Breaking News
  • చైనీస్ గేమింగ్ కేసుల్లో కొత్త కోణాలు . గేమింగ్ లో బెట్టింగ్ పెట్టి ప్రాణాలు కోల్పోయిన ఇద్దరు వ్యక్తులు . ఎస్ఆర్ నగర్ లో 6 లక్షలు , అదిలాబాద్ లో 15 లక్షలు పోగొట్టుకున్న యువకుడు సూసైడ్ . తాము కూడా లక్షలు పోగొట్టుకున్నామని సైబర్ క్రైమ్ కు క్యూ కడుతున్న బాధితులు . టెలిగ్రామ్ యాప్ లో గ్రూప్స్ ఫై సైబర్ క్రైమ్ పొలిసుల విచారణ . టెలిగ్రామ్ యాప్ లో గ్రూప్ ల ద్వారా వస్తున్న రిఫెరల్ కోడ్ , ప్రెడిక్షన్ ల ఫై కేసు నమోదు చేయనున్న సైబర్ క్రైమ్ పోలీసులు . చైనా దేశస్థుడు యాహువో, దిల్లీకి చెందిన ధీరజ్‌ సర్కార్‌, అంకిత్‌ కపూర్‌, నీరజ్‌ లను కస్టడీ తీసుకోనున్న పోలీసులు . బెట్టింగ్ యాప్ లో ద్వారా 110 కోట్లు వసూళ్లు . పెమా , మని ల్యాండరింగ్ జరిగినట్టు ప్రాధమిక అంచనా . కంపెనీ డైరెక్టర్ ల లావాదేవీ ల ఫై ఈడీ కి లేక రాయనున్న సీసీఎస్ పోలీసులు.
  • చెన్నై : ప్రముఖ నటి నిక్కీగల్రనికి కరోనా సోకినట్టు నిర్ధారణ . తెలుగు తమిళ్ మలయాళం లో పలు చిత్రాలలో నటించిన నటి నిక్కీగల్రని. తనకు వైద్యపరీక్షల అనంతరం కరోనా సోకినట్టు వైద్యులు నిర్ధారించారని , ప్రస్తుతం తన ఆరోగ్యం మెరుగ్గానే ఉందని తన ట్విట్టర్ లో వెల్లడి
  • తెలంగాణ పోలీస్ శాఖ లో కరోనా కలకలం . తెలగాణలో 4259 మంది పోలీసులకు కరోనా . ఎక్కువగా హైదరాబాద్ కమిషనరేట్ లిమిట్స్ లో 1946 మంది పోలీస్ ల కి కరోనా . తెలంగాణ వ్యాప్తం గా కరోనా తో 39 మంది పోలీసులు మృతి . హైద్రాబాద్ కమీషనరేట్ లిమిట్స్ లో 26 మంది మృతి . పోలీస్ కరోనా కేసుల్లో హైద్రాబాద్ తర్వాత వరంగల్ , రాజన్న సిరిసిల్ల , నల్గొండ లో పోలిసులకు ఎక్కువ కరోనా కేసులు.
  • అమీన్పూర్ అనాధ ఆశ్రమంలో.. మైనర్ బాలిక అత్యాచారం ఘటనలో కొత్త కోణం. ఆలస్యంగా వెలుగులోకి మారుతీ అనాధ ఆశ్రమ ఆగడాలు. మరోమైనర్ బాలికపై సైతం నిందితుడు వేనుగోపాల్ లైంగికదాడి. కుటుంబ సభ్యులు నిలదీయడంతో నిర్వాకుల బెదిరింపులు. ఆలస్యంగా వెలుగులోకి మారుతీ అనాధ ఆశ్రమ ఆగడాలు. సంగారెడ్డి చైల్డ్ వెల్ఫేర్ సభ్యురాలితో నిందితులకు సన్నిహిత సంభందాలు. జిల్లా చెల్డ్ వెలిఫేర్ కమిటీ సభ్యురాలి సహకారంతో అక్రమాలు. లాక్డౌన్ సమయంలో రెస్కూచేసిన మైనర్లను ఇక్కడికే పంపాలనీ సిబ్బందిపై ఒత్తిడి. కమిటీ సమావేశాలకు సైతం నేరూగా హాజరైన నిందితుడు వేణుగోపాల్. హైపవర్ కమిటీ విచారణలో వెలుగులోకి వస్తున్న మారుతీ అనాధ ఆశ్రమం ఆగడాలు. అనాధ ఆశ్రమంలోని 70మందిని విచారించనున్న అధికారులు. రాష్ట్రం లోని ఇతర అనాధ ఆశ్రమలాల్లో సైతం తనిఖీలకు అధికారుల ఆదేశం. రాష్ట్ర వ్యాప్తంగా 400ఆశ్రమాలు,19వేల మంది అనాధలు.
  • టాలీవుడ్ లో మరో పొలిటికల్ డ్రామా ఫిల్మ్ రూపొందుతోంది. నారా చంద్రబాబు నాయుడు, వై ఎస్ రాజశేఖర్ రెడ్డి ల స్నేహాన్ని, రాజకీయ శతృత్వాన్ని తెరకెక్కిస్తున్నారు. "ఇంద్రప్రస్థం" పేరుతో తెరకెక్కుతున్న ఈ సినిమా కు దర్శకుడు దేవా కట్టా. రీసెంట్ గా కథా చౌర్యం వివాదంలో పడిన ఈ కథ ఇప్పుడు టాక్ ఆప్ ద టాలీవుడ్.
  • మర్డర్ సినిమా విడుదల నిలిపివేయాలని అమృత వేసిన పిటిషన్ పై ఇవాళ నల్గొండ SC, ST కోర్టులో విచారణ.
  • స్వర్ణ ప్యాలెస్ అగ్నిప్రమాదం పై విచారణ వేగవంతం చేసిన పోలీసులు. స్వర్ణ ప్యాలెస్ ఘటనలో అరెస్ట్ అయిన ముగ్గురు నిందితులను కస్టడీ కి కోరుతు కోర్టు లో పిటిషన్ దాఖలు చేసిన పోలీసులు. ముగ్గురు నుండి మరికొన్ని విషయాలు సేకరించేందుకు వారం రోజుల పాటు కస్టడీ కి ఇవ్వాలని విజయవాడ 3rd ఏసిఎమ్ఎమ్ కోర్టు లో పిటిషన్ దాఖలు చేసిన పోలీసులు. కౌంటర్ పిటిషన్ దాఖలు చేయనున్న నిందితుల తరుపున న్యాయవాది.

