Breaking News
  • భారత్‌లో విజృంభిస్తోన్న కరోనా వైరస్‌.భారత్‌లో నిన్న 54,736 కరోనా కేసులు నమోదు, 853 మంది మృతి దేశవ్యాప్తంగా 17,50,724కు చేరిన పాజిటివ్‌ కేసులు.భారత్‌లో ఇప్పటి వరకు కరోనాతో 37,364 మంది మృతి.5,67,730 యాక్టివ్‌ కేసులు, ఇప్పటి వరకు 11,45,630 మంది డిశ్చార్జ్.
  • రాష్ట్ర ముఖ్యమంత్రి శ్రీ కె.చంద్ర శేఖర్ రావు గారి ఆదేశాల మేరకు ప్రభుత్వ కార్యాలయాలలో సమర్దవంతమైన, కచ్చితమైన సేవలు అందించడానికి e-ఆఫీసును ప్రారంభిస్తున్నట్లు ప్రభుత్వ ప్రధాన కార్యదర్శి శ్రీ సోమేష్ కుమార్ తెలిపారు. సోమవారం నాడు బి.ఆర్.కె.ఆర్ భవన్ లో సెక్రటేరియట్ లోని 8 శాఖలలో, HoD లలో 2 శాఖలలో e-ఆఫీసును ప్రారంభించారు.
  • హైదరాబాద్ లో పెరిగిన ఫోర్ వీలర్లఅమ్మాకాలు . మేనెలతో పోల్చితే రెండు నుంచి మూడింతలు పెరిగిన సేల్స్. సేల్స్ పెరగడంతో రిజిస్ట్రేషన్లు పెరిగాయంటున్న హైదరాబాద్ ఆర్టీఏ అధికారులు . మే నెలలో 326 ఫోర్ వీలర్ల రిజిస్ట్రేషన్లు. జూన్ లో 848 , జూలై లో 1149 రిజిస్ట్రేషన్లు . ఆర్ టి ఎ హైదరాబాద్ జాయింట్ కమిషనర్ పాండు రంగా నాయక్.
  • హైదరాబాద్ పోలీస్ కమిషనర్ అంజని కుమార్. హైదరాబాద్ పాతబస్తీ సౌత్ జోన్ పరిధిలో సత్ప్రవర్తన కలిగిన రౌడీషీటర్ ల మేళా ను సాలార్ జుంగ్ మ్యూజియంలో ఏర్పాటు చేసము. పాతబస్తీ లో సత్ప్రవ్తన కలిగి నేరాలకు దూరంగా ఉన్న 31 మంది రౌడీ షీటర్ పై పోలీస్ రికార్డుల్లో నుంచి రౌడీ షీట్ తొలగించము. వీరంతా కొత్త జీవితాన్ని ఆనందంగా గడిపేందుకు అవకాశం కలిపించం. గతంలో వీరంతా తప్పులు చేసి, నేరాలు చేసి జైల్ వెళ్లిన వారు. కానీ ఇప్పుడు ఒక సదవకాశం వీరు అందరికీ ఆదర్శంగా ఉండి కుటుంబం తో సంతోషంగా జీవించాలని సాధారణ పౌరులుగా వుండాలని కోరుతున్న.
  • విజయవాడ: కోవిడ్‌ ఆస్పత్రి సిబ్బంది చేతివాటం. రోగుల మొబైల్స్, డబ్బులు మాయం. సెల్‌ చోరీ చేస్తున్న దృశ్యాలు. సీసీ కెమెరాల్లో రికార్డు. ఒక రోగి అదృశ్యంపై అధికారులు సీసీ కెమెరాలు పరిశీలన. ఓ ఉద్యోగి రోగి సెల్‌ఫోన్‌ తస్కరించడం చూసి అధికారులు షాక్. ఇప్పటికే అధికారులకు ఫిర్యాదు చేసిన బాధితులు. ఉద్యోగి పై ఎవరు అనే కోణంలో దర్యాప్తు. సిబ్బంది ప్రవర్తనపై అధికారులు ఆరా.
  • బ్లాక్ బస్టర్ ఆగస్టుకు ఆహా OTT రెడి. తెలుగు ప్రేక్షకుల మనసు దోచుకున్న ఆహా OTT ఆగస్టులో 10 సినిమా లను అందిస్తుంది. పాపులర్ యాంకర్ సుమ, ప్రముఖ నిర్మాత దిల్ రాజు, తదితరులు ఫేసుబుక్ లైవ్ ద్వారా పలు విషయాలు ప్రకటించారు. మొదట దిల్ రాజు బుచ్చినాయుడు కండ్రిగ సినిమాని ప్రకటించారు. ఆగస్ట్ 21న ఆహాలో విడుదల. తెనుగు వినోదాన్ని అందిస్తున్న ఆహా OTT లో ఈ సినిమాని ప్రపంచ వ్యాప్తంగా చూడవచ్చు. పాపులర్ కమెడియన్ హర్ష సరికొత్త రియాలిటీ షో ప్రకటించారు. తమాషా విత్ హర్ష అనే సరికొత్త షో ఈనెల 22నుండి మొదలు. చివరగా సుమ OTT లో తొలిసారి అడుగు పెడుతున్నట్లు ప్రకటించారు. సమకాలీన అంశాలతో అల్ ఈజ్ వెల్ అనే వెరైటీ షో ని ప్రకటించారు. ఆగస్ట్ 14 నుండి సుమ ఆల్ ఈజ్ వెల్ ప్రసారం అవుతుంది.

