Breaking News
  • కర్నూలు శ్రీశైలం: టీవీ9 తో శ్రీశైలం డ్యాం రిటైర్డ్ ఎగ్జిక్యూటివ్ ఇంజనీర్ తాతి రెడ్డి. శ్రీశైలం డ్యాం గేట్ల కింద plunjpool గొయ్యి 100 మీటర్ల వరకు ఉంటే డ్యామ్ ప్రమాదంలో ఉన్నట్లే అత్యంత ప్రధానమైన పనులన్నీ పక్కన పెట్టి ప్రభుత్వము ప్లింజ్ పూల్ పై తక్షణమే దృష్టిసారించాలి.. లేకుంటే ప్రళయం తప్పదు. ఫ్లడ్డు సీజన్ ముగిసిన వెంటనే ప్రతి ఏటా ప్రతి రిజర్వాయర్ డ్యాం గేట్ల కింద గొయ్యి లు లేకుండా చూసుకోవాలి . డ్యామ్ ఫౌండేషన్ కంటే ప్లుంజ పూల్ (గొయ్యి) లోపలికి వెళ్ళరాదు. అలా జరిగితే ప్రమాదం పొంచి ఉన్నట్లే. ఈ సమస్యను ప్రభుత్వము అత్యవసరంగా చేపట్టాలి.
  • వరంగల్ : ఈ రోజు జనగామ జిల్లాలో ముఖ్యమంత్రి కేసీఆర్ పర్యటన. పాలకుర్తి నియోజవర్గం పరిధిలోని కొడకండ్లలో రైతు వేదిక, పల్లె ప్రకృతి వనాలను ప్రారంభించనున్న సీఎం కేసీఆర్. హైద్రాబాద్ (బేగంపేట) నుండి ప్రత్యేక హెలికాప్టర్ ద్వారా 12:30గంటలకు కొడకండ్ల కు చేరుకుంటారు. 12:40 నివిుషాలకు.కొడకండ్ల గ్రామంలో ఉన్న రైతు వేదికను ప్రారంభిస్తారు. 12:50నివిుషాలకు పల్లెప్రకృతివనాని సందర్శిస్తారు. అనంతరం మార్కెట్ యార్డు ఆవరణలో 5000 మ౦ది రైతులతో సమావేశంలో పాల్గొంటారు. సభ అనంతరం మండల పార్టీ కొడకండ్ల లోనే మధ్యాహ్న భోజనం. అనంతరం తిరిగి హైదరాబాద్ కు పయనం.
  • అమరావతి : వచ్చే నెల రెెండో తేదీ నుంచి డిగ్రీ, పీజీ తరగతుల నిర్వహణకు ఏపీ ప్రభుత్వం గ్రీన్ సిగ్నల్. ఈ మేరకు యూనినర్శిటీలు, కాలేజీ ల్లో తీసుకోవాల్సిన కరోనా జాగ్రత్తలపై గైడ్ లైన్స్ జారీ. యూనివర్శీటీలకు.. కాలేజీలకు అకడమిక్ క్యాలెండర్ విడుదల. వారంలో ఆరు రోజుల పాటు తరగతులు నిర్వహించాలని ఆదేెశం. ఏ రోజైనా పని దినాల్లో సెలవు ఇవ్వాల్సి వస్తే దానికి బదులుగా శెలవు దినాలు, రెండో శనివారాలు, ఆదివారాల్లో క్లాసులు నిర్వహించాలని సూచన. క్లాస్ రూమ్స్, క్యాంటీన్లు, జిమ్ వంటి ప్రదేశాల్లో కోవిడ్ నిబంధనలు పాటించేలా చర్యలకు ఆదేశం. హాస్టళ్లల్లోనూ కరోనా వైరస్ నివారణ జాగ్రత్తలు తీసుకోవాలని సూచన. హాస్టళ్లను ఒకటో వంతు విద్యార్ధులను మాత్రమే అనుమతించాలని ఆదేశం. కామన్ హాల్స్.. టీవీ హాల్సును వసతి కోసం వివియోగించుకోవాలన్న ప్రభుత్వం.
  • తిరుమల: నిన్న శ్రీవారి హుండీ ఆదాయం రూ.1.92 కోట్లు. శ్రీవారిని దర్శించుకున్న 20,269మంది భక్తులు. తలనీలాలు సమర్పించిన 6,613 మంది భక్తులు. ఈరోజు తిరుమలలో పౌర్ణమి గరుడసేవ. కోవిడ్ కారణంగా ఆలయంలో ఏకాంతంగా నిర్వహించనున్న అర్చకులు.

