Big Boss 4: మోనాల్ కొత్త సినిమా పాట చూశారా.. చీర కట్టులో, డీ గ్లామర్ పాత్రలో ఆకట్టుకుంటోన్న బ్యూటీ..
Monal New Movie Song: 'సుడిగాడు' చిత్రంతో తెలుగు ప్రేక్షకులకు పరిచయమైన నటి మోనాల్ గజ్జర్ తొలి చిత్రంతోనే తన అందం, అభినయంతో ఆకట్టుకుంది. అయితే ఈ సినిమా...
Monal New Movie Song: ‘సుడిగాడు’ చిత్రంతో తెలుగు ప్రేక్షకులకు పరిచయమైన నటి మోనాల్ గజ్జర్ తొలి చిత్రంతోనే తన అందం, అభినయంతో ఆకట్టుకుంది. అయితే ఈ సినిమా మంచి విజయాన్నే అందుకున్న మోనాల్కు మాత్రం ఆశించిన స్థాయిలో ఆఫర్లు రాలేవనే చెప్పాలి. ఇక తాజాగా బిగ్బాస్ రియాలిటీ షో 4వ సీజన్లో పాల్గొన్న మోనాల్ ఒక్కసారిగా పేరు సంపాదించుకుంది. హౌజ్లో తనదైన ఆటతీరుతో ఆకట్టుకున్న ఈ చిన్నది తెలుగు ఇళ్లలో సందడి చేసింది. దీంతో మోనాల్కు హౌజ్ నుంచి బయటకు వచ్చాక వరుస ఆఫర్లు క్యూకడుతున్నాయి. ఇప్పటికే ‘స్టార్ మా’లో ప్రసారమవుతోన్న ఓ డ్యాన్స్ షోలో న్యాయనిర్ణేతగా వ్యవహరిస్తున్న ఈ చిన్నది పలు చిత్రాల్లోనూ నటించేందుకు ఓకే చెప్పింది.
ఇదిలా ఉంటే మోనాల్ బిగ్బాస్ హౌజ్లోకి వెళ్లకముందు ‘కాగజ్’ అనే బాలీవుడ్ చిత్రంలో నటించింది. ఈ సినిమాను జనవరి 7న విడుదల చేయడానికి చిత్రయూనిట్ సన్నాహాలు చేస్తోంది. ఈ క్రమంలోనే తాజాగా ఈ చిత్రంలోని ‘బైల్గాడి’ అనే పాటను విడుదల చేశారు. ప్రస్తుతం ఈ వీడియో వైరల్గా మారింది. ఎక్కువగా గ్లామర్ పాత్రల్లోనే నటించిన మోనాల్.. ఈ పాటలో చీర కట్టులో, డీ గ్లామర్ పాత్రలో కనిపించి ఆకట్టుకుంటోంది. ఒక సాధారణ పేదింటి మహిళలగా మోనాల్ పలికించిన హావభావాలకు ఫిదా అవుతున్నారు. ఈ సినిమా కథ విషయానికొస్తే.. బతికుండగానే చనిపోయినట్టు సర్టిఫికెట్ ఇచ్చిన లంచగొండి ప్రభుత్వ వ్యవస్థల మీద సామాన్యుడి పోరాటానికి దశృరూపం. అజంఘర్కు చెందిన భరత్ లాల్ బిహారీ అనే రైతు జీవిత కథ ఆధారంగా ఈ సినిమాను తెరకెక్కిస్తున్నారు. మరి మోనాల్ ఈ సినిమాతో ఎలాంటి ఫేమ్ సంపాదించుకుంటుందో చూడాలి.
Also Read: Acharya Movie : ‘ఆచార్య’కోసం అడవులకు చిరు-చరణ్.. మారేడుమిల్లిలో మెగా హీరోల సందడి..