Breaking News
  • ఢిల్లీ: తెలంగాణలోని కల్వకుర్తి నుండి ఏపీ లోని కరివేన వరకు 122 కిలోమీటర్ల జాతీయ రహదారి నిర్మాణానికి కేంద్ర జాతీయ రహదారుల శాఖ అనుమతి . నూతన జాతీయ రహదారి తో హైదరాబాద్ నుంచి తిరుపతి మధ్య తగ్గనున్న 80 కిలోమీటర్ల దూరం . కల్వకుర్తి, నాగర్ కర్నూల్ , కొల్లాపూర్, ఆత్మకూరు, నంద్యాల నియోజకవర్గాలను కలుపుతూ జాతీయ రహదారి నిర్మాణం . ప్రాజెక్టులో భాగంగా సోమశిల సిద్దేశ్వరం బ్రిడ్జి నిర్మాణం. భారతమాల పథకం కింద జాతీయ రహదారికి అనుమతి ఇచ్చిన కేంద్ర రవాణా శాఖ . 800 కోట్ల రూపాయలు ఖర్చు చేయనున్న కేంద్ర ప్రభుత్వం . 86 కిలోమీటర్లు తెలంగాణలోనూ, 26 కిలోమీటర్లు ఆంధ్రప్రదేశ్ లో నిర్మాణం. కేంద్రమంత్రి నితిన్ గడ్కరీ ని కలిసి కృతజ్ఞతలు తెలిపిన జాతీయ బీసీ కమిషన్ సభ్యుడు ఆచారి, నాగర్ కర్నూలు జిల్లా అధ్యక్షులు ఎల్లేని సుధాకర్ రావు , నాగర్ కర్నూల్ అసెంబ్లీ ఇంచార్జి నెడునూరి దిలీపాచారి. వీలైనంత త్వరగా పనులు పూర్తి చేస్తామని హామీ ఇచ్చిన గడ్కరీ.
  • మహారాష్ట్ర సీఎం ఉద్ధవ్‌ థాక్రేపై నటి కంగనా విమర్శలు. నేను మీలా తండ్రి సంపాదించిన ఆస్తిని తీసుకోను. అలా తీసుకోగలిగితే హిమాచల్‌ప్రదేశ్‌లోనే ఉండేదాన్ని. తండ్రి సంపాదనపై బతకడం నాకు ఇష్టం లేదు. నేను ఆత్మగౌరవంతో బతుకుతా-ట్విట్టర్‌లో కంగనా రనౌత్‌.
  • అమరావతి: సీనియర్‌ ఐఏఎస్‌ ముద్దాడ రవిచంద్ర బదిలీ. సాంఘిక సంక్షేమశాఖ కార్యదర్శిగా ఉన్న రవిచంద్ర బదిలీ. ఉత్తర్వులు జారీ చేసిన ప్రభుత్వం. జీఏడీలో రిపోర్ట్ చేయాలని ప్రభుత్వం ఆదేశం. బుడితి రాజశేఖర్‌కు అదనపు బాధ్యతలు అప్పగింత.
  • గీతం భూముల విషయంలో కోర్టు ఆర్డర్‌ను టీడీపీ వక్రీకరిస్తోంది. గీతం వర్సిటీ ఆధీనంలోని శాశ్వత నిర్మాణాలు మాత్రమే.. తొలగించొద్దని కోర్టు సూచించింది-ఎమ్మెల్యే గుడివాడ అమర్‌నాథ్‌. గీతం వర్సిటీ ప్రాంగణంలో ఆక్రమిత భూమిని.. ప్రభుత్వం స్వాధీనం చేసుకుంటే టీడీపీ రాజకీయం చేస్తోంది. గీతం నుంచి స్వాధీనం చేసుకున్న విలువైన భూములను.. ప్రజా అవసరాలకు ప్రభుత్వం వినియోగిస్తుంది. వైసీపీ ఎమ్మెల్యేల ఆధ్వర్యంలో ప్రభుత్వ భూములున్నాయంటూ.. విమర్శలు చేసే టీడీపీ నేతలు రుజువు చేయాలి-అమర్‌నాథ్‌.
  • అమెరికాలో జోరుగా సాగుతున్న ముందస్తు పోలింగ్‌. టెక్సాస్‌లో ఓటేసేందుకు బారులు తీరిన ఓటర్లు. ఈనెల 13న మొదలైన ముందస్తు ఓటింగ్‌ ప్రక్రియ. ఇప్పటివరకు ఓటేసిన 70లక్షల మంది ఓటర్లు. నవంబర్‌ 3న జరగనున్న అధ్యక్ష ఎన్నికల పోలింగ్‌ . ఈ శతాబ్ధానికే పోలింగ్‌ శాతం రికార్డుగా మారుతుందన్న నిపుణులు . అమెరికాలో నవంబర్‌ 3న జరగనున్న అధ్యక్ష ఎన్నికల పోలింగ్‌ . ఎన్నికల కోసం అధ్యక్ష అభ్యర్థులు భారీ స్థాయిలో ప్రచారం .
  • టీవీ9 ఎఫెక్ట్‌: తూ.గో: ఈతకోట-గన్నవరం రహదారిపై గుంతల పూడ్చివేత . టీవీ9 కథనాలకు స్పందించిన అధికారులు . యుద్ధప్రాతిపదికన గోతులను పూడ్చుతున్న ఆర్‌ అండ్‌ బీ అధికారులు. ఇటీవల కురిసిన భారీ వర్షాలకు దెబ్బతిన్న రోడ్లు .
  • దివంగత నాయిని నర్సింహారెడ్డి భార్య అహల్య అనారోగ్యంతో కన్నుమూత. నాయిని తో పాటు అపోలో ఆసుపత్రిలో చికిత్స పొందిన అహల్య.. నాయిని అంతక్రియలకు వైద్యుల పర్యవేక్షణలో హాజరయిన అహల్య.

