Breaking News
  • హైదరాబాదులో వరద సహాయ పునరావాస చర్యలకై స్పీడ్ బోటులు పంపాలన్న తెలంగాణ రాష్ట్ర ప్రభుత్వ విజ్ఞప్తి పై రాష్ట్ర ముఖ్యమంత్రి వైయస్ జగన్మోహన్ రెడ్డి తక్షణం స్పందించారు. వెంటనే స్పీడు బోట్లను పంపాలని విపత్తుల నిర్వహణ సంస్థ, పర్యాటక శాఖ ఉన్నతాధికారులను సియం ఆదేశించారు. సియం ఆదేశాలకు అనుగుణంగా విపత్తుల నిర్వహణ సంస్థ నుండి మూడు,పర్యాటక శాఖ ద్వారా ఐదు మొత్తం 8స్పీడు బోటులను వెంటనే హైదరాబాదు పంపిస్తున్నట్టు రాష్ట్ర పర్యాటక శాఖ మరియు విపత్తుల నిర్వహణ సంస్థ అధికారులు తెలియజేశారు. అంతేగాక ఈ స్పీడ్ బోటులతో పాటు ఆయా బోటుల సామర్థ్యానికి అనుగుణంగా ఎస్డిఆర్ఎఫ్ కు సంబంధించిన ఈతగాళ్లను (డ్రైవర్స్), తగినన్ని లైఫ్ జాకెట్లను పంపుతున్నట్లు తెలియజేశారు.
  • టీవీ9 తో తెలంగాణ విద్యుత్ సీఎండీ రఘురామ రెడ్డి: Ghmc వర్షాల వల్ల విద్యుత్ కి తీవ్ర అంతరాయం కలిగింది. జీహెచ్ఎం సి పరిధిలో కోటి రూపాల నష్టం జరిగింది. జిల్లాలో 2 కోట్ల నష్టం జరిగింది. వర్షం దాటికి ట్రాన్స్ఫార్మర్స్ కొట్టుకొని పోయాయి ,కొన్ని ప్రాంతాల్లో నీట మునిగాయి. హైదరాబాద్ కి సౌత్ సైడ్ ఎక్కువ డ్యామేజి అయింది. కొన్ని ప్రాంతాల్లో ఇంకా నీరు ఉండీ పోయి విద్యుత్ పునరుద్ధరణ కి కష్టం అవుతుంది. సిటీ లో 456 సబ్ స్టేషన్స్ ఉన్నాయి 15 నీట మునిగాయి. కొన్ని స్టేషన్స్ వాటర్ తొడించి పునరుద్ధరణ జరిపము. నీటి ప్రవాహం వల్ల 1767 ట్రాన్ఫోఫార్మర్స్ ని బంద్ చేయడం జరిగింది. సరూర్ నగర్ ఏరియా కాలనీలో ,ఓల్డ్ సిటీ కింసంబంధించిన కాలనిలలో ఇంకా కొన్ని ప్రాంతాలు పవర్ లేకుండా ఉన్నాయి. Ghmc పరిధిలో 51 లక్షల కనెక్షన్స్ ఉన్నాయి అందులో 30 వేల వరకు అంతరాయం కలిగింది. ఒక్కొక్కటిగా సెట్ చేస్తూ వొస్తున్నాం.
  • అమరావతి : 56 బిసి కార్పొరేషన్ లకు సంబంధించి డైరెక్టర్ ల జాబితా విడుదల . ఒక్కో కార్పొరేషన్ కు 12 మంది పేర్లు ఖరారు.
  • తూర్పుగోదావరి జిల్లాలో ఉరుములతో కూడిన భారీ వర్షం, రాజమండ్రి కంబాల చెరువు, లాల చెరువు, కడియం, రావులపాలెం, రంపచోడవరం, కోనసీమ, మన్యం ప్రాంతాల్లో భారీ వర్షం, కిర్లంపూడిలో భవనంపై పిడుగు, చుట్టుపక్కల ఇళ్లలో కాలిపోయిన ఎలక్ర్టికల్ పరికరాలు
  • నా భర్త నాగరాజు మృతిపై అనేక అనుమానాలున్నాయి. నా భర్త ఆత్మహత్య చేసుకునేంత పిరికివాడు కాదు. మూడు నెలల్లో బయటకు వస్తానని నాకు చెప్పాడు. ఈ కేసులో ప్రమేయం ఉన్న వారందరిపై విచారణ జరపాలి. - మాజీ కీసర తహశీల్దార్ నాగరాజు భార్య స్వప్న . నాగరాజు ఉన్న బ్యారెక్‌లో మరో నలుగురు ఉన్నారు. వాళ్లపైన కూడా నాకు అనుమానం ఉంది- నాగరాజు భార్య స్వప్న . టవల్‌తో సూసైడ్ చేసుకున్నాడని జైలు అధికారులు ఎలా చెబుతారు. ప్రభుత్వం నాగరాజు మృతిపై విచారణ జరిపించాలి. మా కుటుంబసభ్యులకు రక్షణ కల్పించాలి. హెచ్చార్సిలో ఫిర్యాదు చేసిన నాగరాజు భార్య స్వప్న.
  • హైదరాబాద్: వరదల్లో నష్టపోయిన వారిని ప్రభుత్వం ఆదుకుంటుంది. ప్రతి ఇంటికి రూ. 10 వేల చొప్పున ఆర్థిక సాయం అందిస్తాం- సీఎం కేసీఆర్.
  • హైదరాబాద్: దసరా పండుగకు ప్రత్యేక బస్సులు నడుపనున్న టీఎస్ ఆర్టీసీ. ఈ నెల 24 వరకు 3వేల ప్రత్యేక బస్సులు- రంగారెడ్డి రీజనల్ మేనేజర్ వరప్రసాద్ . హైదరాబాద్ నుంచి వివిధ రాష్ట్రాలు, తెలంగాణలో వివిధ ప్రాంతాలకు బస్సులు . ఎంజీబీఎస్‌, జేబీఎస్, కూకట్‌పల్లి, దిల్‌సుఖ్‌నగర్, ఎస్సార్‌నగర్,అమీర్‌పేట. ఈసీఐఎల్‌, ఉప్పల్ క్రాస్‌రోడ్డు, ఎల్బీనగర్ ప్రాంతాల నుంచి బస్సులు . పండుగ నేపథ్యంలో అడ్వాన్స్‌ బుకింగ్ రిజర్వేషన్ సౌకర్యం కల్పించాం. - రంగారెడ్డి రీజనల్ మేనేజర్ వరప్రసాద్ .

