మళ్లీ పెరిగిన సిలిండర్ ధరలు.. ఈ సారి ఎంతంటే?
వంటగ్యాస్ ధరలు మళ్లీ పెరిగాయి. అంతర్జాతీయంగా చమురు ధరలకు తగ్గట్టుగా గ్యాస్ ధరలను కూడా పెంచాయి ఎల్పీజీ కంపెనీలు. వంట కోసం వాడే ఈ సిలిండర్ల ధర వరుసగా రెండో నెలలోనూ పెరగడం గమనార్హం. ప్రస్తుతం ఢిల్లీలో 14 కేజీల ఇండేన్ గ్యాస్ ధర రూ.1 మేర పెరగడంతో...
వంటగ్యాస్ ధరలు మళ్లీ పెరిగాయి. అంతర్జాతీయంగా చమురు ధరలకు తగ్గట్టుగా గ్యాస్ ధరలను కూడా పెంచాయి ఎల్పీజీ కంపెనీలు. వంట కోసం వాడే ఈ సిలిండర్ల ధర వరుసగా రెండో నెలలోనూ పెరగడం గమనార్హం. ప్రస్తుతం ఢిల్లీలో 14 కేజీల ఇండేన్ గ్యాస్ ధర రూ.1 మేర పెరగడంతో రూ.594కి చేరింది. ఇక సేల్స్ ట్యాక్స్లో మార్పులు, వ్యాట్ రేట్స్ వల్ల మిగతా మెట్రో సిటీల్లో సిలిండర్ ధరలు రూ.4 మేర పెరిగాయి.
ఇక తాజా రేట్ల పెంపుతో హైదరాబాద్లో సిలిండర్ ధర రూ.4 పెరుగుదలతో రూ.645కి చేరింది. కాగా పెరిగిన ఈ తాజా రేట్లు జులై 1 నుంచే అమలులోకి రానున్నాయి. ఇకపోతే ఎల్పీజీ సిలిండర్ ధర జూన్ నెలలో రూ.11.5 మేర పెరిగిన విషయం తెలిసిందే. దీని కన్నా ముందు మార్చి మే వరకూ చూస్తే గ్యాస్ ధర రూ.277 మేర తగ్గింది. కాగా పెట్రోల్ ధరలు ప్రతీ రోజూ మారుతున్నట్లుగానే ఎల్పీజీ గ్యాస్ ధరలు కూడా ప్రతీ నెలా ఆరంభంలో మారుతూనే ఉంటాయి. మరోవైపు గత మూడు వారాల్లో 22 సార్లు పెరుగుతూ వచ్చిన పెట్రోల్, డీజిల్ ధరల్లో వరుసగా రెండో రోజు ఎలాంటి పెరుగుదల లేకపోవడం విశేషం.
Read More:
బ్రేకింగ్: సీరియల్ నటి నవ్యా స్వామికి కరోనా పాజిటివ్..