‘సరిలేరు నీకెవ్వరు’ మూవీ రివ్యూ

Sarileru Neekevvaru Review, ‘సరిలేరు నీకెవ్వరు’ మూవీ  రివ్యూ

సినిమా: సరిలేరు నీకెవ్వరు
నిర్మాణ సంస్థలు: ఏకే ఎంటర్‌టైన్‌మెంట్స్, శ్రీ వెంకటేశ్వర క్రియేషన్స్, జి.మహేష్‌బాబు ఎంటర్‌టైన్‌మెంట్ ప్రైవేట్‌ లిమిటెడ్‌
రచన – దర్శకత్వం: అనిల్‌ రావిపూడి
నిర్మాతలు: అనిల్‌ సుంకర, దిల్‌ రాజు, మహేష్‌ బాబు
సంగీతం: దేవిశ్రీ ప్రసాద్‌
కెమెరా: రత్నవేలు
ఎడిటింగ్‌: తమ్మిరాజు
తారాగణం: మహేష్ బాబు, రష్మిక మందన్న, విజయశాంతి, ప్రకాష్‌ రాజ్‌, రాజేంద్రప్రసాద్‌, రావు రమేష్‌, పోసాని కృష్ణమురళి, వెన్నెల కిశోర్‌, సత్యదేవ్‌, అజయ్‌, సుబ్బరాజు, నరేష్‌, రఘుబాబు, సత్యం రాజేష్‌, బండ్ల గణేష్‌, సంగీత, హరితేజ, తమన్నా తదితరులు
విడుదల: 11.01.2020

