Breaking News
  • సికింద్రాబాద్‌-మచిలీపట్నం మధ్య ప్రత్యేక రైళ్లు. డిసెంబర్‌ 1,8,15,22,29 తేదీల్లో నడవనున్న ప్రత్యేక రైళ్లు. మచిలీపట్నంలో మధ్యాహ్నం 2:25కి బయల్దేరి.. రాత్రి 10:10కి సికింద్రాబాద్‌కు చేరుకోనున్న ప్రత్యేక రైలు. అదేరోజు సికింద్రాబాద్‌ నుంచి రాత్రి 11:55కి బయల్దేరి.. మరుసటి రోజు ఉ.8:55కి మచిలీపట్నం చేరుకోనున్న ప్రత్యేక రైలు.
  • ఏపీకి నెంబర్లు కేటాయించిన కేంద్రం. అక్రమ మైనింగ్‌, అనధికార మద్యం అమ్మకాలపై.. ఫిర్యాదులకు నెంబర్లు కేటాయించిన కేంద్ర సర్కార్‌. అక్రమ మైనింగ్‌పై ఫిర్యాదు కోసం 14400 నెంబర్‌.. అనధికార మద్యంపై ఫిర్యాదుకు 14500 నెంబర్‌ కేటాయింపు.
  • మళ్లీ పెరిగిన బంగారం ధరలు. పెళ్లిళ్ల సీజన్‌ కొనుగోళ్లతో పెరిగిన పసిడి ధరలు. 10గ్రాముల 24క్యారెట్ల బంగారంపై రూ.225 పెంపు. రూ.38,715 పలుకుతున్న 10గ్రాముల బంగారం. రూ.440 పెరిగి రూ.45,480కి చేరిన కిలో వెండి ధర.
  • ఛండీగడ్‌: 2019 ప్రపంచ కబడ్డీ కప్‌కు పంజాబ్ ఆతిథ్యం. డిసెంబర్‌ 1 నుంచి 9 వరకు మ్యాచ్‌ల నిర్వహణ. సుల్తాన్‌పూర్‌ లోధిలోని గురునానక్‌ స్టేడియంలో ప్రారంభ వేడుక. ప్రపంచ కబడ్డీ టోర్నీలో పాల్గొననున్న భారత్, అమెరికా, శ్రీలంక.. ఆస్ట్రేలియా, ఇంగ్లాండ్, కెన్యా, న్యూజిలాండ్‌, పాకిస్తాన్‌, కెనడా జట్లు.
  • ఓటర్ల జాబితా సవరణకు కొత్త షెడ్యూల్‌ విడుదల. జనవరి 1, 2020 అర్హత తేదీతో ఓటర్ల జాబితా సవరణ. ఓటర్ల వివరాల పరిశీలనకు ఈనెల 30 తుది గడువు. డిసెంబర్‌ 16న ఓటర్ల జాబితా ముసాయిదా ప్రచురణ. 2020, జనవరి 15న అభ్యంతరాలు, వినతుల స్వీకరణ.
  • టిక్‌టాక్‌కు పోటీగా త్వరలో ఇన్‌స్టాగ్రామ్‌ కొత్త ఫీచర్‌. రీల్స్‌ పేరిట ఓ కొత్త ఫీచర్‌ అందుబాటులోకి. ఇన్‌స్టాగ్రామ్‌లోని ఎక్స్‌ప్లోర్‌ సెక్షన్‌లో కొత్త ఫీచర్. కొత్త ఫీచర్‌లో టిక్‌టాక్ మాదిరిగా వీడియోలు క్రియేట్‌ చేసే సౌకర్యం.

బురదలో ఇరుక్కుపోయిన సీఎం హెలికాప్టర్​ చక్రాలు..పైలట్ ఏం చేశాడంటే?

మహారాష్ట్ర ముఖ్యమంత్రి దేవేంద్ర ఫడ్నవీస్ ప్రమాదం నుంచి తప్పించుకున్నారు. పుణెలోని రాయగఢ్‌ జిల్లాలో శుక్రవారం ఆయన ప్రయాణిస్తున్న హెలికాప్టర్‌ ల్యాండ్‌ అవుతుండగా కుదుపులకు లోనైంది. తొలుత పైలట్‌ హెలికాప్టర్‌పై నియంత్రణ కోల్పోయినా, కొన్ని సెకన్ల వ్యవధిలోనే సురక్షితంగా దింపారని చెప్పారు. ఆ సమయంలో ఫడ్నవీస్‌తోపాటు ఆయన వ్యక్తిగత సహాయకుడు, ఓ ఇంజినీర్‌, పైలట్‌, కో పైలట్‌ హెలికాప్టర్‌లో ఉన్నారు. అహ్మద్​నగర్ జిల్లా కర్జాత్​లో బహిరంగ సభ ముగిసిన అనంతరం రాయ్​గఢ్​లోని పెన్​ సమావేశానికి బయలుదేరారు ఫడ్నవీస్​. పెన్​ బోర్గావ్​ వద్ద దిగుతుండగా హెలిప్యాడ్ బురదగా ఉన్న కారణంగా ఈ ప్రమాదం జరిగింది.

ప్రమాదం నుంచి ముఖ్యమంత్రి సహా అందరూ క్షేమంగా బయటపడ్డారని జిల్లా ఎస్పీ అనిల్‌ పరాస్కర్‌ తెలిపారు. మహారాష్ట్ర అసెంబ్లీ ఎన్నికల ప్రచారంలో భాగంగా మహా జనదేశ్‌ సంకల్ప్‌ సభలో పాల్గొనేందుకు ఫడ్నవీస్‌ రాయగఢ్‌ వెళ్లిన సమయంలో ఈ ఘటన జరిగింది.

2017లోనూ ఫడ్నవీస్ హెలికాప్టర్‌ ప్రమాదం నుంచి సురక్షితంగా బయటపడ్డారు. లాతూర్‌లో హెలికాప్టర్‌ టేకాఫ్‌ అయిన కాసేపటికే సాంకేతిక లోపం తెలెత్తింది. ఈ సమయంలో అందులో ఆరుగురు ఉన్నారు. వెంటనే పైలట్‌ కిందికి దింపుతుండగా హెలికాప్టర్‌ రెక్కలు విద్యుత్‌ వైర్లలో చిక్కుకున్నాయి. హెలికాప్టర్‌ మొత్తం దెబ్బతిన్నా… అదృష్టవశాత్తు సీఎం సహా ఆరుగురికీ ఎలాంటి గాయాలూ కాలేదు.