Breaking News
  • దేశంలో కొనసాగుతున్న కరోనా విజృంభన గడచిన 24 గంటల్లో అత్యధికంగా 24, 879 పాజిటివ్ కేసులు నమోదు కాగా 487 మంది మృతి. దేశంలో కరోన బాధితుల సంఖ్య 7, 67, 296 చేరినట్లు ప్రకటించిన కేంద్ర ఆరోగ్య శాఖ. 2, 69, 789 మందికి కొనసాగుతున్న చికిత్స. కరోన నుండి ఇప్పటి వరకు కోలుకున్న 4, 76, 378 మంది బాధితులు. కోవిడ్-19వైరస్ సోకి ఇప్పటివరకు 21, 129 మంది మృతి.
  • విజయవాడ: ఈ నెల 20 నుంచి ప్రథమ్ మొబైల్ యాప్ ద్వారా ఆర్టీసీ బస్సుల్లో టికెట్లు జారీ. నగదు రహిత లావాదేవీల ద్వారా టికెట్లు జారీ ని ప్రారంబించాలని ఆర్టీసీ నిర్ణయం. తొలుత ప్రయోగాత్మకంగా 19 డిపోల పరిధిలో మొబైల్ యాప్ ద్వారా టికెట్ల జారీ చేయాలని ఎండీ నిర్ణయం.
  • టీవీ9 తో కోవిడ్ 19 కమాండ్ కంట్రోల్ స్పెషలాఫీసర్ డాక్టర్ ప్రభాకర్ రెడ్డి. గాలిలో కరోనా వైరస్ వ్యాపించదు. భౌతిక దూరం పాటిస్తే సరిపోతుంది. దగ్గినప్పుడు తుమ్మినప్పుడు తుంపర్లు మీద పడకుండా ఉండే దూరంలో ఉంటే సరిపోతుంది. వైరస్ సోకిన వాళ్ళు వెంటనే ఆసుపత్రికి రావాలి. సీరియస్ అయినప్పుడు వస్తే రికవరీ కావడం కష్టం అందుకే డెత్ డేట్ స్వల్పంగా పెరిగింది. వైరస్ వచ్చిన వాళ్లకు ముఖ్యమంత్రి హోమ్ ఐసోలేషన్ సౌకర్యం కల్పించారు. 55 సంవత్సరాల వయసు పైబడిన డాక్టర్లు ఎవ్వరు డ్యూటీకి రావడం లేదు. టెలిమెడిసిన్ సౌకర్యానికి వారందరినీ ఉపయోగించుకుంటాం. ఇతర రాష్ట్ర ప్రభుత్వాలు అమలు చేస్తున్న ఫీజులను ఏపీలో కూడా ఆరోగ్య శ్రీ నెట్ వర్క్ ఆసుపత్రులకు ఇచ్చేలా ముఖ్యమంత్రి ఆదేశించారు.
  • పెరుగుతున్న కరోనాకేసుల్తో మార్కెట్లలో బెంబేలు . ఈనెల 12వ తేదీ నుండి కొత్తపేట్ గడ్డి అన్నారం పండ్ల మార్కెట్ ను మూసివేత నిర్ణయం. మళ్లీ ప్రకటించే వరకూ రైతులు ఎవరు మార్కెట్ రావద్దని ప్రకటన. వేల సంఖ్యలో రైతులతో కిటకిట లాడే మార్కెట్లో నిబంధనలు పాటించడంలేదంటూ ఆందోళన. కోవిడ్ నిబంధనలు పాటించకపోవడంతో మూసివేత నిర్ణయం తీసుకున్న కమిటి. ప్రతి రోజు 5వందల నుంచి వేయి టన్నుల పండ్ల అమ్మకాలు . 250 మంది వ్యాపారులు...3వందల మంది హమాలీలతో ఉన్న గడ్డి అన్నారం మార్కెట్.
  • నిమ్స్ లోని నెఫ్రాలజీ లో డయాలసిస్ పేషెంట్స్ ఆందోళన. డయాలసిస్ చేయడం లేదంటూ నిమ్స్ వద్ద నిరసన . డయాలసిస్ కోసం పేర్లు కూడా రిజిస్టర్ చేసుకోవడం లేదు అంటూ ఆందోళన . గంటలు తరబడి లైన్లో నిలుచున్నా పట్టించుకునే వారు లేరంటూ ఆవేదన . వారానికి నాలుగు సార్లు చేయవలసిన డయాలసిస్ మూడు సార్లే చేస్తున్నారు. 4 గంటలు నిర్వహించాల్సిన డయాలసీస్ 3 గంటలే చేస్తున్నారంటున్న పేషంట్లు . సకాలంలో డయాలసీస్ చేయకపోతే ప్రాణాలు పోతాయంటూ ఆందోళన.
  • విశాఖ: కేజీహెచ్ వైరాలజీ ల్యాబ్ లో కరోనా కలకలం. టెస్ట్ లు నిర్బహించే ముగ్గురు టెక్నీషియన్లకు కరోనా పాజిటివ్. ల్యాబ్ లో సేవలందించే 20 మందికి పరీక్షలు.. అందరికీ నెగెటి. వైరాలజీ ల్యాబ్ లో సేవలు తాత్కాలికంగా నిలిపివేత.. ల్యాబ్ లో శానిటైజ్ చేస్తున్న జీవీఎంసీ సిబ్బంది. ప్రత్యామ్నాయంగా కేజీహెచ్ లోని నాకో ల్యాబ్ ను వినియోగిస్తున్న వైద్య సిబ్బంది.

