‘నన్ను ఇన్వాల్వ్ చేయకండంటూ’.. విష్ణు కామెంట్స్

'నన్ను ఇన్వాల్వ్ చేయకండి రావు గారు'.. అంటూ మంచు విష్ణు, బ్రహ్మానందం మధ్య సాగే సంభాషణ గుర్తింది కదా. ఇప్పటికీ 'ఢీ' సినిమాలో చెప్పిన ఈ డైలాగ్స్ ప్రతీ ఒక్కరికీ గుర్తుండే ఉంటుంది. ఈ చిత్రం అప్పట్లో సూపర్ హిట్..

Updated on: Mar 12, 2020 | 12:23 PM

‘నన్ను ఇన్వాల్వ్ చేయకండి రావు గారు’.. అంటూ మంచు విష్ణు, బ్రహ్మానందం మధ్య సాగే సంభాషణ గుర్తింది కదా. ఇప్పటికీ ‘ఢీ’ సినిమాలో చెప్పిన ఈ డైలాగ్స్ ప్రతీ ఒక్కరికీ గుర్తుండే ఉంటుంది. ఈ చిత్రం అప్పట్లో సూపర్ హిట్ సాధించింది. విష్ణు కెరీర్‌లో బిగ్గెస్ట్ హిట్ సినిమా ఇదే. ఈ చిత్రానికి శ్రీనువైట్ల దర్శకత్వం వహించారు. కాగా.. ఇప్పుడు మళ్లీ వీరి కాంబోలో ‘ఢీ2’ తెరకెక్కబోతుందంటూ.. వస్తున్న వార్తల గురించి మంచు విష్ణు కూడా ఇలాగే స్పందించారు. వరుస పరాజయాలతో సతమతమవుతున్న శ్రీనువైట్ల తాజాగా ‘ఢీ2’ మూవీ స్రిప్టు సిద్ధం చేశారని.. త్వరలోనే ఈ ప్రాజెక్టు పట్టాలెక్కబోతుందని టాలీవుడ్‌లో ఓ టాక్ వినిపిస్తోంది.

అయితే ఈ వార్తల గురించి సోషల్ మీడియా వేదికగా.. విష్ణును ప్రశ్నించాడు ఓ నెటిజన్. దానికి సమాధానంగా విష్ణు ఓ ట్వీట్ చేశాడు. ‘చాలా మంది నాకు ఫోన్ చేసి.. శ్రీనువైట్ల కాంబినేషన్లో ‘ఢీ2′ స్టార్ట్ అయ్యిందంట కదా.. కంగ్రాట్స్ అని చెబుతున్నారు. దీని గురించి నాకు అన్నలాంటి శ్రీనువైట్లగారిని అడిగితేనే బెటర్. ప్రాజెక్ట్ వివరాలకు సంబంధించినంత వరకు నన్ను ఇన్వాల్వ్ చేయకండి’.. అంటూ ట్వీట్‌లో పేర్కొన్నాడు విష్ణు.

Chalamandi naku phone chese Dhee 2, @SreenuVaitla garu directionlo start avuthundhi ani congrats chepparu. Naaku anna lanti @SreenuVaitla garu ni, aadhigithe better. Project details varaku, #NanuInvolveCheyakandi ?

— Vishnu Manchu (@iVishnuManchu) March 11, 2020