Breaking News
  • ఇన్సూరెన్స్ మెడికల్ స్కామ్ కేసులో దేవికారాని కి బెయిల్ మంజూరు ఏసీబీ కోర్ట్. దేవికారాని తో పాటు జాయింట్ డైరెక్టర్ పద్మ, ఫార్మసీస్ట్ వసంత, మరో ఇద్దరు ఫార్మా ఉద్యోగుల కు బెయిల్ ఇచ్చిన ఏసీబీ కోర్ట్.
  • మూడోరోజు రాత్రి శ్రీవేంకటేశ్వర స్వామి వారికి జరిగే సుకుమార సేవగా ముత్యపుపందిరి వాహనాన్ని చెప్పవచ్చు. ముక్తి సాధనకు ముత్యం లాంటి స్వచ్ఛమైన మనసు కావాలని లోకానికి ఈ వాహనం ద్వారా స్వామివారు చాటి చెబుతారు. శ్రీనివాసుడు ముత్యపు పందిరిపై మనోరంజకంగా దర్శనమిస్తూ భక్తులకు కనువిందు చేస్తాడు.
  • రానున్న జిహెచ్ఎంసి ఎన్నికల నేపథ్యంలో అన్ని రాజకీయ పార్టీలకు రాష్ట్ర ఎన్నికల సంఘం లేఖ. కోవిడ్ నేపథ్యంలో బ్యాలెట్ పేపర్ లేదా ఈవీఎంల ద్వారా ఎన్నికల నిర్వహణకు సంబంధించి పార్టీల అభిప్రాయం తెలపాలని సూచన. ఈనెల 30వ తేదీ లోపు తమ అభిప్రాయాలు, సూచనలు ఇవ్వాలని లేఖలో పేర్కొన్న రాష్ట్ర ఎన్నికల సంఘం. ఈనెల 30వ తేదీ తరువాత ఇచ్చే సూచనలు పరిగణనలోకి తీసుకోబడవని తేల్చి చెప్పిన రాష్ట్ర ఎన్నికల సంఘం.
  • తిరుమల: తిరుమల ఆలయ సమీపంలో రాత్రివేళ గుంపులుగా తిరుగుతున్న చిరుతలు. వీధుల్లో తిరుగుతున్న ఎలుగుబంట్లు. యానిమాల్ డిటెక్టర్ కెమెరాల ద్వారా గుర్తిస్తున్న విజిలెన్స్ . జంతువు కెమెరాలో కనపడగానే అలారం మోగేలా ఏర్పాటు చేసిన టిటిడి విజిలెన్స్ అధికారులు. బ్రహ్మోత్సవాల వేళ అడవి జంతువుల నుంచి భక్తులకు ఏలాంటి ఇబ్బంది లేకుండా కెమెరా సైరన్ ద్వారా జంతువులను బెదరగొడుతున్న సిబ్బంది. గత మూడునెలలుగా అనేకసార్లు అలయపరిసరాల్లోకి వచ్చిన చిరుతలు, ఎలుగుబంట్లు.
  • 2021-22 సంవత్సరానికి ఆరు రబీ పంటలకు కనీస మద్దతు ధరను పెంచుతూ కేంద్రం నిర్ణయం. లోక్ సభలో ప్రకటన చేసిన కేంద్ర వ్యవసాయ శాఖ మంత్రి నరేంద్రసింగ్ తోమర్. మద్దతు ధర తొలగించబడుతుందనే అసత్యాలు తొలగించడానికి కేంద్ర ప్రభుత్వం స్పష్టమైన సందేశాన్ని ఇస్తుంది. గోధుమలకు క్వింటాకు 50రూ పెంపు. శెనగలు క్వింటాకు 225 రు పెంపు. మసూర్ దాల్ క్వింటాకు 300రూ పెంపు. ఆవాలు క్వింటాకు 225రూ పెంపు. బార్లీ క్వింటాకు 75రూ పెంపు. కుసుమలు క్వింటాకు 112 రూ పెంపు.
  • ఈనెల 28,29న తెలంగాణ ఎంసెట్ అగ్రికల్చర్, మెడికల్ ప్రవేశ పరీక్ష. ఆన్లైన్ ద్వారా పరీక్ష నిర్వహించనున్న జేఎన్టీయూ. మొత్తం 84 పరీక్ష కేంద్రాల్లో 67 తెలంగాణ,17 ఏపీ పరీక్ష కేంద్రాల ఏర్పాటు. పరీక్ష కు హాజరుకానున్న 78970 మంది విద్యార్థులు. రెండు రోజులు రెండు సెషన్స్ లో ఎక్జాం. నేటి నుండి ఈనెల 25 హాల్ టికెట్స్ వెబ్ సైట్ లో అందుబాటు.
  • మాజీ అడ్వకేట్ జనరల్ దమ్మాలపాటి శ్రీనివాస్ కేసులో సుప్రీం కోర్టులో పిటిషన్ దాఖలు చేసిన ఏపీ ప్రభుత్వం . ఏపీ హైకోర్టు ఇచ్చిన స్టే ఎత్తివేయాలని పిటిషన్ లో వినతి. దర్యాప్తును నిలిపివేస్తూ కొద్ది రోజుల క్రితం తీర్పునిచ్చిన హైకోర్టు. కేసు దర్యాప్తుపై స్టే విధించడం వల్ల కీలకమైన ఆధారాలను నిందితులు నాశనం చేసే అవకాశం ఉందని పిటిషన్లో వాదన.

