Breaking News
  • తూ.గో: పెద్దాపురంలో దారుణం. యర్రా శివశంకర్‌ అనే వ్యక్తిపై నగేష్‌ కత్తితో దాడి. పరిస్థితి విషమం, కాకినాడ ప్రభుత్వాస్పత్రికి తరలింపు.
  • అమరావతి: ఈ రోజు ప్రజాస్వామ్యాన్ని ఖూనీచేశారు. ప్రలోభాలకు లొంగలేదనే మండలి రద్దు తీర్మానం చేశారు. సెలెక్ట్‌ కమిటీ అంటే జగన్‌కు ఎందుకంత భయం. ఇన్‌సైడర్‌ ట్రేడింగ్‌పై ఎందుకు విచారణ జరపలేదు -ఎమ్మెల్సీ బచ్చుల అర్జునుడు.
  • మద్దాల గిరిని ఆర్థికంగా బెదిరించి పార్టీలోకి లాక్కున్నారు.
  • 11 మంది భారతీయ మత్స్యకారులను బంధించిన శ్రీలంక. ఒక పడవను స్వాధీనం చేసుకున్న శ్రీలంక నేవీ సిబ్బంది.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. 16 కంపార్ట్‌మెంట్లలో వేచివున్న భక్తులు. ఈ రోజు శ్రీవారి హుండీ ఆదాయం రూ.3.02 కోట్లు. ఈ రోజు శ్రీవారిని దర్శించుకున్న 44,366 మంది భక్తులు.
  • సూర్యాపేట జిల్లా కలెక్టర్‌ అమోయ్‌ కుమార్‌ బదిలీ. అమోయ్‌ కుమార్‌ను రంగారెడ్డి జిల్లాకు బదిలీ చేస్తూ ఉత్తర్వులు. నేరేడుచర్ల ఇంచార్జి కమిషనర్‌ మహేందర్‌రెడ్డి సస్పెన్షన్‌. తహశీల్దార్‌ రాంరెడ్డికి ఇంచార్జి బాధ్యతలు. కేవీపీ ఓటు విషయంలో అధికారుల తీరుపై ప్రభుత్వం చర్యలు.

గిరిజనుల జీవించే హక్కును మోదీ ప్రభుత్వం కాలరాస్తోంది

, గిరిజనుల జీవించే హక్కును మోదీ ప్రభుత్వం కాలరాస్తోంది

గిరిజనుల హక్కులను మోదీ ప్రభుత్వం కాలరాస్తోందని మాజీ గిరిజన మంత్రిత్వ శాఖ లీగల్ న్యాయవాది షోమోనా ఖన్నా విమర్శించారు. అటవీ హక్కు చట్టం-2006 కింద భూ యాజమాన్య హక్కు దరఖాస్తులు తిరస్కరణకు గురైన ఆదివాసీలు, ఓటీఎఫ్‌డీలను అటవీ ప్రాంతం నుంచి తొలగించాలని సుప్రీం కోర్టు ఇటీవల 21 రాష్ట్రాలకు ఆదేశాలు జారీ చేసిన విషయం తెలిసిందే. ఈ విషయంలో మోదీ ప్రభుత్వం గిరిజనుల తరపున పోరాడకపోవడంపై ఆమె ఆగ్రహం వ్యక్తం చేశారు.

, గిరిజనుల జీవించే హక్కును మోదీ ప్రభుత్వం కాలరాస్తోంది

2013 జూలై నుంచి 2017 జూలై వరకు గిరిజన మంత్రిత్వ శాఖకు లీగల్ న్యాయవాదిగా పనిచేసిన షోమోనా ఖన్నా.. గిరిజనుల తరపున తాము ఎన్నో నివేదికలను ప్రభుత్వానికి ఇచ్చామని చెప్పారు. ఇప్పుడు ఆ శాఖలో ఉన్న న్యాయవాదులను ప్రభుత్వం ఎలా ప్రభావితం చేసిందో తెలీదని.. కానీ వారు గిరిజనుల కోసం సుప్రీంలో పోరాడకపోవడం అన్యాయమని ఆమె అన్నారు. మోదీ ప్రభుత్వం గిరిజనులకు నివసించే హక్కును లేకుండా చేస్తుందని, ఈ కేసులో కనీసం ప్రభుత్వం తరపున లాయర్లు గట్టిగా విచారించలేకపోవడం బాధకరమైన విషయమని షోమోనా అన్నారు.

మరోవైపు ఈ విషయంలో సుప్రీం కోర్టును కూడా ఆమె తప్పుబట్టారు. ఈ తీర్పు పూర్తిగా రాజ్యాంగ విరుద్ధమని, ఎంతో మంది గిరిజనుల నివసించే స్వేచ్ఛకు భంగం కలిగించడమేనని షోమోనా స్పష్టం చేశారు. రెండు వైపులా వాదనలు వినకుండా సుప్రీం తీర్పును ఇచ్చిందని ఆమె ఆవేదన వ్యక్తం చేశారు.

, గిరిజనుల జీవించే హక్కును మోదీ ప్రభుత్వం కాలరాస్తోంది

కాగా సుప్రీం కోర్టు ఆదేశం ప్రకారం జూలై 27 నాటికి దాదాపు 11లక్షల కుటుంబాలు అడవుల్ని వదిలి ఇతర ప్రాంతాలకు వెళ్లిపోవాల్సి ఉంటుంది. ఇలా జరగకపోతే తీవ్ర పరిణామాలుంటాయని సుప్రీం కోర్టు హెచ్చరించింది. దీనిపై పలు ఎన్జీవోలు ఆందోళన వ్యక్తం చేస్తున్నాయి. ఈ చట్టం రాజ్యంగ విరుద్ధంగా ఉందని, దీని వలన అడవులు, అక్కడి జంతువులు, సహజ సంపద నాశనమయ్యే ప్రమాదం ఉందని వారు ఆవేదన వ్యక్తం చేస్తున్నారు.