Breaking News
  • కాశ్మీర్లో ఉగ్రవాదుల గ్రనేడ్ దాడి. అనంత్‌నాగ్ సమీపంలోని బిజ్‌బెహారా వద్ద ఘటన. సీఆర్పీఎఫ్ క్యాంపుపై గ్రనేడ్ విసిరిన ఉగ్రవాదులు. ఘటనలో ఎవరూ గాయపడలేదని సీఆర్పీఎఫ్ వెల్లడి.
  • మూడోరోజు రాత్రి శ్రీవేంకటేశ్వర స్వామి వారికి జరిగే సుకుమార సేవగా ముత్యపుపందిరి వాహనాన్ని చెప్పవచ్చు. ముక్తి సాధనకు ముత్యం లాంటి స్వచ్ఛమైన మనసు కావాలని లోకానికి ఈ వాహనం ద్వారా స్వామివారు చాటి చెబుతారు. శ్రీనివాసుడు ముత్యపు పందిరిపై మనోరంజకంగా దర్శనమిస్తూ భక్తులకు కనువిందు చేస్తాడు.
  • రానున్న జిహెచ్ఎంసి ఎన్నికల నేపథ్యంలో అన్ని రాజకీయ పార్టీలకు రాష్ట్ర ఎన్నికల సంఘం లేఖ. కోవిడ్ నేపథ్యంలో బ్యాలెట్ పేపర్ లేదా ఈవీఎంల ద్వారా ఎన్నికల నిర్వహణకు సంబంధించి పార్టీల అభిప్రాయం తెలపాలని సూచన. ఈనెల 30వ తేదీ లోపు తమ అభిప్రాయాలు, సూచనలు ఇవ్వాలని లేఖలో పేర్కొన్న రాష్ట్ర ఎన్నికల సంఘం. ఈనెల 30వ తేదీ తరువాత ఇచ్చే సూచనలు పరిగణనలోకి తీసుకోబడవని తేల్చి చెప్పిన రాష్ట్ర ఎన్నికల సంఘం.
  • కోవిడ్ సమయంలో ఎన్నికల నిర్వహణపై ముగిసిన అంతర్జాతీయ సదస్సు. వీడియో కాన్ఫరెన్సు ద్వారా చర్చించుకున్న పలు దేశాల ఎన్నికల సంఘాలు. స్వేచ్ఛాయుతంగా, పారదర్శకంగా సకాలంలో ఎన్నికల నిర్వహణపై చర్చ. కోవిడ్ సమయంలో ఎన్నికల నిర్వహణపై అభిప్రాయాలు, అనుభవాలు, ఆలోచనలను పంచుకున్న ఎన్నికల సంఘాలు. మహమ్మారి సందర్భంగా అనుసరించాల్సిన ప్రొటోకాల్స్‌పై మేథోమధనం.
  • 2021-22 సంవత్సరానికి ఆరు రబీ పంటలకు కనీస మద్దతు ధరను పెంచుతూ కేంద్రం నిర్ణయం. లోక్ సభలో ప్రకటన చేసిన కేంద్ర వ్యవసాయ శాఖ మంత్రి నరేంద్రసింగ్ తోమర్. మద్దతు ధర తొలగించబడుతుందనే అసత్యాలు తొలగించడానికి కేంద్ర ప్రభుత్వం స్పష్టమైన సందేశాన్ని ఇస్తుంది. గోధుమలకు క్వింటాకు 50రూ పెంపు. శెనగలు క్వింటాకు 225 రు పెంపు. మసూర్ దాల్ క్వింటాకు 300రూ పెంపు. ఆవాలు క్వింటాకు 225రూ పెంపు. బార్లీ క్వింటాకు 75రూ పెంపు. కుసుమలు క్వింటాకు 112 రూ పెంపు.
  • ఈనెల 28,29న తెలంగాణ ఎంసెట్ అగ్రికల్చర్, మెడికల్ ప్రవేశ పరీక్ష. ఆన్లైన్ ద్వారా పరీక్ష నిర్వహించనున్న జేఎన్టీయూ. మొత్తం 84 పరీక్ష కేంద్రాల్లో 67 తెలంగాణ,17 ఏపీ పరీక్ష కేంద్రాల ఏర్పాటు. పరీక్ష కు హాజరుకానున్న 78970 మంది విద్యార్థులు. రెండు రోజులు రెండు సెషన్స్ లో ఎక్జాం. నేటి నుండి ఈనెల 25 హాల్ టికెట్స్ వెబ్ సైట్ లో అందుబాటు.
  • మాజీ అడ్వకేట్ జనరల్ దమ్మాలపాటి శ్రీనివాస్ కేసులో సుప్రీం కోర్టులో పిటిషన్ దాఖలు చేసిన ఏపీ ప్రభుత్వం . ఏపీ హైకోర్టు ఇచ్చిన స్టే ఎత్తివేయాలని పిటిషన్ లో వినతి. దర్యాప్తును నిలిపివేస్తూ కొద్ది రోజుల క్రితం తీర్పునిచ్చిన హైకోర్టు. కేసు దర్యాప్తుపై స్టే విధించడం వల్ల కీలకమైన ఆధారాలను నిందితులు నాశనం చేసే అవకాశం ఉందని పిటిషన్లో వాదన.