కరోనాను జయించిన 36 రోజుల పసికందు..

Maharastra 36 Days Baby, కరోనాను జయించిన 36 రోజుల పసికందు..

దేశంలో కరోనా వైరస్ తీవ్రత తగ్గట్లేదు. రోజురోజుకూ పాజిటివ్ కేసులు, మరణాల సంఖ్య పెరుగుతూనే ఉంది. ప్రస్తుతం వైరస్ ను కట్టడి చేసేందుకు శాస్త్రవేత్తలు విరుగుడు కనిపెట్టే పనిలో పడ్డారు. ఈ వైరస్ బారిన పడకుండా ఉండేందుకు కేంద్రం, రాష్ట్ర ప్రభుత్వాలు వృద్దులు, పిల్లలు ఇంటికే పరిమితి కావాలని విజ్ఞప్తి చేస్తున్నాయి. వీరిలో రోగ నిరోధక శక్తి తక్కువగా ఉంటుందని కాబట్టి.. వీరే ఎక్కువగా వైరస్ బారిన పడతారని.. వైద్యులు ఈ మేరకు సలహా ఇచ్చారు. ఇదిలా ఉంటే మహారాష్ట్రలో 36 రోజుల పసికందు కరోనాను జయించి సంపూర్ణ ఆరోగ్యంతో తల్లి చెంతకు చేరింది. ఈ ఘటన ముంబైలో చోటు చేసుకుంది.

వివరాల్లోకి వెళ్తే.. ముంబైలో 36 రోజుల బాలుడికి కరోనా సోకగా.. తల్లిదండ్రులు ఆ బాబును సియాన్ పిల్లల ఆసుపత్రిలో చేరిపించారు. అక్కడి వైద్యులు కోవిడ్ 19 నిబంధనల ప్రకారం చిన్నారికి ప్రత్యేకంగా చికిత్స అందించి కంటికి రెప్పలా చూసుకున్నారు. దాదాపు 15 రోజుల పాటు చికిత్స అనంతరం ఆ బాలుడికి కరోనా పరీక్షలు నిర్వహించగా.. నెగటివ్ రిపోర్టు వచ్చింది. పూర్తిగా కోలుకున్న తర్వాత..ఆసుపత్రి నుంచి చిన్నారిని వైద్యులు డిశ్చార్జ్ చేశారు. కాగా, బాలుడు కరోనాను జయించడంతో అందరూ సంతోషం వ్యక్తం చేశారు. తల్లి బాలుడిని ఎత్తుకుని ఆసుపత్రికి బయటకు వస్తున్న వీడియోను మహారాష్ట్ర సీఎంఓ ట్విట్టర్ ఖాతాలో పోస్ట్ చేశారు.

Related Tags