Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

మహారాష్ట్ర రాజకీయం: గంటకో ట్విస్ట్..

Maharashtra govt formation highlights, మహారాష్ట్ర రాజకీయం: గంటకో ట్విస్ట్..

మహారాష్ట్రలో రాజకీయాలు ఏ క్షణానికి ఎలా మారిపోతాయో ఎవ్వరికి అర్థం కావట్లేదు. ఇప్పుటికే ప్రభుత్వ ఏర్పాటుకు గవర్నర్ ఆహ్వానించిన నేపథ్యంలో సింగిల్ లార్జెస్ట్ పార్టీ బీజేపీ చేతులెత్తేసింది. ఇక రెండో అతి పెద్ద పార్టీ శివసేనకు గవర్నర్ ఇచ్చిన డెడ్‌లైన్ కూడా ముగిసింది.  తాజాగా మూడవ అతి పెద్ద పార్టీగా అవతరించిన ఎన్సీపీ ప్రభుత్వం ఏర్పాటుకు రావాల్సిందిగా గవర్నర్ భగత్‌సింగ్ కోశ్యారీ ఆహ్వానించారు. ఇందుకు 24 గంటల సమయాన్ని డెడ్‌లైన్‌గా ప్రకటించారు. అంటే మంగళవారం రాత్రి  8.30 గంటల వరకు గడువు ఉంది.

వాస్తవానికి శివసేన.. ఎన్సీపీ- కాంగ్రెస్ కూటమి సపోర్ట్‌తో ప్రభుత్వం ఏర్పాటు చేసేలా కనిపించింది. కానీ చివరి నిమిషంలో కాంగ్రెస్ పార్టీ మెలిక పెట్టడంతో.. పరిస్థితి చేయిదాటిపోయింది. అప్పటికీ శివసేన తమకు మరికొంత సమయం కావాలని కోరినప్పటికి గవర్నర్ తిరస్కరించారు. తాజాగా సీన్‌లోకి వచ్చిన ఎన్సీపీ రాజకీయంగా ఎటువంటి అడుగులు వేస్తుందో చూడాలి. ప్రభుత్వం ఏర్పాటు చేయాలంటే 145 మంది ఎమ్మెల్యేల మద్దతు అవసరం. ఒకవేళ ఎన్సీపీ కూడా బలాన్ని నిరూపించుకోలేని పక్షంలో.. నాల్గవ అతిపెద్ద పార్టీ అయిన కాంగ్రెస్‌ను ప్రభుత్వ ఏర్పాటుకు గవర్నర్ ఆహ్వానిస్తారా..? లేక రాష్ట్రపతి పాలన దిశగా ముందుకు సాగుతారా..? అన్న విషయం ఇప్పుడు ఆసక్తికరంగా మారింది.