Breaking News
  • దేశంలో కరోన బాధితుల సంఖ్య 4789కి చేరినట్లు ప్రకటించిన కేంద్ర ఆరోగ్య శాఖ. 4312 మందికి కొనసాగుతున్న చికిత్స. కరోన నుండి ఇప్పటి వరకు కోలుకున్న 352మంది బాధితులు. కోవిడ్-19వైరస్ సోకి ఇప్పటివరకు 124 మంది మృతి. సాయంత్రం 6.00 గంటల వరకు వివరాలు వెల్లడించిన కేంద్ర ఆరోగ్య శాఖ. గడచిన 24 గంటల్లో 508 పాజిటివ్ కేసులు నమోదు కాగా 13మంది మృతి.
  • శరవేగంగా రూపుదిద్దుకున్న గచ్చిబౌలి ఐసోలేషన్‌ సెంటర్‌. అత్యాధునిక ఐసోలేషన్‌ సెంటర్‌గా గచ్చిబౌలి స్పోర్ట్స్‌ విలేజ్‌. అంతర్జాతీయ స్థాయిలో కరోనా ఐసోలేషన్‌ సెంటర్‌ ఏర్పాటు. ఫైవ్‌స్టార్‌ హోటల్‌ను తలపించేలా ఉన్న సదుపాయాలు. మొత్తం 14 అంతస్తుల భవనంలో గ్రౌండ్‌ ఫ్లోర్‌లో వెంటిలేటర్‌ సదుపాయం. ఇప్పటికే మూడు అంతస్తుల్లో 1,500 బెడ్స్‌ సిద్ధం. ఒక్కో ఫ్లోర్‌కు 36 గదులు, ప్రతి గదిలో 2 బెడ్స్‌. మరో 11 ఫ్లోర్లు శరవేంగా సిద్ధం చేస్తున్న వైద్య ఆరోగ్యశాఖ. రోజుకు 24 గంటలు 1,200 మంది వైద్య సిబ్బంది విధులు. ఉస్మానియా ఆస్పత్రికి అనుసంధానంగా పని చేయనున్న గచ్చిబౌలి ఐసోలేషన్‌ సెంటర్‌.
  • ఆంధ్రప్రదేశ్‌లో కరోనా పాజిటివ్ కేసులు పెరుగుతుండటంతో అధికార యంత్రాంగం మరింత అప్రమత్తం అయ్యింది.. విదేశాలతో పాటు ఇతర ప్రాంతాల నుంచి వచ్చిన వారిపై ప్రత్యేక దృష్టి సారించారు. అనుమానితులందరినీ ఇప్పటికే క్వారంటైన్, ఐషోలేషన్ కేంద్రాలకు తరలించిన అధికారులు.. ఇంటింటి సర్వేను కూడా మరోసారి వేగవంతం చేశారు.
  • భారత్‌ దగ్గర సరిపడ హైడ్రాక్సీ క్లోరోక్విన్‌ ఉంది. లాక్‌డౌన్‌ పొడిగింపుపై కేంద్రం ఎలాంటి నిర్ణయం తీసుకోలేదు-లవ్‌ అగర్వాల్‌.
  • లాక్‌డౌన్‌ను పొడిగించే ఆలోచనలో కేంద్ర ప్రభుత్వం. లాక్‌డౌన్‌ పొడిగించాలని కేంద్రంపై వివిధ రాష్ట్రాల ఒత్తిడి. లాక్‌డౌన్‌ పొడిగించాలని ఇప్పటికే ప్రధాని మోదీని కోరిన తెలంగాణ సీఎం కేసీఆర్‌. కేసీఆర్‌ బాటలో మధ్యప్రదేశ్‌ సీఎం శివరాజ్‌సింగ్‌ చౌహాన్‌.. మహారాష్ట్ర సీఎం ఉద్దవ్‌ఠాక్రే. లాక్‌డౌన్‌ను పొడిగించాలిన కేంద్రాన్ని కోరిన యూపీ సర్కార్‌.

దక్షిణాది రాష్ట్రాలపై పక్షపాతం.. కాంగ్రెస్ ఎంపీల విమర్శలు

Revanth Redddy, దక్షిణాది రాష్ట్రాలపై పక్షపాతం.. కాంగ్రెస్ ఎంపీల విమర్శలు

కేంద్ర ఆర్ధిక మంత్రి నిర్మలా సీతారామన్ ప్రవేశపెట్టిన బడ్డెట్‌లో దక్షిణాది రాష్ట్రాలపై మొండిచేయి చూపారని విమర్శించారు కాంగ్రెస్ ఎంపీ రేవంత్ రెడ్డి. 2019-20 కేంద్ర బడ్జెట్‌పై ఆయన స్పందించారు. దక్షిణాది రాష్ట్రాలకు విద్యా, ఉద్యోగాల్లో ఎలాంటి ప్రోత్సాహం ఇచ్చే పథకాలను రూపొందించలేదని పెదవి విరిచారు. దక్షిణాది రాష్ట్రాలు రూపాయి పన్నుచెల్లిస్తుంటే.. తిరిగి కేవలం 65 పైసలు మాత్రమే ఇస్తున్నారన్నారని, దీన్ని చూస్తుంటే ఉత్తరాది నేతల వివక్ష స్పష్టంగా అర్ధమవుతోందని విమర్శించారు. కేంద్ర ఆర్ధిక మంత్రి దక్షిణాది రాష్ట్రానికి చెందిన వారైనప్పటికీ ప్రధాని మోదీ చేతిలో కీలుబొమ్మగా మారిపోయారంటూ రేవంత్ విమర్శించారు.

మరో ఎంపీ ఉత్తమ్ కుమార్ రెడ్డి మాట్లాడుతూ ఈ బడ్జెట్ చాలా నిరుత్సాహపరిచిందని.. నిరుద్యోగులు, రైతులు, యువత, పరిశ్రమల వంటి వాటికి ప్రోత్సాహం ఇస్తారని భావిస్తే  దానికి తగ్గట్టుగా బడ్జెట్ లేదని వ్యాఖ్యానించారు. పబ్లిక్ సంస్థల నుంచి కొన్ని పెట్టుబడుల ఉపసంహరణ చేసుకుంటామంటున్నారని ఇది సహేతుకం కాదనే రీతిలో విమర్శలు చేశారు. మొత్తానికి ఈ బడ్జెట్ నిరాశనే మిగిల్చిందన్నారు ఉత్తమ్.

Related Tags