టాటా ప్లాంట్‌లో భారీ పేలుడు

లండన్‌లోని టాటా స్టీల్‌ ప్లాంట్‌లో శుక్రవారం తెల్లవారుజామున భారీ పేలుడు చోటుచేసుకుంది. పోర్ట్‌ టాల్బెట్‌లోని టాటా స్టీల్‌ వర్క్స్‌లో పేలుడు కారణంగా భారీగా మంటలు ఎగిసిపడ్డాయి. అగ్నిమాపక సిబ్బంది ఘటనా స్థలికి చేరుకుని మంటలను అదుపులోకి తీసుకొచ్చారు. ఈ ఘటనలో ఇప్పటివరకు ఇద్దరికి గాయాలైనట్టు సౌత్‌ వేల్స్‌ పోలీసులు తెలిపారు. క్షతగాత్రులను హుటాహుటిన ఆసుపత్రికి తరలించారు. ప్రమాదానికి గల కారణాలు తెలియాల్సి ఉందని.. ఈ పేలుళ్లపై విచారణ చేపట్టామని పోలీసులు పేర్కొన్నారు. ఈ పేలుళ్ల కారణంగా ప్లాంట్‌కు సమీపంలోని కొన్ని భవనాలు స్వల్పంగా దెబ్బతిన్నట్లు వారు తెలిపారు.