Breaking News
  • తెలంగాణలో మరో 27 కరోనా పాజిటివ్ కేసులు నమోదు.. తెలంగాణ లో ఇప్పటి వరకు 154 కరోనా పాజిటివ్ కేసులు నమోదయ్యాయి.. తెలంగాణలో కరోనా వైరస్ తో 9 మంది మృతి చెందారు.. ఈరోజు మరో ముగ్గురు ఆసుపత్రి నుండి డిచ్ఛార్జ్ అయ్యారు.. మొత్తం 17 మంది కోలుకున్నారు..
  • అసలే జనం భయంతో బతికేస్తున్నారు. ఈ టైమ్‌లో కరోనాపై అవాకులు చవాకులు పేల్చేవాళ్లు ఎక్కువయ్యారు. కొందరు ఫేక్‌ న్యూస్‌ పోస్టు చేస్తుంటే కొందరు విధులు నిర్వర్తిస్తున్న పోలీసులపై, వైద్యులపై ఇష్టారాజ్యాంగా వ్యవహరిస్తున్నారు. తెలంగాణ సీఎం కేసీఆర్‌ మొత్తం రాష్ట్ర పరిస్థితిని ఆరా తీస్తున్నారు.
  • ఏలూరులో ఒక్కసారిగా ఎనిమిది కరోనా పాజిటివ్‌ కేసులు తెరమీదకు వచ్చాయి. ఇంకెన్ని ఉంటాయోనని ప్రజలు భయపడుతుంటే అలాంటి హై రిస్క్‌ జోన్‌లో నిరంతరం పని చేస్తున్నారు పోలీసులు. ప్రస్తుతం సిటీలో 144 సెక్షన్‌ అమలవుతోంది. కుటుంబాలకు దూరంగా రెడ్‌జోన్‌లో పోలీసులు విధులు నిర్వర్తిస్తున్నారు.
  • ప్రతీది కరోనా కాదు.. పొడిదగ్గు తుమ్ములు ఉంటే వాయుకాలుష్యం. దగ్గు, తెమడ, ముక్కు కారడం, తుమ్ములు వస్తే జలుబు. దగ్గు, తెమడ, తుమ్ములు, ముక్కు కారడం, ఒంటి నొప్పులు, బలహీనత, తేలికపాటి జ్వరం ఫ్లూ లక్షణాలు. పొడిదగ్గు, తుమ్ములు, ఒంటి నొప్పులు, అధిక జ్వరం, బలహీనత, శ్వాస తీసుకోవడంలో ఇబ్బంది ఇవన్నీ కొవిడ్‌-19 లక్షణాలు. ప్రతీది కరోనా కాదు.. కంగారు పడొద్దు..
  • నిజాముద్దీన్ మర్కజ్ కేసులో ఢిల్లీ క్రైం బ్రాంచ్ నోటీసులు. తబ్లీఘీ-జమాత్ చీఫ్ మౌలానా సాద్ సహా 7గురు నిందితులకు నోటీసులు. నిబంధనలు ఎందుకు అతిక్రమించారో రాతపూర్వక వివరణ ఇవ్వాలని ఆదేశం. నిందితుల ఇళ్లకు నోటీసులు పంపించిన క్రైం బ్రాంచ్.

#COVID2019 ప్రజాయుద్దంతో కరోనాకు చెక్.. మావోయిస్టుల రూటే వేరులే

యావత్ ప్రపంచాన్ని వణికిస్తున్న కరోనా వైరస్ నియంత్రణకు తనదైన మార్గాన్ని చూపిస్తున్నారు మావోయిస్టులు. కరోనాపై ప్రజా యుద్దం చేయాలని మావోయిస్టులు ప్రజలకు పిలుపునిస్తున్నారు. ఈ మేరకు విశాఖ మన్యం ఏరియాలో పోస్టర్లు అతికించారు మావోయిస్టులు.
maoists new defination to corona, #COVID2019 ప్రజాయుద్దంతో కరోనాకు చెక్.. మావోయిస్టుల రూటే వేరులే

Maoists variety call for people to control #COVID2019: యావత్ ప్రపంచాన్ని వణికిస్తున్న కరోనా వైరస్ నియంత్రణకు తనదైన మార్గాన్ని చూపిస్తున్నారు మావోయిస్టులు. కరోనాపై ప్రజా యుద్దం చేయాలని మావోయిస్టులు ప్రజలకు పిలుపునిస్తున్నారు. ఈ మేరకు విశాఖ మన్యం ఏరియాలో పోస్టర్లు అతికించారు మావోయిస్టులు.

విశాఖపట్నం జిల్లా జి.మాడుగుల మండలం మద్దిగరువులో ఈస్ట్ డివిజన్ కమిటీ పేరుతో మావోయిస్టులు పోస్టర్లు అతికించారు. ప్రపంచాన్ని వణికిస్తున్న కరోనా వైరస్ సృష్టికి మూల కారణం సామ్రాజ్యవాదం, పెట్టుబడిదారి విధానాలేనని మావోయిస్టుల పోస్టర్లలో పేర్కొన్నారు. పకృతిని, పర్యావరణాన్ని కాపాడేందుకు ప్రజా యుద్ధంలో భాగం కండి అంటూ ప్రజలకు పిలుపునిచ్చారు.

కరోనా వైరస్ సృష్టి చైనాలో జరిగిన నేపథ్యంలో దానికి సామ్రాజ్య వాదమే కారణమని మావోయిస్టుల చెప్పడం కొత్త చర్చకు తెరలేపుతోంది. పెట్టుబడిదారీ విధానాల వల్లే కరోనా వైరస్ సృష్టి జరిగిందనడం పరోక్షంగా చైనాపై మావోయిస్టులు విమర్శలు చేశారని భావించేలా పోస్టర్లు వెలిశాయి. ఈ క్రమంలో ప్రజలను ప్రజా యుద్దంలో భాగస్వాములవమనడం, చైనా విధానాలను మావోయిస్టులు విమర్శించడం పలువురిలో చర్చనీయాంశాలుగా మారాయి.

Related Tags