ఈ వీడియోలో వ్య‌క్తి చేసిన ప‌ని త‌ప్పా..రైటా..?

లాక్‌డౌన్ కార‌ణంగా వన్యప్రాణుల‌కు స్వేచ్చ దొరికింది. కాలుష్యం విప‌రీతంగా త‌గ్గ‌డంతో.. అంత‌రించిపోతాయ‌నుకున్న కొన్ని ర‌కాల ప‌క్షులు బ్ర‌తికి బ‌ట్ట‌క‌ట్టాయి. అయితే వేసవికాలం కావ‌డంతో..నీటికోసం చాలా జంతువులు జనావాసాల్లోకి వ‌చ్చి ప్ర‌జ‌ల‌ను భ‌య‌బ్రాంతుల‌కు గురిచేస్తున్నాయి. ఇవి ప‌క్క‌న పెడితే ట్విటర్‌ యూజర్‌ వినీత్‌ వశిస్ట్ సోష‌ల్ మీడియాలో పోస్ట్ చేసిన‌ పాము, జింకలున్న వీడియో వైరల్‌గా మారింది. అందులో అత‌డు అడిగిన ప్ర‌శ్న చాలా ట్రిక్కీగా ఉంది.

What do you think? The man was right or wrong?#wildlife #wildlifephotography #jimcorbett #tuesdayvibes @NalinYadavIFS @SudhaRamenIFS @JamirShaikh_IFS @vikas_yadav_ifs @ParveenKaswan @s_singh_ifs @SmithamolMS @NatGeoIndia @NatGeoPhotos @susantananda3 pic.twitter.com/ZPmAJIjVNI

— Vineet Vashist (@_VineetVashist) June 2, 2020

స‌ద‌రు వీడియోలో ఒక‌ కొండచిలువ జింకను వేటాడి ప‌ట్టుకుని మింగేయడానికి ప్రయత్నిస్తున్నది. ఇంతలో అటుగా రోడ్డుపై వెళ్తున్న ఓ వ్యక్తి జింకను రక్షించేందుకు య‌త్నించాడు. పక్కనే ఉన్న ఓ చెట్టుకొమ్మ విరిచి..కొండచిలువను భ‌య‌పెట్టాడు. దీంతో అది ఒక్కసారిగా పైకి లేచి బుసలు కొట్టిన అనంత‌రం ..అత‌డి చేతిలో క‌ర్ర ఉండ‌టంతో… జింకని వదిలి వెళ్లిపోయింది. జింక బ్ర‌తుకు జీవుడా అనుకుంటూ అక్క‌డ్నుంచి పారిపోయింది. ఈ వీడియోను వినీత్‌ ట్విటర్‌లో షేర్‌ చేస్తూ.. ‘మీరేమనుకుంటున్నారు? అతను చేసింది తప్పా, రైటా’ చెప్ప‌మ‌ని క్యాప్షన్‌ జోడించాడు. ఈ సంఘటన జిమ్ కార్బెట్ నేషనల్ పార్క్‌లో చోటు చేసుకున్న‌ట్లు తెలుస్తోంది. అయితే ఈ ప్ర‌శ్న‌కు సోష‌ల్ మీడియాలో భిన్న అభిప్రాయాలు వ‌స్తున్నాయి. కొంత‌మంది అత‌డు మాన‌వ‌త్వం ప్ర‌ద‌ర్శించాడ‌ని ప్ర‌శంసిస్తూ ఉండ‌గా..మరికొంద‌రు వేట జంతువుల‌కు జీవన ఆధారం అని..అత‌డు చేసిన ప‌ని త‌ప్పు అంటూ వారిస్తున్నారు. ఇంకెందుకు ఆల‌స్యం మీ అభిప్రాయం కూడా పంచుకోండి.