ప్రధానిపై ఫేస్‌బుక్‌లో అనుచిత వ్యాఖ్యలు… అరెస్ట్ చేసిన పోలీసులు..!

ప్రస్తుతం కరోనా నేపథ్యంలో దేశం అంతా సంక్షోభంలో ఉంటే.. కొందరు ఆకతాయిలు మాత్రం సోషల్ మీడియా వేదికగా రాజకీయ నేతలపై అనుచిత వ్యాఖ్యలు చేస్తూ వికృత చేష్టలకు పాల్పడుతున్నారు. అసోంలో ఓ వ్యక్తి ఏకంగా ప్రధాని మోదీపైనే ఫేస్‌బుక్‌లో అభ్యంతరకర పోస్ట్ పెట్టాడు. ఈ పోస్ట్‌పై అన్ని వర్గాల ప్రజా సంఘాల నుంచి.. స్థానిక నేతలతో పాటు.. నెటిజన్లు కూడా తీవ్ర అభ్యంతరం వ్యక్తం చేశారు. ఈ ఫేస్‌బుక్‌ పోస్టింగ్‌ వ్యవహారం ఏకంగా కచర్ జిల్లా ఎస్పీ వరకు చేరింది. దీంతో సదరు పోస్ట్ పెట్టిన వ్యక్తిపై కేసు నమోదు చేయాలంటూ పోలీసులకు ఆదేశాలు జారీ చేశారు. దీంతో రంగంలోకి దిగిన పోలీసులు.. ఆ వ్యక్తిని పట్టుకుని పలు సెక్షన్ల కింద కేసులు నమోదు చేసి అరెస్ట్ చేశారు.