Breaking News
  • ఆర్టీసీ కార్మికుల ఆత్మహత్యలపై కౌంటర్‌ దాఖలు చేసిన ప్రభుత్వం. నిరాధార ఆరోపణలతో ప్రభుత్వంపై నిందలు వేస్తున్నారు. ఆత్మహత్యలకు కారణాలను దర్యాప్తు సంస్థలు తేల్చాల్సి ఉంది. చట్టప్రకారం చర్యలు చేపట్టాలని కార్మికశాఖ కమిషనర్‌ను ఇప్పటికే హైకోర్టు ఆదేశించిందన్న సీఎస్‌. కార్మికుల జీతాలు సహా ఇతర డిమాండ్లపై కార్మికశాఖ కమిషనర్‌ తగిన చర్యలు తీసుకుంటారన్న సీఎస్‌.
  • ఏపీ బ్యాడ్మింటన్‌ అసోసియేషన్‌లో భారీగా నిధుల దుర్వినియోగం. మాజీ సెక్రటరీ చౌదరి సహా కొందరు సభ్యులపై కేసు నమోదు. నిధులు దుర్వినియోగం అయినట్టు రుజువుకావడంతో పున్నయ్య చౌదరిని అరెస్ట్‌చేసిన పోలీసులు.
  • విజయవాడ: సీఎం జగన్‌ పాలనతో సహకారం రంగం విరాజిల్లుతోంది. 2004లో స్వర్గీయ వైఎస్‌ఆర్‌ కోఆపరేటివ్‌ వ్యవస్థను బలోపేతం చేశారు. సహకారం రంగాన్ని టీడీపీ ప్రభుత్వం కుదేలు చేసింది. ఉద్యోగుల సమస్యలు పరిష్కరించేందుకు ప్రభుత్వం అండగా ఉంటుంది. రాజకీయ నాయకుల లాగా ఉద్యోగులు యూనియన్లు మారొద్దు-మంత్రి పేర్ని నాని. సహకార వ్యవస్థను బలోపేతం చేసేందుకు ప్రభుత్వం కృషి చేస్తోంది. రైతులకు అన్ని విధాలుగా సహకరించి రుణాలు అందించాలి-మంత్రి వెల్లంపల్లి
  • సిద్దిపేట: హుస్నాబాద్‌లో మోడల్‌ స్కూల్‌ను తనిఖీ చేసిన హరీష్‌రావు. చన్నీళ్లతో స్నానం చేస్తున్నామని మంత్రికి విన్నవించిన విద్యార్థులు. వాటర్‌ హీటర్‌ను వెంటనే రిపేర్‌ చేయించాలని ప్రిన్సిపాల్‌కు ఆదేశం. పిల్లలకు త్వరలో దుప్పట్లు పంపిణీ చేస్తానని హామీ.
  • తిరుపతి: కేరళ నుంచి సికింద్రాబాద్‌ వెళ్లే రైలులో నీటి కొరత. ఫిర్యాదు చేసినా పట్టించుకోని అధికారులు. నరక యాతన పడుతున్న అయ్యప్ప భక్తులు, ప్రయాణికులు. రైలును రేణిగుంట స్టేషన్‌లో ఆపేసిన ప్రయాణికులు.
  • మున్సిపల్‌ ఎన్నికలపై హైకోర్టులో కౌంటర్‌ దాఖలు చేసిన ప్రభుత్వం. పిటిషన్లన్నీ కొట్టివేయాలని సింగిల్‌ జడ్జిని కోరిన ప్రభుత్వం. పిటిషన్లపై ఇప్పటికే ధర్మాసనం విచారణ జరిపిందన్న ప్రభుత్వం. ప్రజా ప్రయోజన పిటిషన్లను ఇప్పటికే ధర్మాసనం కొట్టివేసిందన్న ప్రభుత్వం.
  • గుంటూరు: ఎస్పీ విజయరావుకు జనసేన ఫిర్యాదు. జనసేన కార్యకర్తలపై అక్రమ కేసులు పెడుతున్నారని ఫిర్యాదు. వాస్తవాలు పరిశీలించి న్యాయం చేయాలని విజ్ఞప్తి. ధర్మవరం ఘటనపై పూర్తి విచారణ చేపడతాం-ఎస్పీ విజయరావు. పోలీసులపై దాడి చేసిన వారిపైనే చర్యలు తీసుకుంటాం. అనవసర వివాదాలకు గ్రామస్తులు దూరంగా ఉండాలి-ఎస్పీ విజయరావు.
  • తూ.గో: అంతర్వేది బీచ్‌లో చోరీ. కారులో నుంచి బంగారు నగలు ఎత్తుకెళ్లిన దుండగులు. నగల విలువ రూ.3 లక్షలు ఉంటుందన్న బాధితులు. పీఎస్‌లో ఫిర్యాదు చేసిన బాధితుడు సూర్యనారాయణ.

