Breaking News
  • హైదరాబాద్‌: గురుకుల పాఠశాల ప్రిన్సిపాల్‌ దాష్టీకం. విద్యార్థిని నేలకేసి కొట్టిన ప్రిన్సిపాల్‌ సుబ్రహ్మణ్యం. ప్రిన్సిపాల్‌ను నిలదీసిన విద్యార్థి తల్లిదండ్రులు. మీకు దిక్కున్న చోట చెప్పుకోండని దురుసుప్రవర్తన. ప్రిన్సిపాల్‌ సుబ్రహ్మణం కులంపేరుతో దూషిస్తూ.. చితకబాదుతున్నాడని కన్నీళ్లు పెట్టుకున్న విద్యార్థులు.
  • ఢిల్లీ: కాళేశ్వరం ప్రాజెక్టుపై ఎన్జీటీలో విచారణ. విచారణకు హాజరుకాని తెలంగాణ పీసీబీ అధికారులు . తదుపరి విచారణ ఫిబ్రవరి 10కి వాయిదా . పర్యావరణ అనుమతుల విషయంలో పీసీబీ అధికారులు.. నిర్లక్ష్యంగా వ్యవహరించారన్న పిటిషనర్‌ హయాతుద్దీన్‌.
  • ఢిల్లీ: 2020-21 వార్షిక బడ్జెట్‌ ప్రతుల ముద్రణ ప్రారంభం. ఆర్థికశాఖ కార్యాలయం నార్త్‌బ్లాక్‌లో హల్వా వేడుక. బడ్జెట్‌ ప్రతుల ముద్రణ సందర్భంగా హల్వా వేడుక ఆనవాయితీ. హాజరైన కేంద్ర ఆర్థిక మంత్రి నిర్మలా సీతారామన్‌.. సహాయమంత్రి అనురాగ్‌ ఠాకూర్‌, ఆర్థికశాఖ కార్యదర్శులు.
  • ప.గో: ఒకే రాష్ట్రం.. ఒకే రాజధాని బీజేపీ నినాదం-మాణిక్యాలరావు. రాజధానికి భూములు ఇచ్చిన రైతుల గురించి టీడీపీ మాట్లాడుతోంది. ఐదు కోట్ల ఆంధ్రుల తరపున బీజేపీ-జనసేన పోరాడుతుంది. రాష్ట్రంలో జగన్ పాలన తుగ్లక్ పాలనను గుర్తుచేస్తోంది-మాణిక్యాలరావు.
  • సిద్దిపేట: గజ్వేల్‌లో మంత్రి హరీష్‌రావు ఎన్నికల ప్రచారం. ఈ ఎన్నికల్లో ఉత్తమ్‌ మాటలన్నీ ఉత్తర ప్రగల్బాలే అని తేలిపోనుంది. 2 వేల వార్డులు గెలుస్తామంటున్న బీజేపీకి.. గజ్వేల్‌లోని 20 వార్డుల్లో ఏ ఒక్క వార్డు గెలవలేరు-హరీష్‌రావు. 20 వార్డులను గెలిపించుకుంటే మరింత అభివృద్ధి-హరీష్‌రావు.

నవంబర్‌లోనే ‘మార్చ్’ల హోరు.. టైటిల్స్ అదిరిపోతున్నాయిగా !

march programs in november, నవంబర్‌లోనే ‘మార్చ్’ల హోరు.. టైటిల్స్ అదిరిపోతున్నాయిగా !

తెలంగాణాలో ఆర్టీసీ సమ్మెకు ఊపునిస్తూ జెఏసీ, రాజకీయ పార్టీలు కలిసి పిలుపునిచ్చిన మిలియన్ మార్చ్ (ఛలో ట్యాంక్‌బండ్) ఇటు ముగిసిందో లేదో అటు ఏపీలో మరో మార్చ్‌ నిర్వహణకు ఏర్పాట్లు మొదలయ్యాయి. ఏపీలో జరనున్నదానికి ఇసుక మార్చ్‌గా వామపక్షాలు నామకరణం చేశాయి. వివరాల్లోకి వెళితే..

