‘రౌడీ’ హీరోయిన్కు ‘మహర్షి’తో లింక్.. ఎవరా బ్యూటీ?
టాలీవుడ్ సెన్సేషన్ విజయ్ దేవరకొండ వరుస సినిమాలకు గ్రీన్ సిగ్నల్ ఇస్తున్నాడు. ప్రస్తుతం తెలుగుతో పాటు మిగిలిన భాషల్లోనూ ఫోకస్ పెట్టిన విజయ్ దేవరకొండ తను నటిస్తున్న ‘డియర్ కామ్రేడ్’ సినిమాని నాలుగు భాషల్లో రిలీజ్ చేసేందుకు ఏర్పాట్లు చేస్తున్నాడు. ఇక రీసెంట్గా తమిళ దర్శకుడు ఆనంద్ అన్నామలై దర్శకత్వంలో ‘హీరో’ అనే చిత్రాన్ని విజయ్ దేవరకొండ చేయబోతున్నాడు. త్వరలోనే ఈ చిత్రం రెగ్యులర్ షూటింగ్కు వెళ్లబోతోంది. ఈ సినిమాలో హీరోయిన్గా తమిళ బ్యూటీ మాళవిక మోహనన్ […]
టాలీవుడ్ సెన్సేషన్ విజయ్ దేవరకొండ వరుస సినిమాలకు గ్రీన్ సిగ్నల్ ఇస్తున్నాడు. ప్రస్తుతం తెలుగుతో పాటు మిగిలిన భాషల్లోనూ ఫోకస్ పెట్టిన విజయ్ దేవరకొండ తను నటిస్తున్న ‘డియర్ కామ్రేడ్’ సినిమాని నాలుగు భాషల్లో రిలీజ్ చేసేందుకు ఏర్పాట్లు చేస్తున్నాడు. ఇక రీసెంట్గా తమిళ దర్శకుడు ఆనంద్ అన్నామలై దర్శకత్వంలో ‘హీరో’ అనే చిత్రాన్ని విజయ్ దేవరకొండ చేయబోతున్నాడు. త్వరలోనే ఈ చిత్రం రెగ్యులర్ షూటింగ్కు వెళ్లబోతోంది. ఈ సినిమాలో హీరోయిన్గా తమిళ బ్యూటీ మాళవిక మోహనన్ నటిస్తోంది.
తమిళంలో పలు చిత్రాల్లో నటించిన మాళవిక మోహనన్ తెలుగు ప్రేక్షకులకు రజినీకాంత్ ‘పేట’ సినిమాతో సుపరిచితమే. అయితే ఆమె స్ట్రెయిట్ తెలుగు డెబ్యూ మూవీ మాత్రం విజయ్ దేవరకొండ ‘హీరో’ అని చెప్పుకోవచ్చు. ఇది ఇలా ఉంటే మాళవిక తండ్రి మోహనన్ తమిళ, బాలీవుడ్ ఇండస్ట్రీల్లో ఎన్నో బడా చిత్రాలకు సినిమాటోగ్రాఫర్గా పని చేశాడు. ఆయన తొలిసారిగా తెలుగులో ‘మహర్షి’ సినిమాకి వర్క్ చేశాడు. ఇప్పుడు ఆయన కూతురు మాళవిక హీరోయిన్గా తెలుగు ప్రేక్షకులను పలకరించబోతోంది.
నటిగా తానేంటో నిరూపించుకున్న మాళవిక తండ్రి పేరును వాడుకోకుండా కెరీర్లో ఎదగాలని ప్రయత్నాలు చేస్తోంది. ‘పేట’ సినిమాలో సూపర్ స్టార్కు చెల్లి పాత్రలో నటించి మెప్పించిన మాళవిక ఇప్పుడు హీరోయిన్గా విజయ్ దేవరకొండ సరసన ఎలాంటి మెరుపులు మెరిపిస్తోందో చూడాలి. విజయ్ ఈ సినిమాలో బైక్ రేసర్గా కనిపిస్తుండగా..సినిమా మొదటి షెడ్యూల్ను ఢిల్లీలో ప్లాన్ చేస్తోంది చిత్ర యూనిట్.