Breaking News
  • పులిగడ్డ-పెనుముడి బ్రిడ్జి పై నుంచి నదిలోకి దూకిన యువతి. పులిగడ్డ-పెనుముడి బ్రిడ్జి పై నుంచి నదిలోకి దూకిన యువతి. వాహనదారుల సమాచారంతో సంఘటనా స్థలానికి చేరిన పోలీసులు. నదిలోకి దూకి యువతిని కాపాడిన ఏఎస్సై మాణిక్యాలరావు. మాణిక్యాలరావును అభినందించిన పోలీసులు, స్థానికులు.
  • చెన్నై: సినీ నటుడు రాఘవ లారెన్స్‌ వివాదాస్పద వ్యాఖ్యలు. డబ్బు కోసమో, పబ్లిసిటీ కోసమో రజినీ రాజకీయాలకు వస్తున్నారని.. కొందరు మాట్లాడటం దురదృష్టకరం-రాఘవ లారెన్స్‌. రజినీకి రాజకీయాలు తెలియదు అనడం హాస్యాస్పదం. రజినీని ఎవరు టార్గెట్‌ చేసినా వాళ్లకు గట్టిగా సమాధానం చెప్తా. త్వరలో రజినీ రాజకీయం ఏంటో అందరూ చూస్తారు-రాఘవ లారెన్స్‌. రజినీ మీద అభిమానంతో కమలహాసన్‌ పోస్టర్లను పేడతో కొట్టి చించేవాణ్ణి. వాళ్లిద్దరు కలవడం ద్వారా తమిళనాడులో మంచి రోజులు రాబోతున్నాయి -సినీ నటుడు రాఘవ లారెన్స్‌.
  • కరీంనగర్‌: కోరుట్లలో వంద పడకల ఆస్పత్రి భవనానికి శంకుస్థాపన. ఆస్పత్రి భవనానికి శంకుస్థాపన చేసిన మంత్రి ఈటెల రాజేందర్‌. వైద్యంలో కేరళ, తమిళనాడు రాష్ట్రాలతో తెలంగాణ పోటీ పడుతుంది. గతంలో ప్రభుత్వ ఆస్పత్రి అంటే ప్రజలు భయపడేవారు. కేంద్ర పథకం ఆయుష్మాన్‌ పథకం కన్నా ఆరోగ్యశ్రీ మిన్న.
  • విజయవాడ: టీడీపీ ప్రభుత్వం ఆర్టీసీ, విద్యుత్‌ చార్జీలు పెంచలేదు. ఆర్టీసీ చార్జీల పెంపుతో ప్రజలపై రూ.3,500 కోట్ల భారం పడుతుంది. వైసీపీ చేతగాని తనంతోనే ప్రజలపై భారం మోపారు -మాజీ మంత్రి దేవినేని ఉమ. ఐదు నెలలు ఇసుక దొరకకుండా దోచుకున్నారు. ఇప్పుడు ఆర్టీసీ చార్జీల పెంపుతో ప్రజలపై భారం మోపారు -మాజీ మంత్రి కొల్లు రవీంద్ర.
  • విజయవాడ: భవానీ దీక్ష విరమణల కోసం అన్ని ఏర్పాట్లు చేశాం. ఈ నెల 18 నుంచి 22 వరకు ఇంద్రకీలాద్రిపై భవానీ దీక్షా విరమణలు. కనకదుర్గానగర్‌ మీదుగా భక్తులను ఆహ్వానిస్తున్నాం. భవానీల కోసం ఘాట్‌ రోడ్డు మీదుగా క్యూలైన్‌లు ఏర్పాటు చేశాం. ఇంద్రకీలాద్రిపై ప్లాస్టిక్‌ను నిషేధించాం-ఈవో సురేష్‌ బాబు.
  • చెన్నై: స్థానిక సంస్థల ఎన్నికలకు రజినీ మక్కల్‌ మండ్రం దూరం. ఏ పార్టీకి మద్దతు ప్రకటించని మండ్రం. రజినీ మద్దతు ఇస్తున్నట్టు ఎవరైనా ప్రచారం చేసుకుంటే.. కఠిన చర్యలు తీసుకుంటామని హెచ్చరిక.
  • నెల్లూరు: వైసీపీ ప్రభుత్వం మాట తప్పింది-కోటంరెడ్డి . ప్రజలపై ఏ భారం వేయబోము అని నమ్మించి అధికారంలోకి వచ్చారు. ఆర్టీసీ చార్జీల పెంపుతో ఏటా రూ.700 కోట్ల భారం ప్రజలపై పడింది. మాట తప్పని జగన్‌ ఆర్టీసీ చార్జీల పెంపుపై సమాధానం చెప్పాలి. తెలంగాణ సీఎం కేసీఆర్‌ను కాపీ కొడుతూ జగన్‌ కాపీ సీఎంగా మారారు -నూడా మాజీ చైర్మన్‌ కోటంరెడ్డి శ్రీనివాసులు రెడ్డి.

