Breaking News
  • దిశ నిందితుల ఎన్‌కౌంటర్‌పై మహిళా సంఘాల అభ్యంతరం. ఎన్‌కౌంటర్‌కు వ్యతిరేకంగా హైకోర్టుకు లేఖ రాసిన మహిళా సంఘాలు. కస్టడీలో ఉన్న నిందితులను ఎలా ఎన్‌కౌంటర్‌ చేస్తారని లేఖ. కోర్టులో కేసు నడుస్తుండగా చట్టాన్ని ఎలా చేతుల్లోకి తీసుకుంటారు. ఎన్‌కౌంటర్‌ చేసిన వారిపై చర్యలు తీసుకునేలా డీజీపీని ఆదేశించాలి. మృత దేహాలకు ఫోరెన్సిక్‌ నిపుణులతో పోస్టుమార్టం చేయించాలి. పోస్టుమార్టం వీడియో తీయించాలి-లేఖలో మహిళా సంఘాలు. హైకోర్టు చీఫ్‌ జస్టిస్‌ అందుబాటులో లేకపోవడంతో సోమవారం విచారిస్తామన్న హైకోర్టు.
  • కేంద్రీయ సైనిక్‌ బోర్డ్‌కు పవన్‌కల్యాణ్‌ విరాళం. కోటి రూపాయలు విరాళం ప్రకటించిన పవన్‌కల్యాణ్‌. స్వయంగా ఢిల్లీ వెళ్లి డీడీ అందిస్తా-పవన్‌కల్యాణ్‌.
  • ఎన్‌కౌంటర్లు సమస్యకు పరిష్కారం కాదు-ట్విట్టర్‌లో ఆర్జీవీ. సమాజంలో ఉద్రేకాలను తగ్గించేందుకు ఎన్‌కౌంటర్లు దోహదం చేయొచ్చు-ట్విట్టర్‌లో రామ్‌గోపాల్‌వర్మ.
  • తూ.గో: ఆంధ్రా పాలిటెక్నిక్‌ కాలేజ్‌లో విద్యార్థులపై దాడి. విద్యార్థులపై దాడి చేసిన బయటి వ్యక్తులు. ఇద్దరు విద్యార్థులకు గాయాలు పోలీసులకు ఫిర్యాదు, కేసు నమోదు.
  • గుంటూరు: పిడుగురాళ్ల సబ్‌ రిజిస్ట్రార్‌ కార్యాలయంలో ఏసీబీ తనిఖీలు. లెక్కలు చూపని రూ.56,700 స్వాధీనం, కేసు నమోదు.
  • ధరల నియంత్రణలో ప్రభుత్వం విఫలమైంది-చంద్రబాబు ట్వీట్‌. ఉల్లి ధరలతో జనం అల్లాడుతుంటే దేశమంతా ధరలు పెరిగాయని వైసీపీ మంత్రులు చెప్పడం హాస్యాస్పదం-ట్విట్టర్‌లో చంద్రబాబు. ఆరు నెలల్లోనే రాష్ట్రాన్ని దళారుల రాజ్యంగా మార్చారు. ఒక్క ఉల్లి మాత్రమే కాదు.. నిత్యావసరాల ధరలన్నీ చుక్కలనంటాయి. రూ.5 వేల కోట్లతో ధరల స్థిరీకరణ నిధి అన్నారు.. ఏమైంది. ఉల్లి కోస్తే వచ్చే కన్నీళ్లు.. ఉల్లిని కొంటున్నప్పుడే వస్తున్నాయి. ఉల్లి ధరల తడాఖా ఏంటో స్థానిక సంస్థల్లో మహిళలు చూపిస్తారు -ట్విట్టర్‌లో చంద్రబాబు
  • మహబూబ్‌నగర్‌: దిశ నిందితుల మృతదేహాలకు పోస్ట్‌మార్టం పూర్తి. రాత్రికి మహబూబ్‌నగర్‌ ప్రభుత్వాస్పత్రిలోనే నిందితుల మృతదేహాలు. రేపు మహబూబ్‌నగర్ ఆస్పత్రికి వెళ్లనున్న ఎన్‌హెచ్ఆర్సీ ప్రతినిధులు. ఎన్‌హెచ్‌ఆర్సీ ప్రతినిధుల బృందం పరిశీలించిన తర్వాతే నిందితుల మృతదేహాలకు అంత్యక్రియలు. మహబూబ్‌నగర్‌ ప్రభుత్వాస్పత్రి దగ్గర భారీగా పోలీస్‌ బందోబస్తు.