సూపర్‌మార్కెట్‌లో తిరుగాడిన కరోనా పేషంట్‌కు భారీ జరిమానా

తాచెడ్డ కోతి వనమెల్లా చెడచినట్టు.. తనకంటుకున్న కరోనా వైరస్‌ను పదిమందికి అంటించాలనుకున్నాడో ఏమో కానీ ఐసోలేషన్‌ సెంటర్‌ నుంచి దొంగచాటుగా సూపర్‌మార్కెట్‌కు వెళ్లొచ్చాడో పెద్దమనిషి

, సూపర్‌మార్కెట్‌లో తిరుగాడిన కరోనా పేషంట్‌కు భారీ జరిమానా

తాచెడ్డ కోతి వనమెల్లా చెడచినట్టు.. తనకంటుకున్న కరోనా వైరస్‌ను పదిమందికి అంటించాలనుకున్నాడో ఏమో కానీ ఐసోలేషన్‌ సెంటర్‌ నుంచి దొంగచాటుగా సూపర్‌మార్కెట్‌కు వెళ్లొచ్చాడో పెద్దమనిషి.. ఇక్కడంటే ఇలాంటివి చెల్లుతాయి కానీ న్యూజిలాండ్‌లోని ఆక్లాండ్‌లో చెల్లవు కదా! అతగాడిని ఊరికే వదిలేట్టులేరు అక్కడి అధికారులు. విషయమేమిటంటే ఢిల్లీ నుంచి మొన్నీమధ్యనే అంటే జులై 3న ఆక్లాండ్‌కు వచ్చిన 32 ఏళ్ల వ్యక్తికి కరోనా పాజిటివ్‌గా నిర్ధారణ అయ్యింది.. వెంటనే అతడిని ఆక్లాండ్‌లోని ఐసోలేషన్‌ సెంటర్‌కు తరలించారు..

తిరిగే కాలు ఊరకుండదు కదా! ఐసోలేషన్‌ సెంటర్‌ ఫెన్సింగ్‌ను దాటుకుని మరీ ఓ సూపర్‌మార్కెట్‌కు వెళ్లాడు.. సడన్‌గా ఐసోలేషన్‌ సెంటర్‌ నుంచి మనిషి అదృశ్యం కావడంతో అధికారులు బెంబేలెత్తిపోయారు. ఆరోగ్యమంత్రి క్రిస్‌ హిప్కిన్స్‌ అయితే దీన్ని సీరియస్‌గా తీసుకున్నారు.. అతడు మామూలు తప్పు చేయలేదని, స్వార్థపూరితంగా వ్యవహరించాడని, అతడిపై కఠినమైన చర్యలు తీసుకుంటామని చెప్పారాయన. సూపర్‌మార్కెట్‌లో 20 నిమిషాలసేపు గడిపిన అతగాడు ఓ గంట తర్వాత తీరిగ్గా స్వయంగా ఐసోలేషన్‌ సెంటర్‌కు చేరుకున్నాడు..

ఇలా ఐసోలేషన్‌ సెంటర్‌ నుంచి చెప్పాపెట్టకుండా వెళ్లినందుకు ఆరు నెలల జైలు శిక్ష కాని, 2.8 లక్షల రూపాయల జరిమానా కాని విధిస్తారని అక్కడి స్థానిక పేపర్‌ న్యూజిలాండ్‌ హెరాల్డ్‌ తెలిపింది. ఇదిలా ఉంటే కరోనా సోకిన వ్యక్తి తమ స్టోర్‌కు వచ్చాడని తెలియడంతో సూపర్‌మార్కెట్‌ సిబ్బంది ఆందోళనకు గురయ్యారు.. వెంటనే వారంతా హోమ్‌ క్వారంటైన్‌కు వెళ్లారు.. ఇప్పుడు వారందరికీ కరోనా పరీక్షలు నిర్వహిస్తున్నారు. న్యూజిలాండ్‌లో ఇప్పటివరకూ 1,187 కరోనా పాజిటివ్‌ కేసులు నమోదయ్యాయి. ఇందులో 23 యాక్టివ్‌ కేసులున్నాయి. ప్రస్తుతం వీరంతా ఐసోలేషన్‌ కేంద్రాల్లో చికిత్స తీసుకుంటున్నారు.

Related Tags