Breaking News
  • పులిగడ్డ-పెనుముడి బ్రిడ్జి పై నుంచి నదిలోకి దూకిన యువతి. పులిగడ్డ-పెనుముడి బ్రిడ్జి పై నుంచి నదిలోకి దూకిన యువతి. వాహనదారుల సమాచారంతో సంఘటనా స్థలానికి చేరిన పోలీసులు. నదిలోకి దూకి యువతిని కాపాడిన ఏఎస్సై మాణిక్యాలరావు. మాణిక్యాలరావును అభినందించిన పోలీసులు, స్థానికులు.
  • చెన్నై: సినీ నటుడు రాఘవ లారెన్స్‌ వివాదాస్పద వ్యాఖ్యలు. డబ్బు కోసమో, పబ్లిసిటీ కోసమో రజినీ రాజకీయాలకు వస్తున్నారని.. కొందరు మాట్లాడటం దురదృష్టకరం-రాఘవ లారెన్స్‌. రజినీకి రాజకీయాలు తెలియదు అనడం హాస్యాస్పదం. రజినీని ఎవరు టార్గెట్‌ చేసినా వాళ్లకు గట్టిగా సమాధానం చెప్తా. త్వరలో రజినీ రాజకీయం ఏంటో అందరూ చూస్తారు-రాఘవ లారెన్స్‌. రజినీ మీద అభిమానంతో కమలహాసన్‌ పోస్టర్లను పేడతో కొట్టి చించేవాణ్ణి. వాళ్లిద్దరు కలవడం ద్వారా తమిళనాడులో మంచి రోజులు రాబోతున్నాయి -సినీ నటుడు రాఘవ లారెన్స్‌.
  • కరీంనగర్‌: కోరుట్లలో వంద పడకల ఆస్పత్రి భవనానికి శంకుస్థాపన. ఆస్పత్రి భవనానికి శంకుస్థాపన చేసిన మంత్రి ఈటెల రాజేందర్‌. వైద్యంలో కేరళ, తమిళనాడు రాష్ట్రాలతో తెలంగాణ పోటీ పడుతుంది. గతంలో ప్రభుత్వ ఆస్పత్రి అంటే ప్రజలు భయపడేవారు. కేంద్ర పథకం ఆయుష్మాన్‌ పథకం కన్నా ఆరోగ్యశ్రీ మిన్న.
  • విజయవాడ: టీడీపీ ప్రభుత్వం ఆర్టీసీ, విద్యుత్‌ చార్జీలు పెంచలేదు. ఆర్టీసీ చార్జీల పెంపుతో ప్రజలపై రూ.3,500 కోట్ల భారం పడుతుంది. వైసీపీ చేతగాని తనంతోనే ప్రజలపై భారం మోపారు -మాజీ మంత్రి దేవినేని ఉమ. ఐదు నెలలు ఇసుక దొరకకుండా దోచుకున్నారు. ఇప్పుడు ఆర్టీసీ చార్జీల పెంపుతో ప్రజలపై భారం మోపారు -మాజీ మంత్రి కొల్లు రవీంద్ర.
  • విజయవాడ: భవానీ దీక్ష విరమణల కోసం అన్ని ఏర్పాట్లు చేశాం. ఈ నెల 18 నుంచి 22 వరకు ఇంద్రకీలాద్రిపై భవానీ దీక్షా విరమణలు. కనకదుర్గానగర్‌ మీదుగా భక్తులను ఆహ్వానిస్తున్నాం. భవానీల కోసం ఘాట్‌ రోడ్డు మీదుగా క్యూలైన్‌లు ఏర్పాటు చేశాం. ఇంద్రకీలాద్రిపై ప్లాస్టిక్‌ను నిషేధించాం-ఈవో సురేష్‌ బాబు.
  • చెన్నై: స్థానిక సంస్థల ఎన్నికలకు రజినీ మక్కల్‌ మండ్రం దూరం. ఏ పార్టీకి మద్దతు ప్రకటించని మండ్రం. రజినీ మద్దతు ఇస్తున్నట్టు ఎవరైనా ప్రచారం చేసుకుంటే.. కఠిన చర్యలు తీసుకుంటామని హెచ్చరిక.
  • నెల్లూరు: వైసీపీ ప్రభుత్వం మాట తప్పింది-కోటంరెడ్డి . ప్రజలపై ఏ భారం వేయబోము అని నమ్మించి అధికారంలోకి వచ్చారు. ఆర్టీసీ చార్జీల పెంపుతో ఏటా రూ.700 కోట్ల భారం ప్రజలపై పడింది. మాట తప్పని జగన్‌ ఆర్టీసీ చార్జీల పెంపుపై సమాధానం చెప్పాలి. తెలంగాణ సీఎం కేసీఆర్‌ను కాపీ కొడుతూ జగన్‌ కాపీ సీఎంగా మారారు -నూడా మాజీ చైర్మన్‌ కోటంరెడ్డి శ్రీనివాసులు రెడ్డి.

