Breaking News
  • ఢిల్లీ: భారత్ లో విజృంభిస్తున్న కరోనా వైరస్. 2 లక్షల 36 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 236657. దేశ వ్యాప్తంగా యాక్టీవ్ కేసులు: 115942. కరోనా నుంచి డిశ్చార్జ్ అయిన బాధితులు: 114073. దేశం మొత్తం కరోనా తో మృతుల సంఖ్య : 6642. కేంద్ర ఆరోగ్య మంత్రిత్వ శాఖ.
  • కేటీఆర్ ఆదేశాలతో నటి మీరాచోప్రా ఫిర్యాదు ఫై దర్యాప్తు ముమ్మరం . మీరాచోప్రా ను ట్రోల్ చేసిన 15 ట్విటర్ హ్యాండిల్స్ గుర్తింపు . 15 మందికి నోటీసులు పంపిన పోలిసులు. అసభ్యం గా ట్వీట్ చేసిన 15 మంది ని అరెస్ట్ చేసే అవకాశం.
  • మరికొద్ది గంటల్లో పదో తరగతి పరీక్షల నిర్వహణ పై రానున్న క్లారిటీ... టెన్త్ బోర్డు, విద్యార్థులు, పేరెంట్స్ లో కొనసాగుతున్న ఉత్కంఠ. తీర్పు అనుకూలంగా వస్తుందన్న ధీమాతో బోర్డు... మరోవైపు పరీక్షల నిర్వహణకు అన్ని రకాలుగా సిద్ధమైన ఎస్ఎస్సి బోర్డు ... ఇప్పటికే పరీక్ష సెంటర్ల వద్ద కరోనా కట్టడికి అవసరమైన చర్యలు తీసుకున్న ఎస్ ఎస్ సి బోర్డ్ పరీక్ష కేంద్రాలకు శానిటైజర్లు, మార్కులు, గ్లౌజులు, థర్మల్ స్కానర్లు, తరలింపు... ఎక్కడి వారు అక్కడే పరీక్షలు రాసే విధంగా ఏర్పాట్లు..
  • విశాఖ: డాక్టర్ సుధాకర్ డిశ్చార్జ్. కోర్ట్ అనుమతితో ఆసుపత్రి నుంచి డుశ్చార్జ్ అయిన డాక్టర్ సుధాకర్.
  • తిరుపతి: టిటిడి సప్తగిరి మాస పత్రిక చీఫ్ ఎడిటర్ రాధా రమణ, సబ్ ఎడిటర్ ఉత్తర ఫల్గుణ ని సస్పెండ్ చేసిన జేఈవో బసంత్ కుమార్. సప్తగిరి పత్రికలో కుసుడు ఆర్టికల్ ను ప్రచురించి ఉద్దేశపూర్వకంగా టిటిడి ని చెడ్డ పేరు తీసుకొచ్చే ప్రయత్నం చేశారనే కారణాలతో సస్పెన్షన్. 2016లో నిషేధించిన కథనాన్ని పునీత్ అనే తొమ్మిదో తరగతి విద్యార్థి పేరుతో ప్రచురించారని విజిలెన్స్ ఎంక్వయిరీలో తేలడంతో సస్పెన్షన్. సప్తగిరి పత్రిక వివాదం పై విచారణ కొనసాగుతోందన్న టిటిడి చైర్మన్ వైవి సుబ్బారెడ్డి.
  • లంగర్ హౌజ్ డబల్ మర్డర్ కేసును ఛేదించిన వెస్ట్ జోన్ టాస్క్ ఫోర్స్ పోలీసులు. పోలీసుల అదుపులో ప్రధాన నిందితుడు రౌడీ షీటర్ ఆర్షద్, ఇద్దరు వ్యక్తులు. రౌడీ షీటర్ చంద్, స్నేహితుడు అబూ లను కత్తులో నరికి చంపిన ఆర్షద్ అండ్ గ్యాంగ్. క్వాలిస్ వాహనం లో ఆరుగురు ఉన్నట్టు గుర్తింపు. ఫరారి లో మరో ముగ్గురు, ముంబై వైపు వెళ్లినట్టు అనుమానం. పాత కక్ష్యలో తో నే హత్య చేసినట్టు గా తేల్చిన పోలీసులు.
  • ఢిల్లీ ఎన్ఫోర్స్మెంట్ డైరెక్టరేట్ (ED) కార్యాలయంలో ఐదుగురికి కరోనా పాజిటివ్. ఖాన్ మార్కెట్ లోని లోక్ నాయక్ భవన్ మూసివేత. ఈడి కార్యాలయాన్ని శానిటైజ్ చేసిన అధికారులు.. రేపు కూడా మూసిఉండనున్న ఈడి కార్యాలయం. హోమ్ క్వారేంటిన్ లోకి వెళ్లిన పలువురు అధికారులు.