ఆన్‌లైన్‌లో ఐపీఎల్ క్రికెట్ బెట్టింగ్.. పట్టుబడిన ముగ్గురు బుకీలు..

ఆన్‌లైన్‌లో క్రికెట్ బెట్టింగ్‌కు పాల్పడుతున్న ముగ్గురిని పోలీసులు అదుపులోకి తీసుకున్నారు. మొబైల్ యాప్‌ల ద్వారా ఆన్‌లైన్‌లో క్రికెట్ బెట్టింగ్ నిర్వహిస్తోన్న ముఠాను మాచవరం పోలీసులు అరెస్టు చేశారు...

online IPL betting gang, ఆన్‌లైన్‌లో ఐపీఎల్ క్రికెట్ బెట్టింగ్.. పట్టుబడిన ముగ్గురు బుకీలు..

ఆన్‌లైన్‌లో క్రికెట్ బెట్టింగ్‌కు పాల్పడుతున్న ముగ్గురిని పోలీసులు అదుపులోకి తీసుకున్నారు. మొబైల్ యాప్‌ల ద్వారా ఆన్‌లైన్‌లో క్రికెట్ బెట్టింగ్ నిర్వహిస్తోన్న ముఠాను మాచవరం పోలీసులు అరెస్టు చేశారు. వీరికి దేశంలోని పలు రాష్ట్రాలతో పాటు కొన్ని ఇతర దేశాలతో కూడా సంబంధాలు ఉన్నట్లు పోలీసులు అనుమానిస్తున్నారు.

మాచవరం పిఎస్ పరిధిలోని ఓ అపార్ట్ మెంట్లో గుట్టుచప్పుడు కాకుండా క్రికెట్ బెట్టింగ్ నిర్వహిస్తున్నట్లుగా పోలీసులు గుర్తించారు. పూర్తి సమాచారంతో అర్ధరాత్రి సమయంలో పోలీసులు దాడి నిర్వహించారు. వారి నుంచి టీవీ, ల్యాప్ టాబ్, 23 లైన్లో ఉన్న ఫోన్ బాక్స్ , 25 ఫోన్లు స్వాధీనం చేసుకున్నారు. ముగ్గురు బుకీలును అదుపులోకి తీసుకోగా.. వారిలో ప్రధాన బుకీ నవీన్ కోసం గాలిస్తున్నారు. జాతీయ క్రికెట్ బుకీలతో ఉన్న సంబంధాల పై విచారణ చేస్తున్న పోలీసులు.

ఐపీఎల్ మరికొన్ని గంటల్లో మొదలు కాబోతుండగా ఇలాంటి బుకీలు రంగంలోకిదిగారు. కాయ్ రాజా కాయ్ అంటూ ఆన్ లైన్ దందాకు తెరలేపారు. ఇలాంటి మఫియాలు తెలుగు రాష్ట్రాల్లోని ఐపీఎల్ ప్రియులను వల వేసి పట్టుకునేందుకు సిద్ధమవుతున్నాయి. ఆన్ లైన్ లో భారీగా వ్యాపారం చేసుకునేందుకు పెద్ద ఎత్తున ప్లాన్ చేసుకున్నట్లుగా తెలుస్తోంది. పెద్ద ఎత్తున ఆన్ లైన్ సరంజామాతో రెడీ అవుతున్నారు.

 

Related Tags