Breaking News
  • త్వరలో జనసేన క్రియాశీలక కార్యకర్తలతో పవన్‌ సమావేశాలు. 4 వారాల పార్టీ కార్యక్రమాల ప్రణాళికలు రూపొందించాలని నిర్ణయం. ప్రతి అసెంబ్లీ నియోజకవర్గం నుంచి.. పార్టీ కోసం పనిచేసే వారి జాబితా తయారు చేయాలి. ఈ నెల చివరి వారం నుంచి కార్యకర్తల సమావేశాలు నిర్వహించాలి. స్థానిక సంస్థల ఎన్నికల్లో అనుసరించాల్సిన విధానాలు.. బీజేపీతో ప్రయాణంపై సమావేశాల్లో చర్చించనున్న పవన్‌కల్యాణ్‌. గత ఎన్నికల్లో జనసేన తరపున పోటీచేసిన.. అభ్యర్థుల సమావేశం కూడా ఏర్పాటు చేయాలన్న పవన్‌కల్యాణ్‌.
  • ఇంధన పొదుపులో టీఎస్‌ ఆర్టీసీకి జాతీయ స్థాయిలో రెండో పురస్కారం. పురస్కారాన్ని అందుకున్న ఎండీ సునీల్‌శర్మ. రాష్ట్ర స్థాయిలో మూడు డిపోలకు దక్కిన అవార్డులు.
  • చెన్నైలో రోడ్డు ప్రమాదం. బైక్‌ను ఢీకొన్న కారు, ఇద్దరు మృతి. మృతులు తెలుగు యువకులుగా గుర్తింపు. విశాఖకు చెందిన బాలమురళి, హైదరాబాద్‌కు చెందిన రాహుల్‌గా గుర్తింపు. చెన్నైలో సాఫ్ట్‌వేర్‌ ఉద్యోగాలు చేస్తున్న బాలమురళి, రాహుల్‌.
  • రాజ్‌కోట్‌ వన్డే: ఆస్ట్రేలియా విజయలక్ష్యం 341 పరుగులు. ఆరు వికెట్ల నష్టానికి 340 పరుగులు చేసిన భారత్‌.
  • మాజీమంత్రి సోమిరెడ్డి చంద్రమోహన్‌రెడ్డికి అస్వస్థత. హైదరాబాద్‌లోని అపోలో ఆస్పత్రిలో సోమిరెడ్డికి చికిత్స.

కశ్మీర్‌లో ఉగ్రదాడి.. 30కి పైగా జవాన్లు కన్నుమూత

, కశ్మీర్‌లో ఉగ్రదాడి.. 30కి పైగా జవాన్లు కన్నుమూత

శ్రీనగర్: జమ్మూ కశ్మీర్‌లోని పుల్వామా జిల్లాలో జరిగిన ఉగ్రదాడిలో 30 మందికి పైగా సిఆర్‌పిఎఫ్ జవాన్లు కన్నుమూశారు. మృతుల సంఖ్య పెరిగే అవకాశముంది. జమ్ము-శ్రీనగర్ హైవేపై జవాన్లు ప్రయాణిస్తుండగా అకస్మాత్తుగా ఉగ్ర దాడి జరిగింది. 78 వాహనాల్లో సుమారు 2500 మంది జవాన్లు ప్రయాణిస్తున్నారు. ఈ కాన్వాయ్ అవంతిపుర ప్రాంతం సమీపంలోకి రాగానే దాడి జరిగింది. శ్రీనగర్‌కు 30 కిలోమీటర్ల దూరంలో ఈ ప్రాంతం ఉంది. దాడితో ఒక్కసారిగా ఆ ప్రాంతం ఉలిక్కిపడింది. వెంటనే రాష్ట్రంలో హై అలర్ట్ ప్రకటించారు.

, కశ్మీర్‌లో ఉగ్రదాడి.. 30కి పైగా జవాన్లు కన్నుమూత

దాడికి పాల్పడింది తామే అని జైషే మహ్మద్‌ ఉగ్రవాద సంస్థ ప్రకటించింది. ఉగ్రవాది అదిల్‌ అహ్మద్‌ 350 కేజీల పేలుడు పదార్థాలతో ఉన్న స్కార్పియో కారుతో సీఆర్ఫీఎఫ్‌ కాన్వాయ్‌లోని ఓ బస్సును ఢీకొట్టాడు. దీంతో భారీ విస్ఫోటనం సంభవించినట్టు ప్రత్యక్ష సాక్షులు చెబుతున్నారు. దాడి చేసిన ఉగ్రవాది అదిల్ అహ్మద్ పుల్వామాలోని కకపోర ప్రాంతానికి చెందినవాడు. 2018లో జైషే మహ్మద్ ఉగ్రవాద సంస్థలో చేరాడు. దాడికి గురైన బస్సులో 39 మంది ప్రయాణిస్తున్నారని, అందులో 76వ బెటాలియన్‌కు చెందిన జవాన్లు ఉన్నారని అధికారులు తెలిపారు.

, కశ్మీర్‌లో ఉగ్రదాడి.. 30కి పైగా జవాన్లు కన్నుమూత

ఈ దాడిని పలువురు నాయకులు ఖండించారు. ప్రధాని నరేంద్ర మోడీ ఈ దాడిని తీవ్రంగా ఖండించారు. ఇదొక తుచ్చమైన చర్య అని, మన సైనికుల ప్రాణ త్యాగం వృధా కాకూడదని అన్నారు. మరణించిన జవాన్ల కుటుంబాలకు అండగా దేశం మొత్తం ఉంటుందని, గాయాలపాలైన సైనికులు త్వరగా కోలుకోవాలని ప్రధాని ఆకాంక్షించారు. ఈ దాడిలో సుమారు 20కిపైగా గాయాలపాలయ్యారు.