‘ మహా ‘ లో ఇక శివసేన ప్రభుత్వం ? కాంగ్రెస్, ఎన్సీపీలకూ భాగస్వామ్యం !

maharashtra cm post finalised sena to get full term cm, ‘ మహా ‘ లో ఇక శివసేన ప్రభుత్వం ? కాంగ్రెస్, ఎన్సీపీలకూ భాగస్వామ్యం !

మహారాష్ట్రలో శివసేన ప్రభుత్వం ఏర్పడే దిశగా పరిణామాలు సాగుతున్నాయి. ఈ పార్టీ.. తన ప్రధాన డిమాండ్ అయిన పూర్తి స్థాయి సీఎం పదవిని పొందే అవకాశాలు కనిపిస్తున్నాయి. సేన, కాంగ్రెస్, ఎన్సీపీలతో సంకీర్ణ సర్కార్ ఏర్పాటు కావచ్ఛునని భావిస్తున్నారు. సేన సీఎం పదవి దాదాపు ఖరారు కాగా.. కాంగ్రెస్, ఎన్సీపీ డిప్యూటీ సీఎం పదవులను పొందవచ్చు అలాగే సేన, ఎన్సీపీ 14 మంత్రి పదవుల చొప్పున, కాంగ్రెస్ పార్టీ 12 మినిస్టర్ బెర్తులను కోరుతున్నాయి. ఈ మూడు పార్టీల కనీస ఉమ్మడి కార్యక్రమం (కామన్ మినిమమ్ ప్రోగ్రామ్) .. రైతులు, యువజనుల సమస్యలపై దృష్టి పెట్టవచ్ఛునని తెలుస్తోంది. అంతేతప్ప.. హిందుత్వ అంశాల జోలికి ఈ ‘ కార్యక్రమం ‘ వెళ్లకపోవచ్చు. (ఇది సహజంగా కాంగ్రెస్ పరోక్ష డిమాండ్). కాంగ్రెస్ పార్టీ తాత్కాలిక అధ్యక్షురాలు సోనియా గాంధీ, ఎన్సీపీ నేత శరద్ పవార్ తిరిగి రేపో, మాపో సమావేశం కానున్నారు.

వీర్ సావర్కర్ కు భారత రత్న పురస్కారాన్ని ఇవ్వాలన్న శివసేన డిమాండును, ముస్లిములకు అయిదు శాతం రిజర్వేషన్లు కల్పించాలన్న ఎన్సీపీ డిమాండును ఈ పార్టీలు పరిష్కరించాల్సి ఉంది. ప్రస్తుతం మహారాష్ట్రలో రాష్ట్రపతి పాలన కొనసాగుతున్న సంగతి తెలిసిందే. సేన నేత సంజయ్ రౌత్ తన అస్వస్థతకు చికిత్స పొంది ఆసుపత్రి నుంచి డిశ్చార్జి అయిన అనంతరం.. రాష్ట్రంలో తమ పార్టీ ప్రభుత్వం ఏర్పడడం ఖాయమని జోస్యం చెప్పారు. ఆయన అన్నట్టుగానే రాజకీయ పరిణామాలు చోటు చేసుకుంటున్నాయి.