మైక్రోచిప్‌తో క్రికెట్ బాల్… ‘ఇస్మార్ట్’ ఐడియా!

Microchipped cricket ball may soon help umpires in Big Bash League, మైక్రోచిప్‌తో క్రికెట్ బాల్… ‘ఇస్మార్ట్’ ఐడియా!

ఆస్ట్రేలియాకు చెందిన కూకాబుర్ర సంస్థ నాణ్యమైన క్రికెట్‌ బంతుల్ని తయారు చేస్తుంది. ఆసీస్‌, న్యూజిలాండ్‌లో వీటినే ఉపయోగిస్తారు. అంతర్జాతీయ క్రికెట్‌లో అంపైర్లు అత్యంత కచ్చితత్వంతో నిర్ణయాలు ప్రకటించేందుకు సాయపడాలని కూకాబుర్ర నడుం బిగించింది. మైక్రోచిప్‌లను అమర్చిన  స్మార్ట్‌ బంతుల్ని తయారు చేస్తోంది. వచ్చే బిగ్‌బాష్‌ సీజన్‌లో ప్రయోగాత్మకంగా పరీక్షించనున్నట్లు సమాచారం.

ఇప్పటికే స్మార్ట్‌ బంతిని రకరకాలుగా పరీక్షించింది. చివరిగా బిగ్‌బాష్‌లో ప్రయోగిస్తే అంతర్జాతీయ స్థాయిలో ఫలితాలు ఎలా ఉంటాయో తెలుసుకోనుంది. బంతి వేగం, నియంత్రణ, కోణం, ఏ పాయింట్‌లో రిలీజ్‌ చేశారు, బంతి పిచ్‌ అయ్యే ముందు బౌన్స్‌ ఎంత, పిచ్‌ అయిన తర్వాత బౌన్స్‌ ఎంత వంటి గణాంకాలను సరికొత్త స్మార్ట్‌ బంతి సమగ్రంగా, అత్యంత కచ్చితత్వంతో అందించనుంది! ఇక స్పిన్నర్లకు ఎన్ని డిగ్రీల్లో బంతి టర్న్‌ అవుతోంది?గాలిని బట్టి ఎంత వేగంతో బంతిని విసరాలి? ఎక్కడ విసిరితే ఎలా టర్న్‌ అవుతుంది?వంటి వివరాల్ని ఇవ్వనుంది. ఐసీసీ నిర్వహించే బహుళ దేశాల టోర్నీల్లో కీలక సమయాల్లో స్మార్ట్‌ బంతి సమగ్రమైన వివరాలు అందిచగలదని అంచనా వేస్తున్నారు. దీంతో అంపైర్లు, ఆటగాళ్ల మధ్య అభిప్రాయబేధాలు రాకుండా ఉంటాయి.

ఈ స్మార్ట్‌ బంతి తయారీ కోసం కూకాబుర్రతో స్పోర్ట్‌కోర్‌ అనే సంస్థ చేతులు కలిపింది. ఆస్ట్రేలియా మాజీ పేసర్‌ మైకేల్‌ కస్ప్రోవిచ్‌ దానికి ఛైర్మన్‌. ప్రపంచ వ్యాప్తంగా నిర్వహిస్తున్న టీ20 క్రికెట్‌ లీగుల్లో ఈ బంతిని పరీక్షించాలని ఆ సంస్థలు కోరుకుంటున్నాయి. అందులో భాగంగానే మొదట బీబీఎల్‌లో ప్రయోగించనున్నారు. ఇండియన్‌ ప్రీమియర్‌ లీగ్‌ తర్వాత అత్యంత ఆదరణ కలిగిన టీ20 లీగ్‌ ‘బిగ్‌బాష్‌’ అన్న సంగతివిదితమే.

Related Tags