మహేష్ బాబు, అనిల్‌ రావిపూడి కాంబినేషన్‌లో వచ్చిన ఫస్ట్ మూవీ సరిలేరు నీకెవ్వరు. దాదాపు 13 ఏళ్ల తర్వాత మెడికల్‌ ప్రొఫెసర్‌ భారతి కేరక్టర్‌తో విజయశాంతి రీ ఎంట్రీ ఇస్తున్నారు. ఆమెతో పాటు సంగీత, బండ్ల గణేష్‌కి కూడా ఇది రీ ఎంట్రీ చిత్రమే. సరిలేరు నీకెవ్వరూ అనే థీమ్‌తో ఇప్పటికే మహేష్‌ మిలిటరీ యూనిఫార్మ్ బాగా పాపులర్‌ అయింది. వినోదానికి పెద్ద పీట వేసే అనిల్‌ రావిపూడి మార్క్ ఈ సినిమాలోనూ ఉంటుందా? బాధ్యతగా ఉండాలని చెప్పే మహేష్‌ ఈ సినిమాలో తీసుకున్న బాధ్యత ఏంటి? ఆలస్యం ఎందుకు..? చదివేయండి.

Sarileru Neekevvaru Review, ‘సరిలేరు నీకెవ్వరు’ మూవీ  రివ్యూ

కథ
మేజర్‌ అజయ్‌ (మహేష్‌బాబు) కాశ్మీర్‌లో ఉంటాడు. అతనున్న క్యాంప్‌కి ఇంకో అజయ్‌ (సత్యదేవ్‌) కూడా వస్తాడు. వారిద్దరూ చిన్న పిల్లలను కాపాడే మిషన్‌లో కలిసి పనిచేస్తారు. శత్రువు రెచ్చగొట్టే మాటలకు కొత్తగా వచ్చిన అజయ్‌ రియాక్ట్ అవుతాడు. దాని కారణంగా జరిగిన ప్రమాదంలో ప్రాణాపాయస్థితికి చేరుకుంటాడు. అతని సోదరి వివాహం కుదిరిందన్న విషయం క్యాంప్‌ ఆఫీసర్‌ (మురళీశర్మ)కు అప్పటికే తెలుసు. అందుకే అతని స్థానంలో మేజర్‌ అజయ్‌ని , అతని ఇంటికి వెళ్లమని రిక్వెస్ట్ చేస్తాడు. అందుకు ఒప్పుకున్న మేజర్‌ అజయ్‌, మరో కొలీగ్‌ ప్రసాద్‌ (రాజేంద్రప్రసాద్‌)తో కలిసి కర్నూలు వెళ్తాడు. అక్కడ తన కొలీగ్‌ అజయ్‌ తల్లి ప్రొఫెసర్‌ భారతి (విజయశాంతి) సమస్యల్లో ఉన్న విషయాన్ని తెలుసుకుంటాడు. ఆమె కోసం మినిస్టర్‌ (ప్రకాష్‌రాజ్‌)ను కలుస్తాడు. ఇంతకీ భారతికి వచ్చిన సమస్య ఏంటి? దాన్ని మేజర్‌ అజయ్‌ ఎలా తీర్చాడు? అతనికి సంస్కృతి (రష్మిక) కుటుంబం ఎలా పరిచయమైంది? రైల్లో వాళ్ల వల్ల మేజర్‌ అజయ్‌కి ఏర్పడిన ప్రమాదం ఏంటి? క్రైమ్‌ బ్రాంచ్‌ కోటి ఎవరు? అతని వల్ల మేజర్‌ అజయ్‌కి ఉపయోగం జరిగిందా? లేదా? వంటివన్నీ తెలియాలంటే సినిమా చూడాల్సిందే.