ఉపాధి హామీ జాబ్‌కార్డులపై దీపికా, జాక్వెలిన్‌ ఫోటోలు

MGNREGA fraud:, ఉపాధి హామీ జాబ్‌కార్డులపై దీపికా, జాక్వెలిన్‌ ఫోటోలు

స్కాములు చేయడం ఓ కళ.. అందరికీ రాదు.. ఓ ప్లానూ గీనూ లేకుండా స్కాములు చేస్తే మధ్యప్రదేశ్‌లో జాతీయ ఉపాధి హామీ పథకం కుంభకోణంలా అవుతుంది.. ఆ రాష్ట్రంలో జిర్న్యా అనే జిల్లా ఉంది.. అందులో పిపర్‌ఖేడా నకా అనే పంచాయితీ ఉంది.. జాతీయ ఉపాధి హామీ పథకానికి వచ్చే డబ్బును తినేద్దామనుకున్నారు సర్పంచ్‌, కార్యదర్శి.. లబ్ధిదారుల పేరిట నకిలీ జాబ్‌ కార్డులు సృష్టించి సొమ్ము చేసుకున్నారు.. జాబ్‌ కార్డులలో గుర్తు తెలియని వ్యక్తుల ఫోటోలు పెడితే సరిపోయేది కానీ.. వీరు గొప్పగా ఉంటుందని బాలీవుడ్‌ హీరోయిన్లు దీపికా పడుకోనె, జాక్వెలిన్‌ ఫెర్నాండెజ్‌ ఫోటోలు పెట్టారు.. అలా నకిలీ జాబ్‌ కార్డులు సృష్టించారు.. ఆయా ఖాతాల నుంచి వచ్చే సొమ్మును తీసుకునేందుకు ఈ ఫేక్‌ జాబ్‌ కార్డులను ఉపయోగించారు.. మోనూ దూబే అనే వ్యక్తి కార్డుపై దీపికా పడుకోనె ఫోటోను పెట్టారు.. మెనూ దూబే అనేవాడు అసలు పనికే వెళ్లలేదు.. కానీ ఆయన పేరును ఉపయోగించుకుని 30 వేల రూపాయలు డ్రా చేశారు.. అలాగే సోను అనే మరో లబ్ధిదారు కార్డుపై జాక్వెలిన్‌ ఫెర్నాండెజ్‌ ఫోటో పెట్టారు.. ఇలా ప్రతినెలా వచ్చిన సొమ్మునంతా స్వాహా చేయడం మొదలు పెట్టారు.. ప్రభుత్వం మంజూరు చేసిన సొమ్ము లబ్ధిదారులకు అందకపోవడంతో స్కామ్‌ వ్యవహారం వెలుగులోకి వచ్చింది.. జాతీయ ఉపాధి హామీ పథకం కింద తమకు ఎలాంటి పనులు రాకపోయినప్పటికీ పంచాయితీ కార్యదర్శి, సర్పంచ్‌, ఉపాధి హామీ అసెస్టింట్లు కలిసి వేలకు వేలు మింగేశారని లబ్దిదారులు అంటున్నారు. స్కామ్‌పై వెంటనే విచారణ జరిపించాలని ఆదేశించారు జిల్లా పంచాయితీ సీఈదో గౌరవ్‌ బెనల్‌.

Related Tags