Breaking News
  • అమరావతి: ఏపీ జర్నలిస్ట్‌ అక్రిడేషన్ల అంశంపై హైకోర్టులో విచారణ. 2 వారాల్లో అక్రిడేషన్ల పునరుద్ధరణ చేయాలని ఆదేశం. పూర్తి వివరాలతో అఫిడవిట్‌ దాఖలు చేయాలన్న హైకోర్టు. తదుపరి విచారణను రెండు వారాలకు వాయిదా .
  • రేపు వరద ప్రాంతాల్లో కేంద్రమంత్రి కిషన్‌రెడ్డి పర్యటన. ఉ.9కు తార్నాకలోని మణికేశ్వర్‌నగర్‌లో పర్యటించనున్న కిషన్‌రెడ్డి . అనంతరం మెట్టుగూడ, అంకమ్మ బస్తీ, శ్యామలకుంట, ఓల్డ్‌ప్రేమ్‌నగర్‌.. నరేంద్రనగర్‌లోని ముంపు ప్రాంతాలను పరిశీలించనున్న కేంద్రమంత్రి. సా.5గంటలకు జీడిమెట్ల ఫాక్స్‌ సాగర్‌ చెరువు పరిశీలన.
  • అనంతపురం: వాహనాల అక్రమ రిజిస్ట్రేషన్‌ కేసు. కర్నాటక లోకాయుక్తలో ఎమ్మెల్యే పెద్దిరెడ్డి ఫిర్యాదుపై స్పందించిన జేసీ ప్రభాకర్‌రెడ్డి. వాహనాల రిజిస్ట్రేషన్ వ్యవహారంలో.. కర్నాటక అధికారులపై ఫిర్యాదు చేసినప్పుడు ఏపీలో ఎందుకు చేయలేదని ప్రశ్న . చట్టం మీ చేతుల్లో ఉందని మమ్మల్ని అక్రమంగా అరెస్ట్‌ చేస్తారా. బీఎస్‌3 కన్నా ముందున్న వాహనాలు రోడ్లపై తిరుగుతున్నాయి. రాష్ట్రంలో లా అండ్‌ ఆర్డర్‌ పనిచేయడం లేదు. చట్టం తమ చేతుల్లో ఉందని ఇష్టమొచ్చినట్టు కేసులు పెడుతున్నారు. ఎన్ని కేసులు పెట్టినా మరోసారి జైలుకు వెళ్లేందుకు కూడా సిద్ధం-తాడిపత్రి మాజీ ఎమ్మెల్యే జేసీ ప్రభాకర్‌రెడ్డి.
  • విజయవాడ: దుర్గగుడి అభివృద్ధికి రూ.70 కోట్లు కేటాయించిన సీఎం జగన్‌కు ధన్యవాదాలు తెలిపిన మంత్రి వెల్లంపల్లి, దేవాలయాల అభివృద్ధి పట్ల సీఎం జగన్‌ చిత్తశుద్ధికి ఇది నిదర్శనం-వెల్లంపల్లి.
  • హైదరబాద్: వరదల్లో ఇంటర్మీడియట్‌ సర్టిఫికెట్లు కోల్పోయిన విద్యార్థులకు సర్టిఫికెట్లు జారీ, డూప్లికేట్‌ మెమోరాండం ఆఫ్‌ మార్క్స్‌ కోసం వెబ్‌సైట్‌లో ఆన్‌లైన్‌లో దరఖాస్తు చేసుకోవచ్చు-ఇంటర్మీడియట్‌ బోర్డ్‌, సయ్యద్‌ ఉమర్‌ జలీల్‌.
  • అమరావతి: పశ్చిమ మధ్య బంగాళాఖాతంలో కొనసాగుతున్న తీవ్ర అల్పపీడనం. రానున్న 24 గంటల్లో వాయువ్య దిశగా ప్రయాణించి వాయుగుండంగా మారే అవకాశం. తీవ్ర అల్పపీడనానికి అనుబంధంగా కొనసాగుతున్న ఉపరితల ఆవర్తనం . రాష్ట్రంలో ఉరుములు, మెరుపులతో కూడిన మోస్తరు వర్షాలు. -అమరావతి వాతావరణ కేంద్రం.
  • తుళ్లూరు రిటైర్డ్‌ తహశీల్దార్‌ సుధీర్‌బాబు క్వాష్‌ పిటిషన్‌ కొట్టివేత. రాజధాని అసైన్డ్‌ భూముల కుంభకోణంలో సుధీర్‌బాబుపై సీఐడీ కేసు. ఎఫ్‌ఐఆర్‌ను కొట్టేయాలని ఏపీ హైకోర్టులో సుధీర్‌బాబు పిటిషన్‌. సుధీర్‌బాబుతో పాటు విజయవాడకు చెందిన సురేష్‌ అరెస్ట్‌.

