మోడర్నా వ్యాక్సిన్‌ రెడీ..! మొదట వారికేనట… ఏడాది చివరికల్లా 2 కోట్ల డోసులు అందుబాటులోకి తెచ్చే ప్రయత్నం…
గ్లోబల్ ఫార్మా కంపెనీ మోడర్నా ఇంక్ మెసెంజర్‌ ఆర్‌ఎన్‌ఏ 1273 పేరుతో కరోనా వాక్సిన్ ను తయారు చేస్తోంది. తాజాగా ఆ సంస్థ తాము అభివృద్ధి చేసిన వ్యాక్సిన్‌ను ఎమర్జెన్సీ ప్రాతిపదికన వినియోగించేందుకు అనుమతించవలసిందిగా దరఖాస్తు చేసుకుంది.
Moderna says request us for vaccine authorization గ్లోబల్ ఫార్మా కంపెనీ మోడర్నా ఇంక్ మెసెంజర్‌ ఆర్‌ఎన్‌ఏ 1273 పేరుతో కరోనా వాక్సిన్ ను తయారు చేస్తోంది. తాజాగా ఆ సంస్థ తాము అభివృద్ధి చేసిన వ్యాక్సిన్‌ను ఎమర్జెన్సీ ప్రాతిపదికన వినియోగించేందుకు అనుమతించవలసిందిగా అమెరికన్, యూరోపియన్‌ ఔషధ నియంత్రణ సంస్థలకు దరఖాస్తు చేసుకుంది. కొవిడ్ ప్రమాదకర పరిస్థితుల్లో ఉన్నవారిపై తమ వ్యాక్సిన్‌ 100 శాతం ప్రభావం చూపుతున్నట్లు ఆ సంస్థ తెలియజేసింది. వ్యాక్సిన్‌ తుది దశ క్లినికల్‌ పరీక్షలలో 94.1 శాతం సత్ఫలితాలు వెలువడినట్లు మోడర్నా ఇప్పటికే ప్రకటించింది. ఈ ఏడాది చివరికల్లా 2 కోట్ల డోసేజీలను అందుబాటులో ఉంచే వీలున్నట్లు మోడర్నా ఇంక్ తెలియజేసింది.
డిసెంబర్ 17న సమావేశం…
మోడర్నా ఇంక్ వ్యాక్సిన్‌పై సమీక్షను చేపట్టేందుకు యూఎస్‌ఎఫ్‌డీఏకు చెందిన స్వతంత్ర సలహాదారులు ఈ నెల 17న సమావేశం కానున్నారు. తద్వారా వ్యాక్సిన్‌ సంబంధ బయోలాజికల్‌ ప్రొడక్ట్స్‌ అడ్వయిజరీ కమిటీ(వీఆర్‌బీపీఏసీ)గా పిలిచే సలహాదారులు వ్యాక్సిన్లపై ఎఫ్‌డీఏకు సూచనలు అందించనున్నట్లు తెలుస్తోంది. ఎమర్జీన్సీ వినియోగం కోసం ఇప్పటికే యూఎస్‌ఎఫ్‌డీఏకు దరఖాస్తు చేసిన ఫైజర్‌ ఇంక్ వ్యాక్సిన్‌పై ఈ నెల 10న సమీక్షను నిర్వహించనున్నారు. రెండు కంపెనీల డేటాను మదింపు చేశాక యూఎస్‌ఎఫ్‌డీఏకు వీరు సలహాలు అందించనున్నట్లు సంబంధిత వర్గాలు పేర్కొన్నాయి.
