Breaking News
  • ప్రస్తుత పరిస్థితుల్లో ఆర్టీసీని నడపలేం-సీఎం కేసీఆర్‌. ఆర్టీసీకి ఇప్పటికే రూ.5 వేల కోట్ల అప్పులున్నాయి. తక్షణం చెల్లించాల్సిన అప్పులు, బకాయిలు దాదాపు రూ.2 వేల కోట్లు. ప్రస్తుతం ఆర్టీసీని నడపాలంటే నెలకు రూ.640 కోట్లు కావాలి. ఆర్టీసీకి ఆర్థిక భారం మోసే శక్తి లేదు. ఆర్థిక మాంద్యం కారణంగా ప్రభుత్వం కూడా భరించే పరిస్థితి లేదు. ఆర్టీసీకి ఉన్న ఒకే ఒక మార్గం బస్సు చార్జీలు పెంచడం. చార్జీలు ఎక్కువైతే ప్రజలు బస్సులు ఎక్కని పరిస్థితి వస్తుంది. ఇప్పుడు ఆర్టీసీని యధావిధిగా నడపడం సాధ్యం కాదు. హైకోర్టు తీర్పు తర్వాతే తుది నిర్ణయం తీసుకుంటాం-కేసీఆర్‌
  • హైదరాబాద్‌: నేడు రూట్ల ప్రైవేటీకరణపై హైకోర్టులో విచారణ. హైకోర్టు తీర్పుపై ఆర్టీసీ కార్మికుల్లో ఉత్కంఠ
  • చంద్రయాన్‌-2 ప్రయోగం విఫలమైందనడం సమంజసం కాదు. ఇలాంటి ప్రయోగాల్లో చిన్న సమస్యలు తలెత్తే అవకాశం సాధారణం. అంతమాత్రాన చంద్రయాన్‌-2 విఫలమైందనడం సరికాదు -కేంద్రమంత్రి జితేంద్రసింగ్‌
  • ఎస్‌పీజీ సెక్యూరిటీ ఉపసంహరణపై ప్రియాంకాగాంధీ స్పందన. రాజకీయాల్లో భాగంగానే సెక్యూరిటీ తొలగించారు. ఇకపై ఈ తరహా ఘటనలు జరుగుతూనే ఉంటాయి-ప్రియాంక
  • తాజ్‌మహల్‌ పరిసరాల్లో డ్రోన్లు ఎగరేసిన విదేశీ యాత్రికులు. రష్యాకు చెందిన ఐదుగురిని అదుపులోకి తీసుకున్న పోలీసులు
  • దేశంలో ఆర్థిక మాంద్యాన్ని ఎదుర్కొనేందుకు.. పెట్టుబడుల ఉపసంహరణ సరైన పరిష్కారం కాదు-మమతాబెనర్జీ. ప్రభుత్వరంగ సంస్థల్లో వాటాల విక్రయం తాత్కాలిక ఉపశమనమే. ఇలాంటి చర్యలు ఆర్థిక వ్యవస్థ స్థిరత్వానికి దోహదం చేయవు-మమత
  • సియాచిన్‌పై పాకిస్తాన్‌ వివాదాస్పద వ్యాఖ్యలు. సియాచిన్‌ వివాదాస్పద ప్రాంతం. అలాంటి ప్రాంతంలో భారత్‌ పర్యాటకాన్ని ఎలా ప్రారంభిస్తుంది. భారత్‌ నుంచి ఎలాంటి మంచిని ఆశించడంలేదన్న పాక్‌
  • ఈశాన్య రాష్ట్రాల్లో భూ ప్రకంపనలు. గౌహతి, షిల్లాంగ్‌లో కంపించిన భూమి. భయంతో ఇళ్లల్లోంచి బయటకు పరుగులు తీసిన జనం

భారీగా ‘రెమ్యునరేషన్‌’ పెంచేసిన ‘గద్దలకొండ గణేష్’..! ఎంతో తెలుసా..?

Mega Prince Varun Tej hikes his Remuneration, భారీగా ‘రెమ్యునరేషన్‌’ పెంచేసిన ‘గద్దలకొండ గణేష్’..! ఎంతో తెలుసా..?

ఒకే విధమైన సినిమాలు కాకుండా.. తన ఒక్కో సినిమాలో కొత్త యాంగిల్‌ ఉండేలా.. సినిమా చేసుకుంటూ.. వరుస విజయాలు సాధిస్తున్నాడు మన ‘గద్దలకొండ గణేష్’ అలియాస్ మెగా ప్రిన్స్ వరుణ్ తేజ్. ప్రస్తుతం మెగా హీరోల్లో అందరికంటే.. ఫాస్ట్‌గా.. ప్రేక్షకులకు దగ్గరయ్యింది వరుణ్‌ అనే చెప్పాలి. తొలిప్రేమ, ఎఫ్‌2, తాజగా గద్దలకొండ గణేష్‌ సినిమాలతో.. బాక్సాఫీస్‌ను షేక్ చేస్తున్నాడు.

‘గద్దలకొండ గణేష్‌’ చిత్రం బాక్సాఫీస్‌ వద్ద బ్లాక్‌బస్టర్ హిట్ సాధించింది. ఈ సినిమాలో వరుణ్ తన నటనతో విజృంభించాడనే చెప్పాలి. దీంతో.. ఎటు చూసినా.. గద్దలకొండ గణేష్ టాక్‌నే వినిపించింది. ఒక్కసారిగా.. వరుణ్‌కి డిమాండ్ బాగా పెరిగిపోయింది. ఆఫర్లన్నీ క్యూ కట్టాయి. సినిమా ప్రాజెక్టులకు వరుసగా సంతకాలు చేసేస్తున్నాడు. అయితే ఇప్పుడు ఆసక్తిరమైన విషయం ఏంటంటే.. బ్లాక్‌ బస్లర్ హిట్‌ తర్వాత.. మెగాప్రిన్స్ తన రెమ్యునరేషన్‌ని పెంచేశాడట. మరి ఎంతో తెలుసుకోవాలని ఆసక్తి మీకు ఉంది కదా.. అక్కడికే వస్తునా.. ప్రస్తుతం వరుణ్ చేసే సినిమాకి 8 నుంచి 10 కోట్లు తీసుకుంటున్నాడు. ‘దీపం ఉన్నప్పుడే ఇల్లు చక్కబెట్టుకోవాలనే.. సామెత’ను మన మెగా ప్రిన్స్ బాగా ఫాలో అవుతున్నాడు.

నూతన దర్శకుడు కిరణ్ కొర్రపాటి రూపొందించనున్న కొత్త సినిమా వరుణ్ తేజ్ బాక్సర్‌గా కనిపించనున్నాడు. ఈ సినిమాకి సంబంధించి న్యూ పోస్టర్‌ను రివీల్ చేశారు. ఈ సినిమాను అల్లు వెంకటేష్, ముద్దా సిద్ధూ సంయుక్తంగా నిర్మించబోతున్నారు. డిసెంబర్ నుంచి ఈ చిత్రం రెగ్యులర్ షూటింగ్ ప్రారంభం కానుంది.