సుమేధ మృతిపై అనుమానం: మేయర్ బొంతు రమ్మోహన్

హైదరాబాద్ కు చెందిన 11 ఏళ్ల చిన్నారి సుమేధ మృతిపై కొత్త వాదన తెరపైకి వచ్చింది. అసలు చిన్నారి మరణంపై తమకు అనుమానం ఉందని జీహెచ్ఎంసీ మేయర్ బొంతు రామ్మోహన్ అనడం చర్చకు దారితీసింది.

Mayor Bontu Rammohan has expressed suspicion over the death of 11-year-old Sumedha, సుమేధ మృతిపై అనుమానం: మేయర్ బొంతు రమ్మోహన్

హైదరాబాద్ కు చెందిన 11 ఏళ్ల చిన్నారి సుమేధ మృతిపై కొత్త వాదన తెరపైకి వచ్చింది. ఇప్పటికే సుమేధ మృతిపై మానవ హక్కుల కమిషన్ లో ఫిర్యాదు చేయగా, అసలు చిన్నారి మరణంపై తమకు అనుమానం ఉందని మేయర్ బొంతు రామ్మోహన్ అనడం చర్చనీయాంశంగా మారింది.

కన్నబిడ్డను కోల్పోయిన వారి కడుపుకోత ఓవైపు, ఆ చిన్నారి మరణంపై వినిపిస్తున్న భిన్న వాదనలు మరోవైపు. ఇంతకు చిన్నారి సుమేధ ఎలా చనిపోయింది..? నిజంగా నాలాలో పడి చనిపోలేదా? మరి పోలీసులు, మేయర్‌ చెబుతున్న మాటల్లో తేడాలెందుకున్నాయి. సుమేధ మృతిపై కొత్తగా ట్రయాంగిల్‌ తెరపైకి రావడం అందరినీ ఆలోచనలో పడేసింది.

సుమేధ కేసులో ఆమె తల్లిదండ్రుల స్టేట్‌మెంట్‌ను పోలీసులు రికార్డు చేశారు. సెక్షన్‌ 304 కింద కేసు నమోదు చేశారు. నిర్లక్ష్యం ఉంటే సంబంధిత అధికారులపై చర్యలు తీసుకుంటామన్నారు. చిన్నపాటి వర్షాలకే దీన్‌దయాల్‌నగర్‌ కాలనీలో నాలాలు పొంగి ప్రవహిస్తున్నాయన్నారు. ఘటన స్థలంలో నీటి ఉధృతిని చూశాక.. సుమేధ నాలాలో కొట్టుకుపోయే మృతిచెందినట్టుగా నిర్ధారించామని నేరేడ్‌మెట్‌ సీఐ నర్సింహాచారి చెబుతున్నారు.

Mayor Bontu Rammohan has expressed suspicion over the death of 11-year-old Sumedha, సుమేధ మృతిపై అనుమానం: మేయర్ బొంతు రమ్మోహన్

పోలీసుల వెర్షన్‌ ఇలా ఉంటే మేయర్‌ బొంతు రామ్మోహన్‌ వాదన మరోలా ఉంది. చిన్నారి సుమేధ మృతిపై తమకు అనుమానం ఉందన్న ఆయన.. ఆ రోజు ఆ ప్రాంతంలో వర్షం పడలేదంటున్నారు. మోకాలు లోతు వరకు కూడా నీరు నిల్వలేనట్టు గుర్తించామన్నారు. నాలాలో పడి మృతదేహం రెండు కిలోమీటర్ల వరకు కొట్టుకు వెళ్లే అవకాశమే లేదన్న బొంతు రామ్మోహన్‌.. పూర్తిస్థాయిలో వివరాలు సేకరించి హెచ్చార్సీకి నివేదిక అందజేస్తామన్నారు.

