#SSMB27: మహేష్ ‘సర్కారు వారి పాట’.. లుక్ అదిరిపోయిందిగా..!
తన తండ్రి కృష్ణ పుట్టినరోజు సందర్భంగా అభిమానులకు అదిరిపోయే గిఫ్ట్‌ని ఇచ్చారు సూపర్‌స్టార్ మహేష్ బాబు. తన తదుపరి చిత్ర టైటిల్‌ని ప్రకటించడంతో పాటు లుక్‌ని కూడా విడుదల చేశారు.
తన తండ్రి కృష్ణ పుట్టినరోజు సందర్భంగా అభిమానులకు అదిరిపోయే గిఫ్ట్‌ని ఇచ్చారు సూపర్‌స్టార్ మహేష్ బాబు. తన తదుపరి చిత్ర టైటిల్‌ని ప్రకటించడంతో పాటు లుక్‌ని కూడా విడుదల చేశారు. గీత గోవిందం ఫేమ్ పరుశురామ్ దర్శకత్వంలో మహేష్ నెక్ట్స్‌ సినిమాలో నటించబోతుండగా.. ఈ సినిమాకు సర్కారు వారి పాట అనే టైటిల్‌ని ఫిక్స్ చేశారు. ఇక లుక్‌లో కూడా సూపర్‌స్టార్ అదరగొట్టేశారు. ఒక చెవికి రింగు, మెడపైన రూపాయి బిళ్ల టాటూతో మహేష్ కేక పెట్టిస్తున్నారు. లుక్‌ని చూసిన ఫ్యాన్స్ సూపర్, మరో బ్లాక్‌బస్టర్ పక్కా అంటూ కామెంట్లు పెడుతున్నారు. ఈ క్రమంలో SSMB27, సర్కారు వారి పాట(SarkaruVaariPaata) హ్యాష్‌ట్యాగ్‌లు ట్విట్టర్‌లో ట్రెండ్ అవుతున్నాయి. పొలిటికల్ థ్రిల్లర్ కథాంశంతో ఈ సినిమా తెరకెక్కబోతున్నట్లు తెలుస్తోంది. ఈ మూవీని మైత్రీ మూవీ మేకర్స్, 14 రీల్స్ ఎంటర్టైన్మెంట్, మహేష్ బాబు సంయుక్తంగా నిర్మిస్తున్నారు. థమన్ ఈ చిత్రానికి సంగీతం అందించబోతున్నారు. త్వరలోనే ఈ సినిమా పూజా కార్యక్రమాలను పూర్తి చేసుకోనున్నట్లు సమాచారం.
Read This Story Also: రానా Weds మిహీకా.. డేట్ ఫిక్స్..!
Here it is!!! #SarkaruVaariPaata??? Blockbuster start for another hattrick???@ParasuramPetla @GMBents @MythriOfficial @14ReelsPlus @MusicThaman pic.twitter.com/5JOCnPXjpC
— Mahesh Babu (@urstrulyMahesh) May 31, 2020