సాయికి ప్రేమతో.. జీహెచ్‌ఎంసీపై కన్నేసిన తలసాని..!

Minister Talasani Srinivas Yadav eyes GHMC Elections for his son?, సాయికి ప్రేమతో.. జీహెచ్‌ఎంసీపై కన్నేసిన తలసాని..!

టీఆర్ఎస్‌ పార్టీలో కీలకంగా వినిపించే నాయకుల పేర్లలో తలసాని శ్రీనివాస్ ఒకరు. రాష్ట్ర విభజనకు ముందు టీడీపీలో ఉన్న ఆయన.. 2014 ఎన్నికల్లోనూ ఆ పార్టీ తరపునే పోటీ చేసి గెలుపొందారు. ఇక ఆ తరువాత టీఆర్ఎస్‌ పార్టీలోకి జంప్ అయిన తలసాని.. అప్పటి నుంచి ఆ పార్టీ అధినేత కేసీఆర్‌కు అత్యంత సాన్నిహిత్యంగా ఉంటూ వస్తున్నారు. దీంతో ఆయనకు అప్పట్లో మంత్రి పదవిని ఇచ్చారు కేసీఆర్. ఇక 2018లోనూ మరోసారి సీఎం కుర్చీని కేసీఆర్‌ సొంతం చేసుకోగా.. మరోసారి ఆయన కేబినెట్‌లో తలసాని స్థానం దక్కించుకున్నారు.

అయితే ఆయనను మరో బాధ వెంటాడుతోంది. అదేంటంటే.. తలసాని వారసుడు సాయి కిరణ్ రాజకీయ భవితవ్యం ఏమిటనే ప్రశ్న. ఈ ఏడాది జరిగిన లోక్‌సభ ఎన్నికల్లో తన కుమారుడిని ప్రత్యక్ష ఎన్నికల్లోకి తీసుకొచ్చారు తలసాని. అంతకుముందు తలసాని శ్రీనివాస్ సేవా సమితి పేరిట కొన్ని కార్యక్రమాలు నిర్వహించే సాయి కిరణ్.. సికింద్రాబాద్ స్థానం నుంచి టీఆర్ఎస్ తరఫున ఎంపీగా పోటీ చేశారు. అయితే టీఆర్ఎస్ అధిష్టానం ఈ స్థానాన్ని సాయికి కేటాయించే వెనుక తలసాని కష్టం చాలానే ఉందన్నది చాలా మందికి తెలిసిన విషయం. అందుకు తగ్గట్లుగా సాయి కూడా బాగానే ప్రచారం చేశారు. అయితే అనూహ్యంగా ఆ స్థానం నుంచి బీజేపీ అభ్యర్థి కిషన్ రెడ్డి గెలిచారు. అంతేకాదు మోదీ 2.0 కేబినెట్‌లో స్థానం కూడా సంపాదించుకున్నారు.

ఇదిలా ఉంటే ఇప్పుడు సాయికి మరో అవకాశం ఇచ్చేలా టీఆర్ఎస్‌తో సంప్రదింపులు జరుపుతున్నారట తలసాని. మామూలుగా 2021కు జీహెచ్‌ఎంసీ మేయర్ పదవీకాలం ముగియనుంది. అయితే ముందుగానే ఈ ఎన్నికలను నిర్వహించాలని టీఆర్ఎస్ ప్రభుత్వం యోచనలో ఉందట. ఈ క్రమంలో ఈ ఏడాది చివరి లోగా జీహెచ్‌ఎంసీ ఎలక్షన్లకు కేసీఆర్ ప్రభుత్వం సిద్ధమౌతున్నట్లు వార్తలు వినిపిస్తున్నాయి. ఈ నేపథ్యంలో ఈ సారి టీఆర్ఎస్ పార్టీ తరఫున తన కుమారుడికి టికెట్ లభించేలా తలసాని తాపత్రయ పడుతున్నారట. దీనిపై టీఆర్ఎస్ పార్టీ ప్రెసిడెంట్, తెలంగాణ మంత్రి కేటీఆర్‌తో సైతం సంప్రదింపులు జరుపుతున్నారట తలసాని. ఇక ఈ విషయంపై కేటీఆర్ కూడా సానుకూలంగా ఉన్నట్లు తెలుస్తోంది. దీంతో ఈ సారి జరగనున్న జీహెచ్‌ఎంసీ ఎన్నికల్లో తలసాని కీలకం కానున్నట్లు సమాచారం. మరి ఇందులో నిజమెంతో తెలియాలంటే కొద్ది రోజులు ఆగాల్సిందే.

Related Tags