Breaking News
  • కృష్ణాజిల్లా: గన్నవరంలో విషాదం. చెరువులో దూకి డిగ్రీ విద్యార్థి మురళి ఆత్మహత్య. ఎస్సై నారాయణమ్మ భర్త వేధింపులే కారణమంటూ.. వాయిస్‌ మెసేజ్‌ పెట్టిన మురళి.
  • తూ.గో: మంత్రి విశ్వరూప్‌కు హైకోర్టులో చుక్కెదురు. అమలాపురం ల్యాండ్‌ మార్క్‌ శుభకలశంను కూల్చొద్దని హైకోర్టు స్టే. హైకోర్టులో పిటిషన్ వేసిన మాజీ మున్సిపల్‌ చైర్మన్ యాళ్ల నాగ సతీష్.
  • గుంటూరు: ఇసుక విధానం లోపభూయిష్టంగా ఉంది-కళా వెంకట్రావ్‌. ఉచిత ఇసుక విధానం ఒక్కటే కొరతను తీరుస్తుంది. నియోజకవర్గాల వారీగా ఇసుక రీచ్‌లు పెట్టి అవినీతికి తెరలేపారు. 50 మంది చనిపోయిన తర్వాత తెచ్చిన పాలసీ దారుణంగా ఉంది. ప్రభుత్వం క్షేత్రస్థాయిలో విచారణ జరిపి వాస్తవాలు తెలుసుకోవాలి. ఇసుక ధర సామాన్యుడికి అందుబాటులో ఉండాలి-కళా వెంకట్రావ్‌.
  • అనంతపురం: నియోజకవర్గానికో వ్యవసాయ మార్కెట్‌ కమిటీ-బొత్స. అనంతపురం జిల్లాలో మూడు వ్యవసాయ మార్కెట్‌ కమిటీలు ఏర్పాటు. వరదలు తగ్గడంతో ఇసుక అందుబాటులోకి వస్తోంది-మంత్రి బొత్స. మరో మూడు రోజుల్లో ఇసుక కొరతను పూర్తిగా అధిగమిస్తాం-బొత్స. పరస్పర అంగీకారంతోనే సింగపూర్‌తో ఒప్పందం విరమించుకున్నాం. పెట్టుబడులు పెడతామని సింగపూర్‌ మంత్రి చెబుతున్నారు-బొత్స.
  • తూ.గో: రామచంద్రపురం మండలం మాలపాడులో దారుణం. యువతిపై పాలిక రాజు అనే వ్యక్తి పలుమార్లు అత్యాచారం. యువతిని ఫొటోలు తీసి బెదిరించి పలుసార్లు అఘాయిత్యం. ఏడు నెలల గర్భవతి అయ్యాక గుర్తించిన తల్లిదండ్రులు. జిల్లా కలెక్టర్‌కు ఫిర్యాదు చేసిన యువతి తల్లిదండ్రులు. కేసునమోదు చేసిన రామచంద్రపురం పోలీసులు.
  • ఢిల్లీ: సోనియాగాంధీతో ఎన్సీపీ అధినేత శరద్‌ పవార్‌ భేటీ. మహారాష్ట్రలో ప్రభుత్వ ఏర్పాటు, ఉమ్మడి కార్యాచరణపై చర్చ.
  • ఆర్టీసీ సమ్మెపై విచారణను ముగించిన హైకోర్టు. హైకోర్టుకు కొన్ని పరిమితులున్నాయి. పరిధిదాటి ముందుకు వెళ్లలేం-హైకోర్టు. సమ్మెపై ఎవరికీ ఎలాంటి ఆదేశాలు ఇవ్వలేమని స్పష్టం చేసిన హైకోర్టు. ప్రభుత్వానికి ఎలాంటి ఆదేశాలు ఇవ్వలేమన్న హైకోర్టు. సమస్య పరిష్కరించాలని కార్మికశాఖ కమిషనర్‌కు హైకోర్టు ఆదేశం. 2 వారాల్లోగా సమస్య పరిష్కరించాలన్న హైకోర్టు. రూట్స్‌ ప్రైవేటీకరణ పిటిషన్‌, ఆత్మహత్యలపై రేపు విచారణ. కార్మికుల ఆత్మహత్యలపై కౌంటర్‌ దాఖలు చేయాలని.. ప్రభుత్వం, ఆర్టీసీ కార్పొరేషన్‌కు హైకోర్టు ఆదేశం.

