సంతానం.. అన్యోన్యంగా సాగే కాపురం.. అనుకోని కలహం ఆ కుటుంబాన్ని చిన్నాభిన్నం చేసింది.. తాళి కట్టినవాడి కష్టాన్ని అర్థం చేసుకోలేని ఆవేశం తనలో ఆడపిల్లలను సాకలేననే అనుమానాన్నిపెంచింది. భర్తను వదిలి పుట్టింటికి వచ్చినా భారం తగ్గలేదు. మనసు కర్కశంగా మారింది. చెరువు చూపిస్తానని బిడ్డలను బావిలో తోసేసి తను కూడా ప్రాణాలు తీసుకోవాలనుకుంది. దురదృష్టం ఆమె వెంటే ఉంది….ఈ ఘటనలో తాను బతికి.. పిల్లల్ని పోగొట్టుకుంది. ఏ తల్లికీ ఎన్నడూ రాకూడని కష్టం ఆ తల్లికి వచ్చిపడింది.

పెద్దకమ్మవారిపల్లి దొమ్మరికాలనీకి చెందిన దంపతులకు ముగ్గురు సంతానం. పెద్దకుమారైను కదిరికి చెందిన వ్యక్తితో 13 ఏళ్ల కిందట వివాహం చేశారు. వీరికి మొదటి సంతానంలో ఇద్దరు కవలలు ఆడపిల్లలు పుట్టారు. రెండో కాన్పులోనూ ఆడపిల్లే పుట్టింది. రెక్కాడితే గాని డొక్కాడని కుటుంబం వీరిది. భర్త ఆటో నడుపుకుంటూ కుటుంబాన్ని పోషిస్తున్నాడు. ఎంతో సంతోషంగా ఉండే కాపురంలో కలతలు రేగాయి.

నాలుగు నెలల నుంచి భార్యాభర్తలు తరచూ ఘర్షణ పడేవారు.. ఈనేపథ్యంలో 20 రోజుల కిందట ఆమె కదిరి నుంచి పుట్టింటికి పిల్లలతో కలిసి వచ్చింది. కొంతకాలంగా కవలలైన వారి పిల్లలతో కలిసి తాత అవ్వ వద్దే ఉంటూ.. పెద్దకమ్మవారిపల్లి ప్రాథమిక పాఠశాలలో పిల్లల్ని చదివిస్తోంది. ఈ క్రమంలోనే చెరువు చూసొద్దామని ఆ తల్లి తన ముగ్గురు పిల్లలను తీసుకెళ్లింది. అక్కడే ఉన్న బావిలో ఇద్దరు చిన్నారులను ముందు తోసేసింది. అనంతరం చంటిబిడ్డతో కలిసి తానూ దూకేసింది. సమీపంలోని స్థానికులు వెంటనే బావిలోకి దిగి ఆమెను, పసిపాపను బయటకు తీశారు. చిన్నారిని సత్యసాయి జనరల్‌ ఆసుపత్రికి తరలించగా, ఆ చిన్నారి అక్కడ తుదిశ్వాస విడిచింది. తల్లి ప్రాణాలతో బయటపడింది.

కవలలైన ఇద్దరు చిన్నారుల కోసం స్థానికులు గాలింపు చర్యలు చేపట్టారు. అల్లారుముద్దుగా ఉండి, అప్పటివరకు ఆడుతూ పాడుతూ ఉండే చిన్నారుల మృతితో బంధువుల రోదనలు మిన్నంటాయి. సంఘటన స్థలాన్ని డీఎస్పీ రామకృష్ణయ్య పరిశీలించారు. కేసు దర్యాప్తు చేపట్టారు. చిన్నారుల మృతిపై ఎమ్మెల్యే దుద్దుకుంట శ్రీధర్‌రెడ్డి, మాజీ మంత్రి పల్లె రఘునాథరెడ్డి సంతాపం వ్యక్తం చేసి, కుటుంబానికి సానుభూతి తెలిపారు.. ఆ కుటుంబానికి అన్ని విధాలా అండగా ఉంటామన్నారు.

Related Tags