Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 20 వేల 903 మంది వైరస్​ సోకింది. మరో 379 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,25,544. ప్ర‌స్తుతం యాక్టీవ్ కేసులు 2,27,439. వ్యాధి బారి నుంచి కోలుకున్న‌వారు 3,79,892. క‌రోనాతో మొత్తం ప్రాణాలు విడిచినవారి సంఖ్య 18,213.
  • భారత్ బయోటెక్‌కు ఐసీఎంఆర్ డీజీ బలరాం భార్గవ లేఖ. భారత కరోనా వ్యాక్సిన్ క్లినికల్ ట్రయల్స్ వేగవంతం చేయాలని సూచన. ఫాస్ట్-ట్రాక్ పద్ధతిలో క్లినికల్ ట్రయల్స్ చేస్తే ఆగస్ట్ 15 నాటికి అందుబాటులోకి వ్యాక్సిన్. పంద్రాగస్టు సందర్భంగా వ్యాక్సిన్ లాంఛ్ చేసే అవకాశం.
  • అమరావతి: మంత్రివర్గ విస్తరణ 22న? రాష్ట్ర మంత్రివర్గ విస్తరణ చేయడానికి రంగం సిద్దం చేస్తునట్టు సమాచారం. ఇద్దరు మంత్రులు.. మోపిదేవి వెంకటరమణారావు, పిల్లి సుభాష్‌చంద్రబోస్‌లు రాజ్యసభకు ఎన్నికైన నేపథ్యంలో తమ పదవులకు రాజీనామా ఖాళీ అయిన మంత్రి పదవులను భర్తీ చేయడానికి వీలుగా విస్తరణ చేపట్టనున్నట్లు సమాచారం 22వ తేదీన కొత్త మంత్రుల ప్రమాణ స్వీకార కార్యక్రమం నిర్వహించే అవకాశం. ప్రస్తుతం మంత్రి పదవులకు రాజీనామా చేసిన ఇద్దరు నేతలు బీసీ వర్గానికి చెందినవారు. కొత్త మంత్రులను కూడా బీసీ వర్గం నుంచే ముఖ్యమంత్రి వైఎస్‌ జగన్‌మోహన్‌రెడ్డి ఎంపిక పై కసరత్తు?
  • తల్లితండ్రుల పిల్ పై హైకోర్టులో విచారణ వాయిదా. 13వ తారీఖున సమగ్ర నివేదికతో రమ్మని ప్రభుత్వానికి చెప్పిన హైకోర్టు. ఇంకా విద్యా సంవత్సరం ప్రారంభం కాలేదని కోర్టుకు తెలిపిన ఏజీ. ఏ నిర్ణయం తీసుకోకుండా ఆన్లైన్ క్లాసులు ఎందుకు నిర్వహిస్తున్నారని ప్రశ్నించిన హైకోర్టు. కేసులో ఇంప్లీడ్ అయిన ఇండిపెండెంట్ స్కూల్ మేనేజ్మెంట్ అసోసియేషన్. రెండు నెలల క్రితమే సీబీఎస్ఈ సిలబస్ ప్రారంభమైందని తెలిపిన isma తరపు సీనియర్ న్యాయవాది. ఆన్లైన్ తరగతులపై తల్లిదండ్రులకు పై ఎలాంటి ఒత్తిడి లేదు. ఆన్లైన్ క్లాసెస్ ఆప్షన్ మాత్రమే అని తెలిపిన ఇస్మా తరపు న్యాయవాది.
  • ఎయిమ్స్ నిర్వహించిన సూపర్ స్పెషాలిటీ ఎంట్రన్స్ పరీక్షల్లో జాతీయ స్థాయిలో ప్రధమ స్థానం సాధించిన చిలకలూరిపేటకు చెందిన ప్రతాప్ కుమార్. వంద మార్కులకు గాను 91 మార్కులు సాధించిన ప్రతాప్ కుమార్.
  • ఈరోజు దక్షిణ తెలంగాణ జిల్లాల్లో భారీ వర్షాలు. రాగల మూడు రోజులు తేలికపాటి నుండి ఓ మోస్తరు వర్షాలు. ఉపరితల ఆవర్తనం తో పాటు షీర్ జోన్ ఏర్పడింది. ఆంధ్ర తీరానికి సమీపంలో కేంద్రీక`తమైన ఆవర్తనం. పశ్చిమ బంగాళాఖాతం లో 3.1 కి.మీ ఎత్తు వద్ద కొనసాగుతున్న ఉపరితల ఆవర్తనం. - వాతావరణ శాఖ సీనియర్ సైంటిస్టు రాజారావు.
  • జ్యూడిషయల్ లోకరోనా కలకలం . సికింద్రాబద్ జ్యుడీషయల్ అకాడమీ లో కరోనాతో అటెండర్ మృతి . జ్యుడిషయల్ అకాడమీ కేంద్రం గా జరుగుతున్న వీడియో కాన్ఫరెన్స్. ఆందోళనలో న్యాయవాదులు.

