డేంజర్….అమెరికాకు చైనా విత్తనాల భయం

తమకు  పక్కలో బల్లెంగా మారుతూ.. కరోనా వైరస్ కి తామే బాధ్యులమంటూ ప్రపంచ దేశాలను తమకు వ్యతిరేకంగా కూడగట్టేందుకు అమెరికా చేస్తున్న ప్రయత్నాలను   ఏదో ఒక రకంగా ఎదుర్కోవడానికి  చైనా వ్యూహాలు పన్నుతోంది.బహుశా  ఇందులో భాగంగా ఇటీవల హానికరమైన .,అరుదైన విత్తనాలను అమెరికాకు పంపింది. తాము కనీవినీ ఎరుగని వీటిని విత్తరాదని నిపుణులు హెచ్ఛరిస్తున్నప్పటికీ..కుతూహలం ఆపుకోలేని కొందరు వ్యక్తులు వీటిని నాటుతున్నారు. ఆర్కాన్సస్ లో ఓ వ్యక్తి తన గార్డెన్ లో వీటిని విత్తి అదేపనిగా అవి మొక్కలుగా ఎలా ఎదుగుతాయా అని చూస్తూ వచ్చాడు. ప్రతి రెండు వారాలకోసారి ఆ మొక్కల ఎదుగుదలను చూస్తూ ఆశ్ఛర్యపోయాడు. అవి ఇతర మొక్కల మాదిరిగా కాకుండా పొదల్లా విస్తరిస్తూ వచ్చాయి. ఒకేఒక తెల్లని పండు, ఆరెంజ్ రంగు పూలు, పెద్ద ఆకులతో కూడిన ఇవి విచిత్రంగా కనిపించాయి.

అయితేఈ మొక్కలు ‘ఇన్వెజీవ్ స్పీసీస్’ (ఆక్రమణ గుణం కలిగిన మొక్కల జాతి) అని వృక్షశాస్త్రజ్ఞులు నిర్ధారించారు. ఇవి క్రిమి సంహారక మందులకు కూడా నశించవని, ఇతర మొక్కలను, పంటలను నాశనం చేస్తాయని వారు హెచ్ఛరిస్తున్నారు. ఈ విత్తనాలు  దుర్వాసనతో కూడినవని, ఎవరికి వీటి ప్యాకేజీలు అందినా వెంటనే వ్యవసాయ శాఖ సెంటర్లకు పంపాలని వారు సూచిస్తున్నారు.