Breaking News
  • రైతు వేదికల ప్రారంభానికి ముహూర్తం ఖరారు. జనగామ జిల్లా కొడకండ్ల మండల కేంద్రంలో ఈ నెల 31న మద్యాహ్నం 12.30 గంటలకు ప్రారంభించనున్న ముఖ్యమంత్రి కె.చంద్రశేఖర్ రావు. రైతు వేదిక సమీపంలోని పల్లె ప్రకృతి వనాన్ని సందర్శించనున్న సిఎం. రైతులు, ప్రజలను ఉద్దేశించి మాట్లాడనున్న ముఖ్యమంత్రి. ప్రభుత్వం రైతు వేదికల నిర్మాణాన్ని చేపట్టిన ఉద్దేశాన్ని, రైతు వేదికల ఆవశ్యకతను, వాటి ద్వారా జరిగే కార్యకలాపాలను వివరించనున్న ముఖ్యమంత్రి. ఉమ్మడి వరంగల్ జిల్లాకు చెందిన రైతుబంధు జిల్లా, మండల, గ్రామ కమిటీలను ఈ సమావేశానికి ఆహ్వానం. పాల్గొననున్న వ్యవసాయ శాఖ మంత్రి ఎస్.నిరంజన్ రెడ్డి, ఉమ్మడి వరంగల్ జిల్లాకు చెందిన మంత్రులు ఎర్రబెల్లి దయాకర్ రావు, సత్యవతి రాథోడ్, రైతుబంధు రాష్ట్ర అధ్యక్షుడు పల్లా రాజేశ్వర్ రెడ్డి, ఉమ్మడి వరంగల్ జిల్లాకు చెందిన ఎంపిలు, ఎమ్మెల్యేలు, ఎమ్మెల్సీలు.
  • విశాఖ గ్యాస్ లీకేజీ ఘటనపై సుప్రీంకోర్టులో విచారణ. ఎల్జీ పాలిమర్స్ దాఖలు చేసిన పిటిషన్ ను విచారించిన జస్టిస్ యూయూ లలిత్ ధర్మాసనం. ఎల్జీ పాలిమర్స్ తరపున వాదనలు వినిపించిన సీనియర్ న్యాయవాది ముకుల్ రోహత్గి. ఎన్జీటీ లో కేసు విచారణ నవంబర్ 3న ఉందని కోర్టుకు తెలిపిన ముకుల్ రోహత్గి. ఎన్జీటీలో కమిటీ నివేదికపై పది రోజుల్లో అభ్యంతరాలను సమర్పించాలన్న సుప్రీంకోర్టు. సుప్రీం కోర్టు తదుపరి ఆదేశాల వరకు కేసు ఎన్జీటీలో విచారణను వాయిదా వేయాలని సూచించిన సుప్రీంకోర్టు. తదుపరి విచారణ నవంబర్ 16 వాయిదా.
  • శాసన మండలి : ఎమ్మెల్సీ గా ప్రమాణస్వీకారం కల్వకుంట్ల కవిత. శాసన మండలి చైర్మన్ కార్యాలయంలో ప్రమాణస్వీకారం చేసిన కవిత. హాజరయిన మండలి చైర్మన్ గుత్తా సుఖేందర్ రెడ్డి, మంత్రులు ప్రశాంత్ రెడ్డి,సత్యవతి రాథోడ్,ఎమ్మెల్యేలు, ఎమ్మెల్సీ లు. ఎమ్మెల్సీ ఎన్నికల్లో ఓటు వేసిన స్థానిక సంస్థల ప్రతినిధులతో కవిత మర్యాదపూర్వక భేటీ.
  • చెన్నై: నటుడు రజినీకాంత్ ఆరోగ్యం ఫై, పార్టీ ఫై వస్తున్న ప్రచారాలపై ప్రకటన విడుదల చేసిన రజినీకాంత్ . నా ఆరోగ్యం ఫై సోషల్ మీడియా లో జరుగుతున్న వివాదం లో నిజం లేదు. నేను డాక్టర్లను కలిసిన మాట నిజమే . నా ప్రస్తుత ఆరోగ్యం ఫై వారి సలహాలు , సూచనలు తీసుకున్నాను . ఇప్పుడు రాజకీయాలు వద్దని , నా ఆరోగ్యం నిలకడగా ఉండాలంటే రాజకీయాలకు దూరంగా ఉండాలని వైద్యులు సూచించారని వస్తున్న వార్తలపై త్వరలోనే వివరణ ఇస్తాను. నేను పార్టీ పెట్టడం ఫై , నా రాజకీయ ఆలోచనల గురించి నా అభిమానులకు నేను పూర్తి వివరాలు త్వరలో వెల్లడిస్తాను.
  • అమరావతి: విశాఖ గీతం యూనివర్సిటీ అక్రమ కట్టడాల కూల్చివేతపై అప్పీల్ కు వెళ్లిన గీతం యాజమాన్యం. దీనిపై హైకోర్టులో దాఖలైన పిటీషన్ విచారించిన హైకోర్టు. వచ్చే సోమవారం రెగ్యులర్ కోర్టులో విచారణకి వాయిదా వేసిన న్యాయస్థానం. అప్పటి వరకు మధ్యంతర ఉత్తర్వులు కొనసాగుతాయన్న హైకోర్టు.
  • బిగ్ బాస్‌ హోస్ట్ చేయటంపై సమంత కామెంట్‌. నాగార్జున కోరితేనే షో చేశానంటూ సోషల్ మీడియాలో పోస్ట్ చేసిన సామ్‌. 'గతంలో ఒక్క బిగ్‌ బాస్‌ ఎపిసోడ్ కూడా చూడలేదు. యాంకరింగ్ చేసిన అనుభవం కూడా లేదు. తెలుగు సరిగా మాట్లాడగలనో లేదో. అందుకే మామగారు బిగ్‌ బాస్‌ హోస్ట్ చేయమన్నప్పుడు భయపడ్డాను. అవన్నీ పక్కన పెట్టి నన్ను నమ్మి నాకు ఈ బాధ్యత అప్పగించినందుకు థ్యాంక్యూ మామ. ఎపిసోడ్ టెలికాస్ట్ తరువాత నాకు అందుతున్న ప్రేమకు మీ అందరికీ కూడా థ్యాంక్స్‌'.
  • టిఎస్ ఎంసెట్లో 45 శాతం మార్కుల నిబంధన తొలగిస్తూ రాష్ట్ర ప్రభుత్వం ఉత్తర్వులు. TSEAMCET-2020 లో అర్హత సాధించిన విద్యార్థులను TS EAMCET (అడ్మిషన్స్) -2020 కౌన్సెలింగ్ కు హాజరుకావడానికి అనుమతి. 10 + 2 ఉత్తీర్ణత సాధించిన విద్యార్థులకు TS EAMCET-2020 లో అడ్డంకిగా మారిన 45 శాతం మార్కుల నిబంధన. ఈ నిబంధన 2020- 21 విద్యా సంవత్సరానికి మాత్రమే వర్తింపు. భవిష్యత్తులో 2021-22 సంవత్సరానికి ఈ నిబంధన వర్తించదు. శ్రీమతి చిత్రా రామచంద్రన్, స్పెషల్ చీఫ్ సెక్రటరీ, ఎడ్యుకేషన్.