Maha Shivaratri Special: మహాశివరాత్రి స్పెషల్.. శివఖోడి గుహాలయం ప్రత్యేకతలు ఇవే..

Maha Shivaratri Special: Shivkhori is a famous cave shrine of Hindus devoted to lord Shiva, Maha Shivaratri Special: మహాశివరాత్రి స్పెషల్.. శివఖోడి గుహాలయం ప్రత్యేకతలు ఇవే..

Maha Shivaratri Special: అనంత విశ్వానికి ఆవల… గాఢాంధకారానికి అవతల అఖండమైన రూపంతో దేదీప్యమానంగా ప్రకాశించే దేవుడే పరమేశ్వరుడు.. ఆయన సర్వేశ్వరుడు.. సర్వాంతర్యామి… మనిషి చేరుకోలేని సంక్లిష్టమైన స్థలాలలో కూడా శివుడు కొలువై ఉంటాడు. జమ్మూలోని శివఖోడి గుహాలయం ఇంచుమించు ఇలాంటిదే! ఆ గంగాధరుడి సన్నిధికి చేరుకోడానికి ఎంతో కష్టపడాలి… కశ్మీర్‌లో ఖోడి అంటే గుహ.. శివుడు నివాసం ఉంటున్నాడు కాబట్టి శివఖోడి అయ్యింది… జమ్ము కశ్మీర్లోని రియాసి జిల్లాలో రణసు అన్న గ్రామంలో ఉన్న అద్భుత గుహాలయంలో మహాశివుడు వెలిశాడు.. ఈ గుహప్రాంతానికి చేరుకోడానికి కాలినడకన నాలుగు కిలోమీటర్లు నడవాల్సిందే! జమ్ము నుంచి ఈ గుహాలయానికి చేరుకోడానికి రెండు మార్గాలున్నాయి.. వైష్ణోదేవి మందిరానికి ట్రెక్‌ మొదలయ్యే కట్రా టౌన్‌ మీదుగా వెళ్లవచ్చు.. అఖనూర్‌ మీదుగా రాజోరి వెళ్లేదారికి ఖండామోర్హా జంక్షన్‌ నుంచి కూడా రణసు గ్రామానికి చేరుకోవచ్చు.. వైష్ణోదేవి ఆలయ ట్రస్ట్‌ రోడ్లు వేసింది కాబట్టి సరిపోయింది కానీ.. లేకపోతే ఈ గుహలను చేరుకోవడం దుర్లభమయ్యేది… కట్ర నుంచి రణసుకు వెళ్లాలంటే 70 కిలోమీటర్లు ఘాట్‌రోడ్డులోనే ప్రయాణించాలి.. రణసు నుంచి గుహ వరకు నాలుగు కిలోమీటర్ల నడకదారి… చాతగాని వాళ్లు గుర్రాల మీద వెళ్లవచ్చు.. గుర్రాల మీద కూడా వెళ్లలేనివారు డోలీలను ఎంచుకోవచ్చు…

Maha Shivaratri Special: Shivkhori is a famous cave shrine of Hindus devoted to lord Shiva, Maha Shivaratri Special: మహాశివరాత్రి స్పెషల్.. శివఖోడి గుహాలయం ప్రత్యేకతలు ఇవే..

