Breaking News
  • ఏపీ రాజధానిగా అమరావతిని గుర్తించిన సర్వే ఆఫ్‌ ఇండియా. జమ్ము-కశ్మీర్‌ విభజన తర్వాత విడుదల చేసిన కొత్త మ్యాప్‌లో ఏపీ రాజధానిగా ఏ నగరాన్ని చూపని సర్వే ఆఫ్‌ ఇండియా. తీవ్ర అభ్యంతరం వ్యక్తం చేసిన ఆంధ్రప్రదేశ్‌ ఎంపీలు. ఏపీ ప్రభుత్వం ఇచ్చిన పత్రాల ఆధారంగా అమరావతిని రాజధానిగా గుర్తిస్తూ కొత్తమ్యాప్‌ విడుదల చేసిన సర్వేఆఫ్‌ ఇండియా.
  • యాదాద్రి: బైక్‌ను ఢీకొన్న గూడ్స్‌ రైలు. భర్త రాంరెడ్డి మృతి, భార్య రాధకు తీవ్రగాయాలు. భువనగిరి మండలం రాయగిరి రైల్వేస్టేషన్‌ దగ్గర ఘటన.
  • పార్టీ మారతారన్న వార్తలపై స్పందించిన మంత్రి ఈటల. నేను పార్టీ మారను-మంత్రి ఈటల. గాలి వార్తలపై నేను స్పందించను. చెప్పే వాళ్లు ఎన్నైనా చెప్తారు-మంత్రి ఈటల.
  • సుజనాచౌదరి వ్యాఖ్యలకు మంత్రి మోపిదేవి కౌంటర్‌. గోడ దూకే ఎంపీలెవరూ వైసీపీలో లేరు. జగన్‌పై ఎంపీలు, ఎమ్మెల్యేలకు సంపూర్ణ విశ్వాసం ఉంది. తిరుమలను ఆర్ధిక వనరుగా భావించే ఆలోచన ప్రభుత్వానికి లేదు -మంత్రి మోపిదేవి వెంకటరమణ.
  • ఈ ప్రపంచంలో దేనికైనా రంగులు వేయొచ్చు కష్టానికి తప్ప. అమరావతిని అంతర్జాతీయ పటంలో పెట్టింది చంద్రబాబు. అమరావతిని చేర్చి సర్వే ఆఫ్‌ ఇండియా కొత్త మ్యాప్‌ విడుదల చేసేలా లోక్‌సభలో పోరాడిన గల్లా జయదేవ్‌కు అభినందనలు-ట్విట్టర్‌లో నారా లోకేష్‌

ఇస్రో శాస్త్రవేత్తలకు షాకిచ్చిన కేంద్రం.. ఇంక్రిమెంట్లలో కోత

Modi government cuts increments for senior ISRO staff, ఇస్రో శాస్త్రవేత్తలకు షాకిచ్చిన కేంద్రం.. ఇంక్రిమెంట్లలో కోత

భారత అంతరిక్ష పరిశోధన సంస్థ ఇస్రో ప్రతిష్టాత్మకంగా ప్రయోగించిన ‘చంద్రయాన్ 2’ పరాజయం అవ్వలేదు. అలాగని ఇంకా విజయవంతం అవ్వలేదు. విక్రమ్ ల్యాండర్‌ సేఫ్‌గా ఉందని ఆర్బిటర్ పంపిన చిత్రాల్లో తేలగా.. దాంతో కమ్యునికేట్ అయ్యేందుకు ఇస్రో శాస్త్రవేత్తలు తమ ప్రయత్నాలు చేస్తున్నారు. ఇదిలా ఉంటే విక్రమ్ ల్యాండర్‌తో కమ్యూనికేషన్ ఆగిపోయిన తరువాత ప్రతి ఒక్క భారతీయుడు శాస్త్రవేత్తలకు తమ మద్దతును పలికారు. మీ వెంట మేమున్నాం అంటూ ప్రతి ఒక్కరు తమ సంఘీభావాన్ని ప్రకటించారు. ఇక ఈ ప్రయోగాన్ని ప్రత్యక్షంగా వీక్షించిన ప్రధాని మోదీ సైతం శాస్త్రవేత్తలకు ధైర్యం చెప్పారు. మిమ్మల్ని చూసి మేమంతా గర్విస్తున్నాం అని ఆయన వారినుద్దేశించి మాట్లాడారు. ఇదిలా ఉంటే ఇస్రో శాస్త్రవేత్తలకు షాక్ ఇచ్చేలా కేంద్రం ఓ నిర్ణయం తీసుకుంది.

అంతరిక్ష పరిశోధనా సంస్థలో పనిచేస్తున్న సీనియర్ స్టాఫ్ సభ్యులు, శాస్త్రవేత్తలు, ఇంజనీర్ల ఇంక్రిమెంట్లలో కోత విధించింది. అడిషనల్ ఇంక్రిమెంట్లను ఇచ్చేందుకు నిరాకరించడంతో జీతంలో కోత పడుతోంది. దీనికి సంబంధించిన ఉత్తర్వులు జూన్ 12న విడుదల చేయగా.. జూలై 1 నుంచి అమల్లోకి వచ్చింది. దీని ప్రభావంతో 90శాతం మంది ఇస్రో ఉద్యోగుల వేతనాలు సగటున రూ.10వేల మేర తగ్గనున్నాయి. కాగా 1996లో కేంద్ర ప్రభుత్వం ఎస్‌డీ స్థాయి నుంచి ఎస్‌జీ స్థాయి ఉద్యోగులకు రెండు అదనపు ఇంక్రిమెంట్ ఇచ్చేందుకు ఆమోదం తెలిపింది. దాన్ని మోదీ సర్కార్ వెనక్కి తీసుకుంది. ఈ చర్యను ఇస్రోలోని స్పేస్ ఇంజనీర్స్ అసోసియేషన్ తీవ్రంగా ఖండించింది. ఈ విషయాన్ని ప్రభుత్వానికి నివేదించి, వేతనాల్లో కోతలు లేకుండా చూడాలని వారు ఇస్రో చైర్మన్ కె.శివన్‌ను కోరారు.