‘మా’లో మళ్లీ లొల్లి.. నరేష్‌కు రాజశేఖర్ షోకాజ్ నోటీసులు

Naresh Vs Rajasekhar

తెలుగు మూవీ ఆర్టిస్ట్ అసోషియేషన్ ‘మా’లో మళ్లీ లొల్లి మొదలైంది. ‘మా’ అధ్యక్షుడు నరేశ్‌, ఎగ్జిక్యూటివ్ వైస్ ప్రెసిడెంట్ రాజశేఖర్‌కు మధ్య కోల్డ్‌వార్డ్ జరుగుతోంది. అసోషియేషన్‌కు చెందిన ఫండ్ రైజింగ్ విషయంలో నరేశ్ నుంచి అస్సులు సహకారం అందడం లేదని రాజశేఖర్ వర్గం ఆరోపిస్తోంది. ఈ నేపథ్యంలో తాజాగా నరేశ్‌కు రాజశేఖర్ వర్గం షోకాజ్ నోటీసు జారీ చేసింది. అందులో మా అధ్యక్ష పదవి నుంచి నరేశ్ తప్పుకోవాలని డిమాండ్ చేశారు.

అయితే ఆరు నెలల క్రితం జరిగిన మా ఎన్నికల్లో శివాజీ రాజా ప్యానల్‌పై నరేశ్ వర్గం గెలుపొందిన విషయం తెలిసిందే. ఈ క్రమంలో అధ్యక్షుడిగా నరేశ్, ఉపాధ్యక్షుడిగా రాజశేఖర్ గెలిచారు. ఇక ప్రమాణ స్వీకారం చేసిన రోజు నుంచే వివిధ పరిణామాలు చోటుచేసుకున్నాయి. ప్రమాణ స్వీకారం రోజు నరేశ్ మాట్లాడిన తీరుపై రాజశేఖర్ తీవ్ర అసంతృప్తిని వ్యక్తం చేశారు. నరేశ్ ‘‘నేను, నేను అని కాకుండా.. మేమంతా’’ అని ప్రస్తావిస్తే బావుంటుందని అప్పట్లో బహిరంగంగానే రాజశేఖర్ కామెంట్లు చేశారు.

ఇక ఇప్పుడు ‘మా’లో ఎన్నో ఇబ్బందులు ఎదురవుతున్నాయి. ముఖ్యంగా ఫండ్ రైజింగ్ గురించి చర్చలు జరిపేందుకు ఎన్నిసార్లు మీటింగ్ పెట్టినా నరేశ్ హాజరుకాలేదని రాజశేఖర్ వర్గం ఆరోపిస్తుంది. జనరల్ బాడీ కాలపరిమితి ఏడాదిన్నర మాత్రమే ఉండగా.. అందులో ఆరు నెలలు ఇప్పటికే గడిచిపోయింది. మిగిలి ఉన్న ఏడాది కాలంలో ఫండ్ రైజింగ్ కోసం ఏమీ చేయకపోతే కష్టమవుతుందని రాజశేఖర్ వర్గం అంటోంది.

మరోవైపు ఈ విషయం గురించి తనకేమీ తెలియదని నరేష్ అంటున్నారట. అసలు రాజశేఖర్ వర్గం మీటింగ్ పెట్టుకున్నట్టే తనకు తెలీదని నరేశ్ అన్నట్లు సమాచారం. మరి ఈ లొల్లికి ఎప్పుడు పుల్‌స్టాప్ పడుతుందో చూడాలి.