ఏపీలో ఇసుక కొరతకు కారణాలివేనట..!

Peddireddy Ramachandra Reddy on sand shortage, ఏపీలో ఇసుక కొరతకు కారణాలివేనట..!

ఏపీలో ఇసుక కొరత సమస్యలు కొనసాగుతూనే ఉన్నాయి. దీనిపై విపక్షాలు వైఎస్ జగన్ ప్రభుత్వం విమర్శలు చేస్తున్నాయి. టీడీపీతో పాటు జనసేన కూడా ఇసుక కొరత విషయంలో అధికార పార్టీ తీరుపై విమర్శలు గుప్పిస్తున్నాయి. దీనిపై తాజాగా మంత్రి పెద్దిరెడ్డి రామచంద్రారెడ్డి స్పందించారు. ఇసుక కొరత అంశంపై కొందరు అసత్య ప్రచారం చేస్తున్నారని పెద్దిరెడ్డి అన్నారు. ఎప్పుడూ లేని విధంగా ఈ ఏడాది కృష్ణా, గోదావరి, పెన్నాకు వరదలు వచ్చాయని.. వరదల వలనే ఇబ్బందులు వచ్చాయని ఆయన అన్నారు. దీనిని ప్రజలు అర్థం చేసుకోవాలని విజ్ఞప్తి చేశారు.

Peddireddy Ramachandra Reddy on sand shortage, ఏపీలో ఇసుక కొరతకు కారణాలివేనట..!

రాష్ట్రంలో 10 కోట్ల క్యూబిక్ మీటర్ల ఇసుక ఉందని… 2 కోట్ల క్యూబిక్ మీటర్ల ఇసుక సంవత్సరానికి అవసరం ఉంటుందని ఆయన అన్నారు. ఇప్పటివరకు 36 వేల మందికి 6 లక్షల క్యూబిక్ మీటర్ల ఇసుక అందించామని మంత్రి పెద్దిరెడ్డి తెలిపారు. ఇక వరదల తగ్గిన తరువాత.. పారదర్శకంగా అందరికి ఇసుకను అందిస్తామని స్పష్టం చేశారు. దీనిపై కొందరు కొందరు కావాలని రాజకీయం చేస్తున్నారని ఆయన మండిపడ్డారు. ఇక నీటిపారుదల శాఖ మంత్రి అనిల్ కుమార్ కూడా ఇసుక కొరతపై మాట్లాడుతూ.. రాష్ట్రంలో నెలకొన్న ఇసుక కొరత త్వరలోనే తీరుతుందని చెప్పారు. ప్రస్తుతానికి శ్రీకాకుళం, నెల్లూరు ప్రాంతాల నుంచే మనకు ఇసుక వస్తోందని అన్నారు. వైఎస్ జగన్ సీఎం అయిన తర్వాత రాష్ట్రంలో వర్షాలు కురుస్తున్నాయని, ప్రాజెక్టులకు జలకళ వచ్చిందని, రైతులు సంతోషంగా ఉన్నారని అన్నారు.

ఇదిలా ఉంటే ఇసుక కొరతపై మరోసారి నిరసనకు టీడీపీ సిద్ధమైంది. ఈనెల 25వ తేదీన రాష్ట్ర వ్యాప్తంగా నిరసన కార్యక్రమాలు చేపట్టనున్నట్లు మాజీ మంత్రి, టీడీపీ నేత ఆలపాటి రాజా చెప్పారు. ఆ రోజు అన్ని రెవెన్యూ కార్యాలయాల ఎదుట నిరాహార దీక్షలు చేపట్టనున్నట్లు తెలిపారు. ఇసుక కొరతతో ఇబ్బంది పడుతున్న వర్గాలు ఈ ఆందోళనలో పాల్గొనాలని ఆయన పిలుపునిచ్చారు.