బాసర వద్ద ఎరుపెక్కిన గోదావరి?

తెలంగాణలో పవిత్ర గోదావరి కలుషితమవుతోంది. దక్షిణ గంగా కాలకూట విషంగా మారుతోంది. నది స్వచ్ఛతను కాపాడాల్సింది పోయి అందులోకి కాలకూటాన్ని వదులుతున్నారు.

Maharashtra’s liquor firm waste chokes Godavari, బాసర వద్ద ఎరుపెక్కిన గోదావరి?

తెలంగాణలో పవిత్ర గోదావరి కలుషితమవుతోంది. దక్షిణ గంగా కాలకూట విషంగా మారుతోంది. నది స్వచ్ఛతను కాపాడాల్సింది పోయి అందులోకి కాలకూటాన్ని వదులుతున్నారు. వరద నీటితో పాటు ఎగువనున్న ఫ్యాక్టరీల నుంచి వచ్చే వ్యర్థాలను సైతం గోదావరిలోకి వదలటంతో బాసర వద్ద గోదావరి జలాలు పూర్తిగా కలుషితమై..రంగుమారి దర్శనమిస్తోంది.

నిర్మల్ జిల్లాలో గోదావరిలో కలుస్తున్న విషజలాలతో రంగు మారి ప్రమాదకరంగా కనిపిస్తోంది. తాజాగా గోదావరి నదిలో బాసర వద్ద మహారాష్ట్రలోని ఓ ఆల్కాహల్ ఫ్యాక్టరీ నుండి కలుస్తున్న విష జలాలతో నది నీరు ఎర్రగా మారి ప్రమాదకరంగా కనిపిస్తోంది. బాసర సరిహద్దు ప్రాంతమైన ధర్మాబాద్ నుండి గోదావరిలోకి ఆల్కాహల్ ఫ్యాక్టరీ నుండి విడుదలవుతున్న జలాలు కలవడంతోనే రంగుమారి ఉంటుందని స్థానికులు ఆరోపిస్తున్నారు. ఓ వైపు బాసర శరన్నవరాత్రి ఉత్సవాలు ప్రారంభం అవడం అదే సమయంలో బాసర చెంత గోదావరి ఎరుపెక్కి కనిపిస్తుండటంతో పుణ్య స్నానాలకు వచ్చిన భక్తులు ఆందోళనకు గురవుతున్నారు. నురగలు కక్కుతూ ప్రవహిస్తున్న జీవనది గోదావరిని చూసి ఆందోళన చెందుతున్నారు.

మరోవైపు, ఆయ‌క‌ట్టు రైతులు ఈ నీటితో పంట‌లు సాగు చేస్తే పంట‌లు స‌రిగా పండ‌క పోవ‌చ్చని, దిగుబ‌డి రాక‌పోవ‌చ్చని రైతులు ఆందోళ‌న వ్యక్తం చేస్తున్నారు. ప్రభుత్వం స్పందించి ర‌సాయ‌నాలు గోదావ‌రిలో క‌లవకుండా చూడాల‌ని ప్రజలు, రైతులు కోరుతున్నారు. ఆల్కాహాలిక్ వ్యర్థాలతో ఎస్సారెస్పీ నుండి 30 కిలో మీటర్ల వరలు ఈ విషజలాలు పారుతున్నట్టు సమాచారం.

Related Tags