ప్లస్‌ పాయింట్లు
– నటీనటుల నటన
– డైలాగులు
– దేవిశ్రీ ప్రసాద్‌ సంగీతం
– సెట్స్, లొకేషన్లు
– కెమెరా పనితనం

మైనస్‌ పాయింట్లు
– కథలో కొత్తదనం లేదు
– విలనిజం బలంగా లేదు
– స్క్రీన్‌ ప్లే

సమీక్ష
మహేష్‌ స్టైల్‌లో అనిల్‌ రావిపూడి సినిమా ఉంటుందా? అనిల్‌ మార్క్ కామెడీ, మేనరిజమ్స్ తో మహేష్‌ మింగిల్‌ అవుతారా? సరిలేరు నీకెవ్వరు ప్రీ రిలీజ్‌ వరకు ఫ్యాన్స్ మధ్య జరిగిన మేజర్‌ డిస్కషన్‌ ఇది. సినిమా చూసిన తర్వాత మాత్రం ఇద్దరి శైలీ కలిసింది అనే మాట అందరి నోటా వినిపిస్తోంది. ఎండనకా, వాననకా బార్డర్‌లో కాపలా కాసే మిలిటరీ వ్యక్తికి, సమాజంలో సాటి మానవుడు బాధ్యతగా ఉండకపోతే చిరాకు వస్తుంది. ఆ కాన్సెప్ట్ ని బేస్‌ చేసుకుని హీరో కేరక్టరైజేషన్‌ని రాసుకున్నారు అనిల్‌. నచ్చిన విషయాన్ని అమాయకంగా బయటపెట్టే కేరక్టర్లో హీరోయిన్‌…. ఆమె ఇష్టాయిష్టాల్ని గౌరవించే తల్లిగా సంగీత, సోదరిగా హరితేజ, సమాజాన్ని ఒడిసిపట్టేసినట్టు మాట్లాడే తండ్రిగా రావు రమేష్‌ నటించారు. బార్డర్‌లో ఉన్నా భయభక్తులతో మెలిగే వ్యక్తిగా రాజేంద్రప్రసాద్‌ మెప్పించారు. అక్రమార్జన చేసే మినిస్టర్‌ తరహా పాత్ర ప్రకాష్‌రాజ్‌కి కొత్తేమీ కాదు.
13 ఏళ్ల తర్వాత మళ్లీ మేకప్‌ వేసుకుని ఈ చిత్రానికి సైన్‌ చేశారు విజయశాంతి. మెడికల్‌ కాలేజీ ప్రొఫెసర్‌ భారతిగా, ముగ్గురి పిల్లల తల్లి పాత్రలో ఒదిగిపోయారు. ఇద్దరు కొడుకులను మిలిటరీకి పంపించిన గట్టి గుండె ఉన్న మహిళగా కనిపించారు. కన్న కొడుకు చనిపోయినప్పుడు కంటతడి పెట్టి, అతని త్యాగాన్ని తక్కువ చేయలేనని దృఢంగా చెప్పే తల్లి కేరక్టర్‌ ఆమెది. ఆద్యంతం ఎమోషన్‌ పండించారు. విజయశాంతి కోడలిగా కౌముది తన పరిధిమేర చక్కగా నటించారు. క్రైమ్‌ బ్రాంచ్‌ కోటిగా అజయ్‌, అతని అసిస్టెంట్‌గా కిశోర్‌ సినిమాలో ఫన్‌ ఎలిమెంట్స్ ఎలివేషన్‌కి పనికొచ్చారు. అలాగే ఫస్టాఫ్‌లో పోసాని కృష్ణమురళి, బ్రహ్మాజీ పాత్రలు కూడా అనిల్‌ శైలిని రిఫ్లెక్ట్ చేశాయి. బండ్ల గణేష్ ట్రయిన్‌ ఎపిసోడ్‌లో కనిపించింది కాసేపే అయినా, నవ్వించారు.
