Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

బ్రేకింగ్: భానుప్రియకు పోలీసుల షాక్: అరెస్ట్‌ ఖాయమా..?

Minor girl harassment case against actor bhanupriya transferred to chennai, బ్రేకింగ్: భానుప్రియకు పోలీసుల షాక్: అరెస్ట్‌ ఖాయమా..?

నటి భానుప్రియను పోలీసు కేసు వెంటాడుతోంది. గతేడాది జనవరిలో ఆంధ్రప్రదేశ్ సామర్లకోటలో భానుప్రియపై బాలకార్మికుల నేరం నమోదైంది. అయితే ఈకేసుకు సంబంధించి మొదటి ఫిర్యాదు చెన్నైలో నమోదవడంతో కేసును చెన్నైకు బదిలీ చేశారు పోలీసులు. పోస్టల్‌లో వచ్చిన ఎఫ్‌ఐఆర్‌ కాపీ ఆధారంగా భానుప్రియపై 323, 506,341 సెక్షన్లతో పాటు 75, 79 జువైనల్‌ యాక్ట్‌ కింద కేసులు నమోదు చేశారు పాండిబజార్‌ పోలీసులు.

చెన్నైలో ఉంటున్న భానుప్రియ మెడకు పోలీసు కేసు చుట్టుకుంటోంది. గత జనవరి 19న తన ఇంట్లో పని చేసే అమ్మాయి దొంగతనం చేసిందంటూ సోదరుడు గోపికృష్ణతో కలిసి పాండిబజార్‌ పోలీసులకు ఫిర్యాదు చేసింది. ఈకేసులో చోరీ ఆరోపణలు ఎదుర్కొంటున్న పనిపిల్ల తల్లి ప్రభావతి గతంలోనే సామర్లకోట పోలీసులకు భానుప్రియపై ఫిర్యాదు చేసింది. తన కూతుర్ని ఇంట్లో నిర్భంధించి చిత్రహింసలు పెడుతున్నారని కంప్లైంట్‌లో పేర్కొంది. తన కూతుర్ని రక్షించమని పనిపిల్ల తల్లి కోరింది.

ప్రభావతి ఇచ్చిన ఫిర్యాదుతో నటి భానుప్రియపై బాల కార్మికుల నేరం నమోదు చేశారు సామర్లకోట పోలీసులు. ఈ కేసులో భాగంగానే సామర్లకోట పోలీసులు.. చెన్నైకి వెళ్లి నటి భానుప్రియను విచారించారు. అదే సమయంలో భానుప్రియ పెట్టిన కేసులో చెన్నై, పాండిబజార్‌ పోలీసులు పనిపిల్ల, తల్లి ప్రభావతిని అరెస్ట్‌ చేసి విచారించారు.

గతేడాది నమోదైన కేసును సామర్లకోట పోలీసులు తాజాగా వెలుగులోకి తీసుకొచ్చారు. ఈ కేసుకు సంబంధించిన నేరం జరిగింది చెన్నైలో కాబట్టి.. నటి భానుప్రియపై బాల కార్మికుల చట్టం కింద వారు నమోదు చేసిన కేసును చెన్నై పోలీసులకు ఇటీవల తరలించారు. దీంతో చెన్నై, పాండిబజార్‌ పోలీసులు ఆ కేసుకు సంబంధించి నటి భానుప్రియ, ఆమె సోదరుడు గోపాలకృష్ణన్‌పై కేసులు నమోదు చేశారు. దీంతో పోలీసులు ఏ క్షణంలోనైనా భానుప్రియను అరెస్ట్‌ చేసే అవకాశం ఉందనే ప్రచారం సాగుతోంది.