Mayor Bontu Rammohan has expressed suspicion over the death of 11-year-old Sumedha, సుమేధ మృతిపై అనుమానం: మేయర్ బొంతు రమ్మోహన్

కన్నబిడ్డను కోల్పోయిన బాధలో ఉన్న సుమేధ తల్లి సుకన్య మాత్రం.. మున్సిపల్‌ అధికారుల తీరు మారాలని ఆగ్రహం వ్యక్తం చేశారు. కేసు పెడితే కానీ చర్యలు తీసుకుంటామని చెప్పడం కరెక్ట్‌ కాదన్నారు. తాత్కాలిక మరమ్మత్తులు చేసి చేతులు దులుపుకుంటున్నారని ఆవేదన వ్యక్తం చేశారు. తన కూతురు మిస్సింగ్‌పై ఫిర్యాదు చేసినప్పుడే సెర్చ్‌ ఆపరేషన్‌ ప్రారంభిస్తే కనీసం గాయాలతోనైనా బతికేదని సుమేధ తల్లి సుకన్య అంటున్నారు.

అటు.. దీన్‌దయాల్‌నగర్‌ కాలనీ వాసులు వర్షం అంటేనే వణికిపోతున్నారు. సుమేధ మృతి తర్వాత మళ్లీ వర్షాలు పడుతుండడంతో భయాందోళన మధ్య బతుకుతున్నారు. తమ కాలనీలో ఉండే నాలాకు 90 కాలనీల నాలాలను అనుసంధానం చేయడం వల్లే ఈ పరిస్థితి ఏర్పడిందని అంటున్నారు. తాత్కాలికం కాకుండా నాలాలకు శాశ్వత పరిష్కారం చూపాలని దీన్‌దయాల్‌ కాలనీ వాసులు కోరుతున్నారు. నిజాంకాలం నాటి నాలాలను ఆధునీకరించాల్సిన అవసరం ఉందని అంటున్నారు.

మరోవైపు సుమేధ మృతిపై ప్రముఖ న్యాయవాది మామిడి వేణు మాధవ్ మానవ హక్కుల కమిషన్‌లో ఇప్పటికే ఫిర్యాదుచేశారు. జరిగిన ఘటనపై సమగ్ర విచారణ జరిపించాలని ఫిర్కాదులో కోరారు. నగరంలో ఓపెన్ నాలలు మృత్యు కుహరాలుగా మారుతూ పిల్లల ప్రాణాలు తీస్తూ… తల్లిదండ్రులకు కడుపుకోత మిగిలిస్తున్నాయంటూ పిటిషన్ లో న్యాయవాది పేర్కొన్నారు.

Mayor Bontu Rammohan has expressed suspicion over the death of 11-year-old Sumedha, సుమేధ మృతిపై అనుమానం: మేయర్ బొంతు రమ్మోహన్

వర్షాకాలంలో ఇటువంటి ఘటనలు తరుచుగా జరుగుతున్న రాష్ట్ర ప్రభుత్వం చోద్యం చూస్తుందంటూ న్యాయవాది కమిషన్ కు వివరించారు. ఓపెన్ నాలలపై కప్పులు వేసి అండర్ గ్రౌండ్ డ్రైనేజీ సిస్టం ఏర్పాటు చేయాలని న్యాయవాది డిమాండ్ చేసారు. ప్రాణాలు కోల్పోయిన ప్రతి కుటుంబానికి కోటి రూపాయల నష్టపరిహారం చెల్లించే విధంగా రాష్ట్ర ప్రభుత్వాన్ని అదేశించాలంటూ న్యాయవాది కమిషన్ కోరారు.

చిన్నారి సుమేధ మరణంపై అందిన ఫిర్యాదుపై స్పందించిన కమిషన్, ఘటనపై సమగ్ర విచారణ జరిపి నవంబర్ 13లోగా నివేదికను సమర్పించాలంటూ… జిహెచ్ఎంసి కమిషనర్ ను హెచ్చార్సీ ఆదేశింది.

 

Related Tags