సైడ్ ఇన్‌కమ్ వేట.. ఎమ్మెల్యేల బాట..ఇంతకీ ఎక్కడ ?

mlas side income business, సైడ్ ఇన్‌కమ్ వేట.. ఎమ్మెల్యేల బాట..ఇంతకీ ఎక్కడ ?
కష్టపడి గెలిచాం.ఐదేళ్ల వరకు ఢోకా లేదు.అడిగే వారు లేరు అసలే లేరు.కను చూపు మేరలో ఎన్నికలు కూడా లేవు. అభివృద్ది పనులు అంతంత మాత్రమే… అందుకే ఎమ్మెల్యేలు ఎన్నికల ఖర్చు రాబట్టుకునేందుకు సైడ్ దందా స్టార్ట్ చేశారా..? రియల్ ఎస్టేట్ వైపు కన్నేశారా..? బిజినెస్ మెన్ అవతారం ఎత్తడం వల్లే నియోజకవర్గాలకు అడపాదడపా వచ్చిపోతున్నారా…..? అంటే అవుననే అంటున్నారు గులాబీ శ్రేణులు. అసలు ఆ ఎమ్మెల్యేలు చేస్తున్న సైడ్ దందాలేంటి?
ఉమ్మడి నిజామాబాద్ జిల్లాలో ఇటీవల జరిగిన అసెంబ్లీ ఎన్నికల్లో అధికార టీఆర్ఎస్ 9 స్ధానాల్లో 8 సీట్లు గెలుచుకుంది. ఎల్లారెడ్డి లో కాంగ్రెస్ గెలిచినా కొద్ది రోజుల్లోనే ఆయన కారెక్కేశారు. ప్రస్తుతం 9 నియోజకవర్గాల్లో గులాబీ ఎమ్మెల్యేలు ఉన్నారు. ఇంత వరకు బాగానే ఉన్నా.. 9 మందిలో ఒకరు స్పీకర్ గా ఉండగా మరొకరు మంత్రిగా బాధ్యతలు నిర్వహిస్తున్నారు. మరొకరు విప్ బాధ్యతల్లో ఉన్నారు. ఐతే చాలా మంది ఎమ్మెల్యేలు నియోజకవర్గాలకు ముఖం చాటేశారట.
ఎన్నికల్లో పెట్టిన ఖర్చులు రాబట్టుకునేందుకు సైడ్ బిజినెస్ మొదలెట్టారట. ఒకవైపు పవర్ ఎంజాయి చేస్తూనే మరో వైపు కొందరు రియల్ ఎస్టేట్స్ వ్యాపారంలో, మరికొందరు ఇతర వ్యాపారాల్లో బిజీ అయ్యారట. అందుకే నియోజకవర్గాల్లో ఎమ్మెల్యేలు భూతద్దాలు పెట్టి వెతికినా కనపడటం లేదట. కొందరు ఎమ్మెల్యేలు అడపాదడపా చిన్న చిన్న షాపుల ఓపెనింగ్ కు వస్తూ.. అలా మెరిసిపోతున్నారట.
