Breaking News
  • ఆర్టీసీ కార్మికుల ఆత్మహత్యలపై కౌంటర్‌ దాఖలు చేసిన ప్రభుత్వం. నిరాధార ఆరోపణలతో ప్రభుత్వంపై నిందలు వేస్తున్నారు. ఆత్మహత్యలకు కారణాలను దర్యాప్తు సంస్థలు తేల్చాల్సి ఉంది. చట్టప్రకారం చర్యలు చేపట్టాలని కార్మికశాఖ కమిషనర్‌ను ఇప్పటికే హైకోర్టు ఆదేశించిందన్న సీఎస్‌. కార్మికుల జీతాలు సహా ఇతర డిమాండ్లపై కార్మికశాఖ కమిషనర్‌ తగిన చర్యలు తీసుకుంటారన్న సీఎస్‌.
  • ఏపీ బ్యాడ్మింటన్‌ అసోసియేషన్‌లో భారీగా నిధుల దుర్వినియోగం. మాజీ సెక్రటరీ చౌదరి సహా కొందరు సభ్యులపై కేసు నమోదు. నిధులు దుర్వినియోగం అయినట్టు రుజువుకావడంతో పున్నయ్య చౌదరిని అరెస్ట్‌చేసిన పోలీసులు.
  • విజయవాడ: సీఎం జగన్‌ పాలనతో సహకారం రంగం విరాజిల్లుతోంది. 2004లో స్వర్గీయ వైఎస్‌ఆర్‌ కోఆపరేటివ్‌ వ్యవస్థను బలోపేతం చేశారు. సహకారం రంగాన్ని టీడీపీ ప్రభుత్వం కుదేలు చేసింది. ఉద్యోగుల సమస్యలు పరిష్కరించేందుకు ప్రభుత్వం అండగా ఉంటుంది. రాజకీయ నాయకుల లాగా ఉద్యోగులు యూనియన్లు మారొద్దు-మంత్రి పేర్ని నాని. సహకార వ్యవస్థను బలోపేతం చేసేందుకు ప్రభుత్వం కృషి చేస్తోంది. రైతులకు అన్ని విధాలుగా సహకరించి రుణాలు అందించాలి-మంత్రి వెల్లంపల్లి
  • సిద్దిపేట: హుస్నాబాద్‌లో మోడల్‌ స్కూల్‌ను తనిఖీ చేసిన హరీష్‌రావు. చన్నీళ్లతో స్నానం చేస్తున్నామని మంత్రికి విన్నవించిన విద్యార్థులు. వాటర్‌ హీటర్‌ను వెంటనే రిపేర్‌ చేయించాలని ప్రిన్సిపాల్‌కు ఆదేశం. పిల్లలకు త్వరలో దుప్పట్లు పంపిణీ చేస్తానని హామీ.
  • తిరుపతి: కేరళ నుంచి సికింద్రాబాద్‌ వెళ్లే రైలులో నీటి కొరత. ఫిర్యాదు చేసినా పట్టించుకోని అధికారులు. నరక యాతన పడుతున్న అయ్యప్ప భక్తులు, ప్రయాణికులు. రైలును రేణిగుంట స్టేషన్‌లో ఆపేసిన ప్రయాణికులు.
  • మున్సిపల్‌ ఎన్నికలపై హైకోర్టులో కౌంటర్‌ దాఖలు చేసిన ప్రభుత్వం. పిటిషన్లన్నీ కొట్టివేయాలని సింగిల్‌ జడ్జిని కోరిన ప్రభుత్వం. పిటిషన్లపై ఇప్పటికే ధర్మాసనం విచారణ జరిపిందన్న ప్రభుత్వం. ప్రజా ప్రయోజన పిటిషన్లను ఇప్పటికే ధర్మాసనం కొట్టివేసిందన్న ప్రభుత్వం.
  • గుంటూరు: ఎస్పీ విజయరావుకు జనసేన ఫిర్యాదు. జనసేన కార్యకర్తలపై అక్రమ కేసులు పెడుతున్నారని ఫిర్యాదు. వాస్తవాలు పరిశీలించి న్యాయం చేయాలని విజ్ఞప్తి. ధర్మవరం ఘటనపై పూర్తి విచారణ చేపడతాం-ఎస్పీ విజయరావు. పోలీసులపై దాడి చేసిన వారిపైనే చర్యలు తీసుకుంటాం. అనవసర వివాదాలకు గ్రామస్తులు దూరంగా ఉండాలి-ఎస్పీ విజయరావు.
  • తూ.గో: అంతర్వేది బీచ్‌లో చోరీ. కారులో నుంచి బంగారు నగలు ఎత్తుకెళ్లిన దుండగులు. నగల విలువ రూ.3 లక్షలు ఉంటుందన్న బాధితులు. పీఎస్‌లో ఫిర్యాదు చేసిన బాధితుడు సూర్యనారాయణ.