రెండున్నరేళ్ల బాలుడు మిస్సింగ్‌..పట్టించిన వాట్సాప్‌

Missing children Social media back to parents, రెండున్నరేళ్ల బాలుడు మిస్సింగ్‌..పట్టించిన వాట్సాప్‌

కనిపించకుండా పోయిన రెండున్నరేళ్ల చిన్నారిని వెతికి పట్టించింది సోషల్‌ మీడియా. ఈ సంఘటన అనంతపురం జిల్లలో జరిగింది. ఇంటినుంచి తప్పిపోయిన ఓ బాలుడ్ని తిరిగి తల్లిదండ్రులకు వద్దకు చేర్చింది సోషల్‌ మీడియా. అనంతపురం రూరల్‌ సమీపంలోని కొడిమి క్రాస్‌ సెంటర్‌లో నివసిస్తున్నారు సురేష్‌బాబు కుటుంబం. సురేష్‌బాబు ఆటో డ్రైవర్‌..అతని కుమారుడు రెండున్నరేళ్ల తేజేశ్వర్‌ ఈ నెల 11న ఇంటి ముందు ఆడుకుంటూ తప్పిపోయాడు. ఉన్నట్టుండి బాబు కనిపించకుండా పోవడంతో సురేష్‌బాబు, స్థానికులు చుట్టుపక్కలంతా గాలించారు. అయినా ఫలితం లేకపోవడంతో రూరల్‌ పోలీస్ పోలీసులకు ఫిర్యాదు చేశారు. దీంతో రంగంలోకి దిగిన పోలీసులు సంఘటనా స్థలానికి వెళ్లి డాగ్‌ స్క్వాడ్‌తో తనిఖీలు చేయించారు. 10 ప్రత్యేక బృందాలతో ప్రధాన కూడళ్లు, రైల్వే స్టేషన్‌, బస్టాండ్ల వద్ద ముమ్మర గాలింపు చేపట్టారు. బళ్ళారి రోడ్డులోని అన్ని గ్రామాలను గాలించారు. డ్రోన్ కెమెరాలు తెప్పించి బాలుడి ‘ఇంటి
చుట్టు పక్కల సుమారు ఐదు కిలోమీటర్ల వరకు జల్లెడ పట్టారు. 15 మంది ప్రత్యేక దళాలతో ఇంటి చుట్టు ప్రక్కల సుమారు ఐదు కిలోమీటర్ల వరకు అన్ని దిక్కులలోని వాగులు, వంకలు, ముళ్ళ పొదలు, రాళ్ళ గుట్ట ల లోను వెతికించారు. ఎన్ని రకాలుగా ప్రయత్నించినా ఫలితం లేకపోవడంతో.. watsapp, facebook లద్వారా అన్ని  గ్రూపులలో పంపించి బాగా వైరల్ చేశారు. దీంతో బాలుడి ఆచూకీ ఫోన్ సమాచారం ద్వారా పోలీసులకు అందింది.

అసలేం జరిగింది…
కుందుర్పి మండలం బెస్తరపల్లి గ్రామానికి చెందిన నాగరాజు అనే వ్యక్తి కాంట్రాక్ట్  పనులు చేసుకునే వాడు. తన వ్యక్తిగత పని మీద ఈ నెల 11న కళ్యాణదుర్గం నుండి కూడేరు మీదుగా అనంతపురము వెళ్తుండగా కొడిమి వద్ద రాత్రి సుమారు 8.20 గంటల సమయంలో బాలుడు ఏడుస్తూ కనిపించాడట. కాసేపు అక్కడ ఆగిచూస్తే..చుట్టు పక్కల ఎవరూ లేకపోవడంతో ఆ బాలుడిని  తన స్కూటీపై ఎక్కించుకుని అనంతపురంలోని తమ ఇంటికి తీసుకెళ్ళాడు. మరసటి రోజు  ఉదయము తన స్వగ్రామానికి తీసుకెళ్లాడు. తనకు పెళ్లై తొమ్మిదేళ్లు అయినప్పటికీ..  పిల్లలు లేకపోవడంతో ఆ పిల్లవాడిని పెంచుకుందామని అనుకున్నారు. తరువాత వాట్సాప్,  ఫేస్ బుక్ ద్వారా బాలుడి ఫోటో ప్రచారం కావడంతో ఆ చిన్నారి తనవద్దే ఉన్నాడని పోలీసులకు సమాచారం అందించాడు. నవంబర్‌ 16న బాలుడిని పోలీసుల సమక్షంలో తల్లిదండ్రులకు అప్పగించారు. ఈ కేసుకు సంబంధించిన వివరాలను డీఎస్పీ వీర రాఘవ రెడ్డి వివరించారు. సోషల్ మీడియా ద్వారా నేటితరం యువత చెడు బారిన పడుతున్నారని ఆవేదనగా ఉన్నా,.. కొన్ని అంశాల్లో వాటిని సరిగా వినియోగిస్తే ఎంత మంచి జరుగుతుందో చెప్పేందుకు ఈ సంఘటనే ఉదాహరణగా నిలిచిందన్నారు.