‘మహా’ లో కొనసాగుతున్న కరోనా ఉధృతి

మహారాష్ట్రలో పాజిటివ్ కేసులతో పాటు మరణాల సంఖ్య కూడా గణనీయంగా పెరగుతుంది. గడిచిన 24 గంటల్లో మహారాష్ట్ర వ్యాప్తంగా ఏకంగా కొత్తగా 10,320 మందికి కరోనా వైరస్ పాజిటివ్ కేసులు నమోదయ్యాయి.
maharashtra covid-19 positive cases rises death toll near 15000 mark, ‘మహా’ లో కొనసాగుతున్న కరోనా ఉధృతి

కరోనా వైరస్ తీవ్రత భారత్‌లో మరింతగా పెరుగుతోంది. ఓవైపు రికవరీ కేసులు మెరుగవుతుంటే.. మరోవైపు కరోనా మరణాలు భారీగా నమోదవుతున్నాయి. దేశంలో అత్యధికి కేసులు నమోదవుతున్న మహారాష్ట్రలో పాజిటివ్ కేసులతో పాటు మరణాల సంఖ్య కూడా గణనీయంగా పెరగుతుంది. గడిచిన 24 గంటల్లో మహారాష్ట్ర వ్యాప్తంగా ఏకంగా కొత్తగా 10,320 మందికి కరోనా వైరస్ పాజిటివ్ కేసులు నమోదయ్యాయి. వీటితో కలిపి రాష్ట్రంలో మొత్తం కరోనా బాధితుల సంఖ్య 4,22,118కి పెరిగింది. ఇప్పటి వరకు 2,56,158 మంది కోలుకుని డిశ్చార్జ్ కాగా, రాష్ట్రంలో ఇంకా 1,50,662 కేసులు యాక్టివ్‌గా ఉన్నాయి. ఇక మరణాల సంఖ్య 15వేలకు చేరువైంది. ఇప్పటి వరకు 14,994 మరణాలు నమోదయ్యాయని ఆ రాష్ట్ర వైద్య, ఆరోగ్య శాఖ విడుదల చేసిన ప్రకటనలో పేర్కొన్నారు.

ఇక, రాష్ట్ర రాజధాని ముంబైలో కొత్తగా 1,085 మంది కరోనా వైరస్ బారిన పడ్డట్లు అధికారులు వెల్లడించారు. దీంతో నగరంలో మొత్తం కేసుల సంఖ్య 1,14,284కు చేరుకుంది. ముంబైలో ఇవాళ ఒక్కరోజే 53 మంది కరోనా కాటుకు బలయ్యారు. దీంతో నగరంలో మృతి చెందినవారి సంఖ్య 6,353కు పెరిగింది. ప్రస్తుతం ముంబైలో మహానగరంలో 20,563 కేసులు యాక్టివ్‌గా ఉండగా, 87,074 మంది కోలుకున్నారు. పాజిటివ్ కేసులతో పాటు మరణాల సంఖ్య కూడా పెరుగుతుండడం మరింత ఆందోళన కలిగిస్తోంది.

Related Tags