‘దీదీ వర్సెస్ దాదా’గా మారనున్న బెంగాల్ రాజకీయాలు..?

Mamata Banerjee Vs Sourav Ganguly, ‘దీదీ వర్సెస్ దాదా’గా మారనున్న బెంగాల్ రాజకీయాలు..?

దేశమంతా కాషాయ జెండాను ఎగరేయాలని బీజేపీ నేతలు పక్కా ప్రణాళికలు వేస్తున్నారు. ఆ దిశగా ఇప్పటికే అడుగులు వేసిన వారు.. చాలా శాతం విజయం కూడా సాధించారు. ఇక బీజేపీ స్వాధీనం చేసుకోవాలనుకున్న రాష్ట్రాల్లో పశ్చిమ బెంగాల్ ఒకటి. ఒకప్పుడు కాంగ్రెస్, కమ్యూనిస్టుల కంచు కోటగా ఉన్న పశ్చిమ బెంగాల్‌లో ఇప్పుడిప్పుడే బీజేపీ పుంచుకుంటోంది. ఈ నేపథ్యంలో ఆ రాష్ట్రానికి చెందిన టీమిండియా మాజీ కెప్టెన్ గంగూలి బీజేపీ రంగంలోకి దింపినట్లు ఇటీవల వరుస పరిణామాలతో అర్థమవుతోంది.

అయితే దాదాను లైన్‌లో తీసుకొచ్చేందుకు బీజేపీ ఎప్పటినుంచో ప్రయత్నాలు చేస్తోంది. 2015లో గంగూలీ బీజేపీ మద్దతుతోనే పశ్చిమబెంగాల్ క్రికెట్ అసోషియేషన్ ప్రెసిడెంట్‌గా ఎన్నికయ్యారు. ఈ విషయంలో దివంగత మాజీ ఆర్థిక మంత్రి అరుణ్ జైట్లీ కీలక పాత్ర పోషించినట్లు టాక్ ఉంది. అప్పటి నుంచి ఆయన కాషాయ కండువాను కప్పుకోనున్నట్లు వార్తలు వచ్చాయి. ఈ క్రమంలో 2017లో గంగూలీ బీజేపీలో చేరుతున్నారని పెద్ద ఎత్తున ప్రచారం కూడా జరిగింది. దీనిపై చాలా రోజులు ఆయన సైలెంట్‌గా ఉంటూ రాగా.. ఆ తరువాత ఖండించారు. మరోవైపు గంగూలీ విషయంలో పశ్చిమ బెంగాల్ సీఎం మమతా బెనర్జీ కూడా యాక్షన్ ప్లాన్ చేస్తూ.. అతడితో మంచి సాన్నిహిత్యం కొనసాగిస్తూ వస్తోంది.

ఇదిలా ఉంటే ఇటీవల గంగూలీ బీసీసీఐ అధ్యక్షుడిగా ఎన్నికయ్యారు. అయితే ఈ ఎన్నికకు ముందు దాదా.. కేంద్ర హోం మంత్రి అమిత్ షాను కలిశారు. ఈ విషయాన్ని అమిత్ షా సైతం ధ్రువీకరించారు. తనను గంగూలీ కలవడం నిజమేనని.. కానీ ఈ భేటికి ఎలాంటి రాజకీయ ప్రాధాన్యత లేదని తెలిపారు. ఇది కేవలం స్నేహపూర్వకమైన సమావేశం మాత్రమేనని అమిత్ షా అన్నారు. ఈ నేపథ్యంలో పశ్చిమ బెంగాల్ అసెంబ్లీ ఎన్నికల్లో గంగూలీనే బీజేపీకి ఆ రాష్ట్రంలో నాయకత్వం వహిస్తారనే వార్తలు కూడా జోరుగా వినిపిస్తున్నాయి. బీసీసీఐ అధ్యక్షుడిగా గంగూలీ ఎన్నికైనప్పటికీ.. ఆ పదవి వచ్చే ఏడాది ముగియనుంది. ఇక 2021లో బెంగాల్‌లో అసెంబ్లీ ఎన్నికలు జరగబోతున్నాయి. ఆ లోపు గంగూలీకి బెంగాల్ బీజేపీ చీఫ్ బాధ్యతలు ఇచ్చి.. తరువాత సీఎం అభ్యర్థిగా ఎన్నికల బరిలో దింపాలని బీజేపీ అధిష్టానం ఆలోచిస్తున్నట్లు తెలుస్తోంది. ఒకవేళ ఇదే జరిగితే.. బెంగాల్‌ రాజకీయాలు దీదీ వర్సెస్ దాదాగా మారనున్నాయి.