మియావ్‌ మియావ్‌ పిల్లి.. మిల్క్ బోయ్‌తో పెళ్లి, కొక్కొరొకో కొక్కొరొకో కోడీ… నీకూ నాకూ జోడీ వంటి రైమింగ్‌ లైన్స్ కూడా బావున్నాయి. నెవర్‌ బిఫోర్‌ నెవర్‌ ఆఫ్టర్‌ మేనరిజమ్‌ కూడా జనాల్లో బాగానే క్లిక్‌ అయింది. 14 ఏళ్లకే పెళ్లిచేసి… అని సంగీత పదే పదే చెప్పే డైలాగులో హాస్యం, విమర్శ రెండూ ఉన్నాయి. సొసైటీలో ఇప్పుడిప్పుడే కాస్త ఫోకస్‌ అవుతున్న మ్యారిటల్‌ రేప్‌ గురించి చూచాయగా చెప్పిన డైలాగ్‌ అది. దానికి తోడు భర్తలు నచ్చకపోయినా భార్యలు గుట్టుగా కాపురాలు చేసుకుంటున్నారనే డైలాగ్‌ రావు రమేష్‌ నోట వినిపిస్తుంది. ఆ డైలాగ్‌ కూడా మన సమాజాన్ని రిఫ్లెక్ట్ చేసేదే. ఫన్నీగా కొన్ని డైలాగులు ఉన్నప్పటికీ హీరో సీరియస్‌గా చెప్పే కొన్ని డైలాగులు ఇంకా బావున్నాయి. ‘నాకు మీ అమ్మన్నా గౌరవమేరా’, ‘నీ గడప పాకిస్తాన్‌ బార్డరా’, బేరాల్లేవమ్మా’, ‘గాయం విలువ తెలిసిన వాడే సాయం చేస్తాడు…’ వంటి డైలాగులకు థియేటర్లో క్లాప్స్ పడుతున్నాయి. పాటలకు మహేష్‌ వేసిన స్టెప్పులు కూడా బావున్నాయి.
కృష్ణ, మహేష్‌ చేసిన అల్లూరి సీతారామరాజు గెటప్పులను దర్శకుడు బాగానే వాడుకున్నాడు. కొండారెడ్డి బురుజు, విజయశాంతి ఇల్లు, ప్రకాష్‌ రాజ్‌ ఇల్లు సెట్స్ అంటే నమ్మబుద్ధి కాదు. అంత నేచురల్‌గా అనిపించాయి. దేవిశ్రీ ప్రసాద్‌ పాటలు, నేపథ్య సంగీతం కూడా సినిమాకు హైలైట్‌. రత్నవేలు కెమెరా పనితనం, లొకేషన్లు బావున్నాయి. తమన్నా సాంగ్‌ స్పెషల్‌ ట్రీటే.
అయితే, సినిమాలో నెక్స్ట్ ఏం జరగబోతుందనే విషయం ప్రేక్షకుడు సులువుగా పసిగట్టేలా ఉంది. కెమెరా, మ్యూజిక్‌, డైలాగ్స్… అంటూ ఇన్నిటి మీద ఫోకస్‌ చేసిన అనిల్‌ స్క్రీన్‌ ప్లే విషయంలో ఇంకాస్త ఫోకస్‌ చేయాల్సింది. విలనిజాన్ని మరింత బలంగా చూపించాల్సింది. ప్రతినాయకుడి బలాన్ని బట్టి, నాయకుడి బలాన్ని అంచనా వేయడం తెలుగు ఆడియన్స్ కి అలవాటు. ఆ విషయాన్ని మరికాస్త పట్టించుకుని ఉంటే బావుండేది.
ఫైనల్‌గా… సరిలేరు… పండగ సందడే!
– డా. చల్లా భాగ్యలక్ష్మి

Related Tags