అమ్మకు దూరమై..అనంత లోకాలకు

Homesick youngster commits suicide, అమ్మకు దూరమై..అనంత లోకాలకు

సిద్దిపేట జిల్లాలో విషాద సంఘటన చోటు చేసుకుంది. కనిపెంచిన తల్లికి దూరంగా ఉండాల్సి వచ్చిందనే మనస్తాపంతో ఓ యువకుడు ఏకంగా ఈ లోకాన్నే వదిలివెళ్లాడు. జిల్లాలోని జగదేవపూర్‌ మండలం తీగూల్‌ గ్రామానికి చెందిన నవీన్‌ అనే యువకుడు తన గదిలోనే ఉరివేసుకుని బలవన్మరణానికి పాల్పడ్డాడు. దీంతో ఆ తల్లి కన్నీరు మున్నీరుగా విలపిస్తోంది. చెట్టంత ఎదిగిన కొడుకు చేరదీస్తాడని ఆశించిన తల్లికి చివరకు కడుపుకోత మిగిలింది.
తీగూల్‌ గ్రామానికి చెందిన ఎల్లం నవీన్‌..చిన్న వయసులోనే తండ్రిని కోల్పోయాడు. నాటి నుంచి  తల్లి బాలమ్మ కూలి పనులు చేస్తూ..కొడుకు నవీన్‌, కూతురు వరాలును పెంచి పెద్ద చేసింది. తన ఇద్దరు పిల్లలకు అన్నీ తానై చదివించింది. కుమారుడిని ప్రయోజకుడిని చేయాలని ఆశపడింది. తల్లి ఆశలకు అనుగుణంగానే చిన్ననాటి నుండి కష్టపడి చదివిన నవీన్‌.. ఇటీవల టీఎస్‌పీఎస్సీ నిర్వహించిన టీఆర్‌టీలో ఎస్టీటీ ఉద్యోగం సాధించాడు. కంగ్టి మండలం పర్తుతాండలోని ప్రాథమిక పాఠశాలలో పోస్టింగ్‌ వచ్చింది. అక్టోబర్‌ 30న విధుల్లో చేరాడు.
ఉద్యోగంలో చేరిన నవీన్..పర్తుతాండలోనే నివాసం ఉంటున్నాడు. మండలంలోని ఇతర గ్రామాల్లో ఇటీవల కొత్తగా చేరిన మరో ఇద్దరు ఉపాధ్యాయులు కూడా ఆయన గదిలో చేరారు. ఈ క్రమంలోనే ఈ నెల 18న యథావిధిగా అందరూ తమ తమ ఉద్యోగాలకు వెళ్లిపోయారు. మధ్యాహ్నం భోజన విరామ సమయంలో గదికి వచ్చిన నవీన్‌ లోపల గడియ వేసుకుని ఫ్యాన్‌కు ఉరివేసుకున్నాడు. సాయంత్రం రూమ్‌కి వచ్చిన తోటి ఉపాధ్యాయులు ఎంత ప్రయత్నించినా నవీన్‌ తలుపు తీయకపోగా, లోపలి నుంచి ఉలుకు, పలుకు లేకపోవడంతో కంగారుపడి వారు పోలీసులను ఆశ్రయించారు. పోలీసుల ఆధ్వర్యంలో  గది తలుపులు పగులగొట్టి చూడగా..నవీన్‌ విగతజీవిగా కనిపించాడు. నవీన్‌ మృతదేహన్ని కిందకు దింపిన పోలీసులు కేసు నమోదు చేసుకుని దర్యాప్తు చేపట్టారు. సంఘటనా స్థలాన్ని పరిశీలించిన పోలీసులకు నవీన్‌ రాసిన సూసైడ్‌ లేఖ లభించింది. అందులో తాను అమ్మకు దూరం కావాల్సి వచ్చిందనే బెంగతోనే చనిపోతున్నట్లుగా లేఖలో ఉందని ఎస్సై తెలిపారు. మృతదేహాన్ని పోస్టుమార్టం నిమిత్తం ప్రభుత్వ ఆస్పత్రికి తరలించిన పోలీసులు మరింత సమాచారం కోసం దర్యాప్తు చేపట్టారు.

Homesick youngster commits suicide, అమ్మకు దూరమై..అనంత లోకాలకు

Related Tags