Breaking News
  • డా.వసంత్‌కు డీఎంహెచ్‌వోలో పోస్టింగ్‌ ఇస్తూ ఉత్తర్వులు. గాంధీలో సస్పెన్షన్‌కు గురైన డాక్టర్‌ వసంత్‌. తనకు పోస్టింగ్‌ ఇవ్వాలని హెల్త్‌ డైరెక్టర్‌ను కలిసిన వసంత్‌.
  • మానవహక్కుల కమిషన్‌ను ఆశ్రయించిన మహిళ. మంత్రి మల్లారెడ్డి నుంచి తనకు ప్రాణహాని ఉందని ఫిర్యాదు. తన భూమిని మంత్రి మల్లారెడ్డి కబ్జాచేసేందుకు యత్నిస్తున్నారని ఆరోపణ. పోలీస్‌స్టేషన్‌కు వెళ్లినా న్యాయం జరగడంలేదని ఆవేదన. మంత్రి నుంచి తనకు రక్షణ కల్పించాలని విజ్ఞప్తి.
  • రేపు ఢిల్లీకి టీడీపీ ఎమ్మెల్సీలు. మండలిని రద్దు చేయొద్దంటూ ఢిల్లీ పెద్దలను కలవనున్న ఎమ్మెల్సీలు. రేపు సాయంత్రం ఉపరాష్ట్రపతిని కలవనున్న టీడీపీ ఎమ్మెల్సీలు. రెండు రోజుల పాటు ఢిల్లీలో ఉండనున్న టీడీపీ బృందం.
  • సీఎం కేసీఆర్‌కు ట్విట్టర్‌లో బర్త్‌డే శుభాకాంక్షలు తెలిపిన పవన్‌ కల్యాణ్‌.
  • బెంగాల్‌ సర్కార్ సంచలన నిర్ణయం. ఎన్నికల వ్యూహకర్త పీకేకు జెడ్‌కేటగిరీ భద్రత. తృణమూల్‌కు వ్యూహకర్తగా పనిచేస్తున్న పీకే.
  • అనంతపురం: ఏసీబీ అధికారి అవతారం ఎత్తిన కేటుగాడు. ఏసీబీ అధికారి నుంటూ పలువురు నుంచి భారీగా వసూళ్లు. ఇప్పటి వరకు పలువురు అధికారుల నుంచి రూ.27 లక్షలు వసూలు. చివరకు పోలీసులకు చిక్కిన కేటుగాడు జయకృష్ణ. రూ.2.91 లక్షలు, రెండు సెల్‌ఫోన్లు స్వాధీనం.

హిమాచల్ వరదల్లో  మంజూ వారియర్

Manju Warrior stuck in Himachal Floods, హిమాచల్ వరదల్లో  మంజూ వారియర్

హిమాచల్ ప్రదేశ్ వరదల్లో చిక్కుకుపోయారు మలయాళ సూపర్ స్టార్ మంజూ వారియర్. ఆమె నటిస్తున్న ఓ సినిమా షూటింగ్ కోసం ఛత్రు హిల్ స్టేషన్ కు వెళ్లింది మూవీ టీమ్. ఐతే గత మూడు రోజులుగా హిమాచల్ ప్రదేశ్ లో కుండపోత వానలు పడుతుండటంతో బయటకు రాలేక అక్కడే చిక్కుకుపోయారు మంజూ వారియర్, ఫిల్మ్ మేకర్ సనాల్ కుమార్ శశిధరన్ తో పాటు చిత్ర యూనిట్. తామంతా వరదల్లో చిక్కుకుపోయినట్లు మంజూ వారియర్ అందించిన సమాచారంతో రెస్క్యూటీంను పంపించి వారిని సురక్షిత ప్రాంతాలకు తరలించామని ప్రకటించారు హిమాచల్ ప్రదేశ్ ముఖ్యమంత్రి జైరామ్ ఠాకూర్.

1995లో సినీరంగ ప్రవేశం చేసిన మంజూ వారియర్..నాలుగేళ్లలోనే 20 సినిమాల్లో నటించారు. 2014లో రీ ఎంట్రీ ఇచ్చిన మంజు నటించిన హౌ ఆల్డ్ ఆర్ యూ సూపర్ హిట్ అవడంతో దక్షిణ భారత భాషల్లో ఆమెకు ఆఫర్లు క్యూ కట్టాయి.

ఇక మూడు రోజులుగా హిమాచల్ ప్రదేశ్ లో ఎడతెరిపిలేని వర్షాలు పడుతుండటంతో నదులు ప్రమాద స్థాయిని దాటి ఉధృతంగా ప్రవహిస్తున్నాయి. కొండచరియలు విరిగిపడుతుండటంతో పాటు భారీ వర్షాలు, వరదలకు రోడ్లు కొట్టుకుపోయి పలు ప్రాంతాలకు సంబంధాలు తెగిపోయాయి.  గత మూడు రోజుల్లో 26 మంది మృతి చెందగా..పలువురు గల్లంతయ్యారు. వరదల వల్ల రాష్ట్రంలో 20 కోట్ల రూపాయల నష్టం వాటిల్లిందని ప్రకటించారు అధికారులు.  రానున్న కొద్ది రోజుల వరకు భారీ వర్షాలు పడే అవకాశముందని..అప్రమత్తంగా ఉండాలని హెచ్చరికలు జారీ చేశారు వాతావరణ శాఖాధికారులు.