పార్లమెంట్ ఎన్నికల నుంచి ఓ ఎమ్మెల్యే నియోజకవర్గానికి ముఖం చాటేశారట. విదేశాల్లో ఉన్న తన వ్యాపారాల్లో సదరు ఎమ్మెల్యే బిజీ అయ్యారనే టాక్ నడుస్తోంది. అభివృద్ది పనులకు నిధులు లేక, పనులు మధ్యలో ఆగిపోవడం, నియోజకవర్గ నిధులు తగ్గిపోవడం తో ప్రత్యామ్నాయం వైపు దృష్టిపెట్టారనే టాక్ నడుస్తోంది. జిల్లా కేంద్రానికి దగ్గర్లో ఉండే మరో ఎమ్మెల్యే వారంలో ఒక్కరోజు మాత్రమే అంటూ నియోజకవర్గానికి వస్తున్నారట. దీంతో కార్యకర్తలు, నియోజకవర్గ ప్రజలు  తమ సమస్యలు ఎవరికి చెప్పుకోవాలో తెలియక తలలు పట్టుకుంటున్నారు.
ఉమ్మడి నిజామాబాద్ జిల్లాలో మెజార్టీ ఎమ్మెల్యేలు రెండోసారి విజయం సాధించారు. ఈ అసెంబ్లీ ఎన్నికల్లో గత ఎన్నికల కంటే రెట్టింపు ఖర్చు పెట్టారట. కొందరు ఇప్పటికీ అప్పులు కడుతుంటే మరికొందరు ఖర్చులను రాబట్టుకునేందుకు బిజినెస్ మెన్ అవతారం ఎత్తారట. ఎమ్మెల్యే గిరీ చేస్తే అప్పులు తీరవంటూ సైడ్ దందాలు మొదలెట్టారట.
గెలిచిన ఎమ్మెల్యేల్లో చాలా మంది కాంట్రాక్టర్లు, బిల్టర్లుగా ఉండి, రాజకీయ ఆరగేంట్రం చేశారు. మొదటి సారి ఈజీగా గెలిచారు. రెండోసారి గెలిస్తే మంత్రి పదవి వస్తుందనే ఆశతో.. ఇబ్బడి ముబ్బడిగా ఖర్చు చేశారు. ఇప్పుడు ఆ ఖర్చులు రాబట్టుకునేందుకు సర్కారు పనులపై ఆశ లేకపోవవడంతో.. పాత బిజినెస్ లపై దృష్టిపెట్టారట.
ఇందూరులో ఇంకో ఎమ్మెల్యే ఓ అడుగు ముందుకేసి భూకబ్జాలు, ల్యాండ్ సెటిల్ మెంట్ల కోసం ఓ గ్యాంగ్ ని సిద్దం చేశారనే టాక్ నడుస్తోంది. ఇంకొకరు ఓ కార్పొరేషన్ స్ధలాన్ని లీజుకు తీసుకుని భారీ షాంపిగ్ కాంప్లెక్స్ కట్టేశారట. ఇలా చాలా మంది ఎమ్మెల్యేలు నియోజకవర్గానికి రాకుండా బిజీగా మారిపోయారట.  ఎమ్మెల్యేల బిజినెస్ లు విషయం అధిష్ఠానానికి తెలిసినా.. ఐతే ఓకే అంటున్నారట.
ఎన్నికల సంవత్సరం వరకు తమ సొంత వ్యాపారాలు బాగు చేసుకుని చివరి సంవత్సరం నియోజకవర్గంలోనే ఉండాలనే ప్లాన్ తో ఉన్నారట శాసన సభ్యులు. ఐతే నియోజకవర్గాల ప్రజలు మాత్రం ఎమ్మెల్యేల కోసం కార్యాలయాల చుట్టు చెప్పులరిగేలా తిరుగుతున్నా.. కంటికి కనిపించడం లేదని ఊసురుమంటున్నారట.
ప్రజా ప్రతినిధులుగా గెలిచిన ఎమ్మెల్యేలు ప్రజలకు అందుబాటులో లేకుండా అజ్ఞాతవాసంలో ఉండటం పట్ల నియోజకవర్గ ప్రజలు మండిపడుతున్నారు. సొంత పనులు చక్క బెట్టుకున్నా.. నియోజకవర్గ ప్రజలకు సమయం ఇవ్వాలని కోరుతున్నారు. మరీ ఆ బిజినెస్ మెన్లు ఏ మేరకు అందుబాటులోకి వస్తారో వేచిచూడాలి.