సురేష్ అనే వ్యక్తి చేతిలో పెట్రోల్ దాడిలో మృతిచెందిన రంగారెడ్డి జిల్లా అబ్దుల్లాపూర్మెట్ ఎమ్మార్వో విజయారెడ్డి సంఘటన రెండు తెలుగు రాష్ట్రాల్లోనూ తీవ్ర కలకలం రేపింది. ఈ సంఘటన తర్వాత మరో రెండు చోట్ల ఇద్దరు రైతులు ఎమ్మార్వో కార్యాలయానికి పెట్రోల్ తీసుకెళ్లారు. దీంతో ఆ ఆఫీస్లో ఉన్న సిబ్బంది హడలిపోయారు. మరికొన్ని చోట్ల ముందస్తుగానే తగిన జాగ్రత్త చర్యలు చేపట్టారు. మరికొందరు అధికారులు స్వతహాగానే కొన్ని ఏర్పాట్లు చేసుకున్నారు. అయితే, ప్రస్తుతం ప్రభుత్వ కార్యాలయాల్లో మహిళా ఉద్యోగినుల భద్రతా ప్రశ్నార్థకంగా మారిందని భావించిన సర్కార్ కీలక నిర్ణయం తీసుకున్నట్లుగా తెలుస్తోంది. ఈ మేరకు మహిళ ఉద్యోగుల ఆత్మరక్షణ కోసం మార్షల్ ఆర్ట్స్లో శిక్షణ ఇవ్వాలని హైదరాబాద్లోని మర్రి చెన్నారెడ్డి మానవ వనరుల కేంద్రం నిర్ణయం తీసుకున్నట్లుగా తెలుస్తోతంది. ఇందులో భాగంగా… అనుకొని సంఘటనలు ఎదురైనప్పుడు సమయస్పూర్తితో వ్యవహరించి.. సురక్షితంగా తప్పించుకునేందుకు వీలుగా ఉద్యోగినులందరూ తప్పనిసరిగా ఈ శిక్షణను పొందాలని నిర్ణయించారు.
Breaking News
- దిశ నిందితుల ఎన్కౌంటర్పై మహిళా సంఘాల అభ్యంతరం. ఎన్కౌంటర్కు వ్యతిరేకంగా హైకోర్టుకు లేఖ రాసిన మహిళా సంఘాలు. కస్టడీలో ఉన్న నిందితులను ఎలా ఎన్కౌంటర్ చేస్తారని లేఖ. కోర్టులో కేసు నడుస్తుండగా చట్టాన్ని ఎలా చేతుల్లోకి తీసుకుంటారు. ఎన్కౌంటర్ చేసిన వారిపై చర్యలు తీసుకునేలా డీజీపీని ఆదేశించాలి. మృత దేహాలకు ఫోరెన్సిక్ నిపుణులతో పోస్టుమార్టం చేయించాలి. పోస్టుమార్టం వీడియో తీయించాలి-లేఖలో మహిళా సంఘాలు. హైకోర్టు చీఫ్ జస్టిస్ అందుబాటులో లేకపోవడంతో సోమవారం విచారిస్తామన్న హైకోర్టు.
- కేంద్రీయ సైనిక్ బోర్డ్కు పవన్కల్యాణ్ విరాళం. కోటి రూపాయలు విరాళం ప్రకటించిన పవన్కల్యాణ్. స్వయంగా ఢిల్లీ వెళ్లి డీడీ అందిస్తా-పవన్కల్యాణ్.
- ఎన్కౌంటర్లు సమస్యకు పరిష్కారం కాదు-ట్విట్టర్లో ఆర్జీవీ. సమాజంలో ఉద్రేకాలను తగ్గించేందుకు ఎన్కౌంటర్లు దోహదం చేయొచ్చు-ట్విట్టర్లో రామ్గోపాల్వర్మ.
- తూ.గో: ఆంధ్రా పాలిటెక్నిక్ కాలేజ్లో విద్యార్థులపై దాడి. విద్యార్థులపై దాడి చేసిన బయటి వ్యక్తులు. ఇద్దరు విద్యార్థులకు గాయాలు పోలీసులకు ఫిర్యాదు, కేసు నమోదు.
- గుంటూరు: పిడుగురాళ్ల సబ్ రిజిస్ట్రార్ కార్యాలయంలో ఏసీబీ తనిఖీలు. లెక్కలు చూపని రూ.56,700 స్వాధీనం, కేసు నమోదు.
- ధరల నియంత్రణలో ప్రభుత్వం విఫలమైంది-చంద్రబాబు ట్వీట్. ఉల్లి ధరలతో జనం అల్లాడుతుంటే దేశమంతా ధరలు పెరిగాయని వైసీపీ మంత్రులు చెప్పడం హాస్యాస్పదం-ట్విట్టర్లో చంద్రబాబు. ఆరు నెలల్లోనే రాష్ట్రాన్ని దళారుల రాజ్యంగా మార్చారు. ఒక్క ఉల్లి మాత్రమే కాదు.. నిత్యావసరాల ధరలన్నీ చుక్కలనంటాయి. రూ.5 వేల కోట్లతో ధరల స్థిరీకరణ నిధి అన్నారు.. ఏమైంది. ఉల్లి కోస్తే వచ్చే కన్నీళ్లు.. ఉల్లిని కొంటున్నప్పుడే వస్తున్నాయి. ఉల్లి ధరల తడాఖా ఏంటో స్థానిక సంస్థల్లో మహిళలు చూపిస్తారు -ట్విట్టర్లో చంద్రబాబు
- మహబూబ్నగర్: దిశ నిందితుల మృతదేహాలకు పోస్ట్మార్టం పూర్తి. రాత్రికి మహబూబ్నగర్ ప్రభుత్వాస్పత్రిలోనే నిందితుల మృతదేహాలు. రేపు మహబూబ్నగర్ ఆస్పత్రికి వెళ్లనున్న ఎన్హెచ్ఆర్సీ ప్రతినిధులు. ఎన్హెచ్ఆర్సీ ప్రతినిధుల బృందం పరిశీలించిన తర్వాతే నిందితుల మృతదేహాలకు అంత్యక్రియలు. మహబూబ్నగర్ ప్రభుత్వాస్పత్రి దగ్గర భారీగా పోలీస్ బందోబస్తు.