IPL 2020 KKR vs CSK : టాస్ గెలిచి బ్యాటింగ్ ఎంచుకున్న కార్తిక్‌సేన

IPL 2020 KKR vs CSK : అందరి అంచనాలకు మించి ఉత్కంఠగా ఐపీఎల్ 2020 సాగుతోంది. ఉత్కంఠభరితమైన మ్యాచ్‌లతో అభిమానులకు ఫుల్ టు ఫుల్ మజానిస్తున్న టీ20 లీగ్‌లో మరో మ్యాచ్‌కు రంగం సిద్ధమైంది. అబుదాబి వేదికగా జరగనున్న 21వ మ్యాచ్‌లో కోల్‌కతా, చెన్నై జట్లు తలపడనున్నాయి. టాస్ గెలిచిన కోల్‌కతా బ్యాటింగ్‌ ఎంచుకుంది. వరుసగా రెండు విజయాలు సాధించిన కార్తిక్‌సేన.. ఢిల్లీతో జరిగిన గత మ్యాచ్‌లో ఓటమి పాలైన సంగతి తెలిసిందే. హ్యాట్రిక్‌ పరాజయాలకు చెక్‌ పెట్టి గత మ్యాచ్‌లో గొప్పగా పుంజుకున్న చెన్నై జట్ల మధ్య ఆసక్తికర పోరు జరగనుంది. పంజాబ్‌పై 10 వికెట్ల తేడాతో విజయం సాధించిన మహేంద్ర సింగ్‌ ధోనీ సారథ్యంలోని చెన్నై ఆత్మవిశ్వాసంతో ఉంది. ప్రతిభావంతులైన ఆటగాళ్లు ఉన్నప్పటికీ జట్టును సమర్థవంతంగా నడిపించడంలో దినేశ్‌ కార్తీక్‌ విఫలమవుతున్నాడు.