Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

మిలియన్ మార్చ్: ముందస్తుగా నేతల అరెస్ట్‌లు..!

Million march: Police House arrests Political Leaders, మిలియన్ మార్చ్: ముందస్తుగా నేతల అరెస్ట్‌లు..!

అటు తెలంగాణ సర్కార్, ఇటు ఆర్టీసీ కార్మికులు.. ఎవరూ వెనక్కి తగ్గడం లేదు. దీంతో ఆర్టీసీ రగడ కొనసాగుతూనే ఉంది. ఆర్టీసీ సమ్మెను ఉధృతం చేసే క్రమంలో జేఏసీ, ఇతర రాజకీయపక్షాలు సకల జనుల సామూహిక దీక్షకు పిలుపునిచ్చాయి. ఈ నేపథ్యంలో ఇవాళ ఛలో ట్యాంక్‌బండ్‌ కార్యక్రమం తలపెట్టారు. దీనికి పోలీసులు అనుమతి నిరాకరించారు. ఎవరైనా ట్యాంక్‌బండ్‌ పరిసరాల్లో కనిపిస్తే అరెస్టులు తప్పవని హెచ్చరించారు. అయినా.. ఇప్పటికే పెద్ద ఎత్తున నిరసన చేసేందుకు ఏర్పాట్లు చేస్తుండంతో ముందస్తు అరెస్ట్‌లకు తెరతీశారు పోలీసులు.

అర్థరాత్రి నుంచే అరెస్టుల పర్వం కొనసాగుతోంది. జేఏసీ కో కన్వీర్‌ రాజిరెడ్డిని పోలీసులు అరెస్ట్ చేయగా.. రాజాసింగ్‌ను, పొన్నాల లక్ష్మయ్యను హౌస్‌ అరెస్ట్ చేశారు. దీంతో.. అశ్వత్థామరెడ్డి, థామస్ రెడ్డి, జేఏసీ నేతలు అజ్ఞాతంలోకి వెళ్లిపోయారు. కాగా.. నిజామాబాద్ కమిషనరేట్ పరిధిలో 155 మంది కార్మికుల అరెస్ట్ చేసిన పోలీసులు. వారిని వివిధ పోలీస్ స్టేషన్‌లకు తరలించారు.

అయితే.. ఎన్ని నిర్బంధాలు ఎదురైనా చలో ట్యాంక్‌బండ్‌ కార్యక్రమాన్ని కొనసాగించి తీరుతామని జేఏసీ కన్వీనర్‌ అశ్వత్థామరెడ్డి స్పష్టం చేశారు. దీక్షలకు రాకుండా ఆర్టీసీ కార్మికుల ఇళ్లలో దాడులు చేస్తున్నారని ఆరోపించారు. కార్మిక నాయకులు, కార్మికులను అక్రమంగా అరెస్టు చేస్తున్నారని మండిపడ్డారు. బెదిరింపులకు కార్మికులు భయపడాల్సిన అవసరం లేదన్నారు అశ్వత్థామరెడ్డి.