ఇప్పుడు సౌకర్యాలు కాసింత మెరుగుపడ్డాయి కాబట్టి భక్తుల సంఖ్య పెరిగింది… గుహలోని అంతర్బాగం చాలా విశాలంగా ఉంటుంది.. ఎంతగా అంటే ఒకేసారి మూడువందల మంది భక్తులు ప్రార్థనలు చేసుకునేంతగా..! అక్కడ్నుంచి లోపలికి పాక్కుంటూ వెళ్లాలి… కొన్ని చోట్ల అయితే పొట్ట నేలకు ఆనించి పాకవలసి ఉంటుంది.. అలా ఎంతో కష్టపడి వెళితే వెడల్పాటి గుహ వస్తుంది… లోపలికి వెళ్లగానే ఓ అద్భుత దృశ్యం ఆవిష్కృతమవుతుంది.. అక్కడి దృశ్యాలను చూసి ఆశ్చర్యానందభరితులమవుతాం! జగన్మాత పార్వతీదేవి.. వినాయకుడు.. నారదుడు.. పరమశివుడి ఝటాఝూటం.. పద్మం ఇలా ప్రకృతిసిద్ధంగా ఏర్పడిన దేవిదేవతా మూర్తులు గోచరిస్తాయి.. చేతికందేంత ఎత్తులో బహు పడగల ఆదిశేషుడిని దర్శించుకోవచ్చు.. అక్కడ్నుంచి కొంతదూరం లోపలికి వెళితే… రెండు మార్గాలు వస్తాయి.. అక్కడ ఉండే సెక్యూరిటీ వాళ్లు యాత్రికులను రెండో దారిలోంచి పంపుతారు.. మొదటిదారి నిషిద్ధం… 200 మీటర్ల పొడవు.. మూడు మీటర్ల ఎత్తు… ఒక మీటర్‌ వెడల్పు ఉన్న ఈ గుహలో ఊపిరి తీసుకోవడం కాసింత కష్టమే అవుతుంది.. శ్వాసకోశ వ్యాధిగ్రస్తులు తగు జాగ్రత్తలు తీసుకోవాలి.. ఇంత కష్టపడి వెళితే తప్ప శివ దర్శనం లభించదు. .లోపలికి వెళితే నాలుగు అడుగుల ఎత్తున్న స్వయంభూ శివలింగం కనిపిస్తుంది.. ఆ లింగాన్ని నిరంతరం అభిషేకిస్తున్న పాలరంగులో ఉండే జలధార విస్మయానికి గురి చేస్తుంది.. ఆ క్షీరధారనే ధూద్‌గంగ అంటారు.. పరమశివుడి దర్శనం తర్వాత అంతసేపు పడిన కష్టమంతా దూదిపింజలా ఎగిరిపోతుంది… అసలు శివుడు ఇక్కడ ఎందుకు ఉన్నాడు…? స్థలపురాణం ఏం చెబుతుంది…? భస్మాసురుడి కథ తెలుసుగా..!. అతడు గొప్ప శివభక్తుడు.. మరణం లేకుండా ఉండాలనే కోరికతో శివుడి కోసం తపస్సు చేస్తాడు.. భస్మాసుడికి తపస్సుకు మెచ్చిన శివుడు ఏ వరం కావాలో కోరుకోమంటాడు. తాను ఎవరి తలపై చేయి పెడితే వారు భస్మం అయ్యేట్టు వరం అనుగ్రహించమంటాడు. శివుడు తథాస్తూ అంటాడు.. శివుడు ఇచ్చిన వరప్రభావాన్ని శివుడిపైనే ప్రయోగించి చూడాలనుకుంటాడు భస్మాసురుడు.. శివుడు భస్మాసురుడిని తప్పించుకుని పారిపోతూ ఈ గుహలో దాక్కున్నాడట! మిగతా కథ మనకు తెలిసిందే! ఇదీ ఇక్కడి స్థల పురాణం..

Maha Shivaratri Special: Shivkhori is a famous cave shrine of Hindus devoted to lord Shiva, Maha Shivaratri Special: మహాశివరాత్రి స్పెషల్.. శివఖోడి గుహాలయం ప్రత్యేకతలు ఇవే..

ఈ గుహ నుంచి రెండు సొరంగ మార్గాలున్నాయి.. ఒక దారేమో నేరుగా స్వర్గానికి చేరుస్తుంది. అమరలోకానికి చేరుకోవాలన్న కోరికతో కొంతమంది ప్రయత్నించారట కూడా! అయితే వారెవ్వరూ వెనక్కి తిరిగి రాలేదట! అందుకే ఎవరూ సాహసం చేయరు… ఇంకో మార్గం కూడా ఉంది.. ఆ దారంట నడిచి వెళితే అమర్‌నాథ్‌ ఆలయానికి చేరుకోవచ్చట! కొంతమంది సాధువులు ఈ ప్రయత్నం కూడా చేశారట! ప్రస్తుతం ఈ సొరంగ మార్గాన్ని కూడా మూసివేశారు. ఆషాఢ పౌర్ణమి నుంచి శ్రావణ పున్నమి వరకు జరిగే అమర్‌నాథ్‌లో పూజలందుకునే శివుడు మిగతా సమయంలో ఈ గుహలోనే ఉంటాడన్నది స్థానికుల విశ్వాసం.. అందుకే కాబోలు ఈ క్షేత్రాన్ని బూఢా అమర్‌నాథ్‌ అని కూడా అంటారు. ఈ క్షేత్రంలో మరో అద్భతం పావురాళ్లు.. ఈ చుట్టుపక్కల ఎక్కడా కనిపించని కపోతాలు కేవలం ఈ గుహలోనే దర్శనమిస్తాయి.. ఎన్నో ఎళ్ల నుంచి ఈ పావురాళ్ల సంఖ్య అంతే ఉండటం కూడా ఆశ్చర్యకరం. అమర్‌నాథ్‌లాగే ఇక్కడ కూడా రెండు అదృశ్య పావురాళ్లు ఉంటాయట! పుణ్యం చేసినవారికి మాత్రమే అవి దర్శనం ఇస్తాయట! కొన్నేళ్ల కిందట శివఖోడి కేవలం కొందరికే తెలుసు.. ఇప్పుడు వేల సంఖ్యలో భక్తులు వస్తున్నారు.. మహాశివరాత్రి సమయంలో ఈ క్షేత్రంలో మూడు రోజుల పాటు ఉత్సవం జరుగుతుంది….

Related Tags