ఏపీలో ఇసుక విధానాన్ని వ్యతిరేకిస్తూ విపక్షాలు ఆందోళన తీవ్రతరం చేసిన సంగతి తెలిసిందే. నవంబర్ 3వ తేదీన విశాఖ కేంద్రంగా జనసేన పార్టీ నిర్వహించిన లాంగ్ మార్చ్ భారీ స్థాయిలో సక్సెస్సయ్యింది. జనసేన అధినేత లాంగ్ మార్చ్ వేదిక నుంచి ఏపీ ప్రభుత్వానికి పలు సవాళ్ళు విసిరారు. వామపక్షాలు, బిజెపి సంఘీభావం అంటూనే దూరంగా వుండి ప్రేక్షక పాత్రకు పరిమితమయ్యాయి. టిడిపి నేతలు అయ్యన్నపాత్రుడు, అచ్చెన్నాయుడు లాంగ్ మార్చ్‌కు హాజరయ్యారు.

march programs in november, నవంబర్‌లోనే ‘మార్చ్’ల హోరు.. టైటిల్స్ అదిరిపోతున్నాయిగా !క రకంగా చెప్పాలంటే ఒక్క లాంగ్ మార్చ్ కార్యక్రమంతో ఇసుకపై ఆందోళనలో టిడిపిపై పైచేయి సాధించింది జనసేన. దాంతో ఉలిక్కి పడిన టిడిపి నేతలు.. ఇసుక ఉద్యమాన్ని మరింత ముందుకు తీసుకెళ్ళేందుకు ప్లాన్ చేశారు. అనుకున్నదే తడవుగా.. శనివారం విజయవాడలో అఖిలపక్ష సమావేశం నిర్వహించి, విపక్షాల ఉమ్మడి ఆందోళనకు పెద్దన్న తామే అని చెప్పుకునే ప్రయత్నం చేశారు. అయితే ఈ సమావేశాలకు జనసేన పెద్దగా ప్రాధాన్యతనివ్వనట్లు కనిపిస్తోంది. ఒక్క పోతిన మహేశ్‌ని అఖిలపక్ష సమావేశానికి పంపి ఊరుకున్నారు పవన్ కల్యాణ్.

అయితే.. సమావేశానికి హాజరైన వామపక్షాలు నవంబర్ 12,13 తేదీలలో ఇసుక మార్చ్‌ను నిర్వహించాలని పిలుపునిచ్చాయి. ఆ రెండు రోజుల్లో వామపక్షాల బృందాలు ఇసుక రీచ్‌లకు వెళ్ళి, ఇసుకను ఉచితంగా పంపిణీ చేసే కార్యక్రమాన్ని చేపడతారని వామపక్షాల నేతలు ప్రకటించారు. అడ్డుకుంటే పోరాటం ఆగేది కాదని సిపిఐ నేత రామకృష్ణ అంటున్నారు.

march programs in november, నవంబర్‌లోనే ‘మార్చ్’ల హోరు.. టైటిల్స్ అదిరిపోతున్నాయిగా !ఇటు తెలంగాణలో కొనసాగుతున్న ఆర్టీసీ సమ్మెను నెక్స్ట్ లెవెల్‌కు తీసుకు వెళ్ళేందుకు ఆర్టీసీ జెఏసీ మిలియన్ మార్చ్‌కు పిలుపునిచ్చింది. నవంబర్ 9ని ముహూర్తంగా నిర్ణయించింది. ఆ తర్వాత మిలియన్ మార్చ్ పేరును చలో ట్యాంక్‌బండ్‌గా మార్చారు. అయితే.. అనుకున్న స్థాయిలో కాకపోయినా పోలీసుల నిర్బంధం మధ్య పలు బృందాలుగా ఆర్టీసీ కార్మికులు, విద్యార్థి సంఘాలు, రాజకీయ పార్టీల శ్రేణులు ట్యాంక్‌బండ్‌కు చేరుకుని తమ నిరసనని తెలిపారు.

ఇసుక కొరతను తీర్చకపోతే ఉచిత ఇసుక ఉద్యమానికి పిలుపునిస్తామని హెచ్చరించింది టీడీపీ. ఆత్మహత్య చేసుకున్న వారి భవన నిర్మాణ కార్మిక కుటుంబాలకు 25 లక్షలు, ఉపాధి కోల్పోయిన వారికి సాయం చేయాలని సమావేశం ప్రభుత్వాన్ని డిమాండ్‌ చేసింది. ఇసుకను తరలిస్తున్న వైసీపీ నేతల వాహనాల్ని సీజ్‌ చేయాలని డిమాండ్‌ చేశారు మాజీ ఎమ్మెల్యే బోండా ఉమ.

నవంబర్ 3న విశాఖలో లాంగ్ మార్చ్… నవంబర్ 9న హైదరాబాద్‌లో మిలియన్ మార్చ్.. తిరిగి నవంబర్ 12, 13 తేదీల్లో ఏపీలో ఇసుక మార్చ్.. సో.. తెలుగు రాష్ట్రాలను నవంబర్‌లోనే ‘మార్చ్’లు హోరెత్తిస్తున్నాయన్నమాట.