Breaking News
  • విజయవాడ: ఎపీఎస్ ఆర్టీసీలో కరోనా కలవరం. ఇప్పటి వరకు కరోనా బారిన పడ్డ 4500 మంది ఆర్టీసీ సిబ్బంది. కరోనా కారణంగా 72 మంది మరణించినట్లు తెలిపిన ఆర్టీసీ. కరోనా తో మృతి చెందిన కుటుంబాలకు 5లక్షల పరిహారం ఇవ్వాలని ఆర్టీసీ నిర్ణయం. కార్మికుల ఒక రోజు వేతనాన్ని జమ చేసి మృతులకుటుంబాలకు పరిహారం ఇవ్వాలని నిర్ణయం. త్వరలో రవాణాశాఖ మంత్రి చేతుల మీదుగా చెక్కుల పంపిణీ చేస్తాం. ఆర్టీసీ ఎండీ కృష్ణబాబు.
  • ఎస్పీ బాలసుబ్రహ్మణ్యంకు పెరుగుతున్న భారతరత్న డిమాండ్లు. రాష్ట్రపతి, ప్రధానికి లేఖ రాసిన నటి, మాజీ ఎంపీ జయప్రద. భారతరత్న బాలుకి ఇచ్చే ఘనమైన నివాళి అని పేర్కొన్న జయప్రద. సినీ సంగీతానికి, భారత చలనచిత్ర పరిశ్రమకు బాలు ఎనలేని సేవలు చేశారని లేఖలో పేర్కొన్న జయప్రద.
  • నిజామాబాద్ ఎమ్మెల్సీ ఉపఎన్నికలలో భారీ మెజారిటీయే లక్ష్యం... టీఆర్ఎస్ నేతల పకడ్బందీ వ్యూహం. జిల్లా ఎమ్మెల్యేలు, ఎమ్మెల్సీ లతో మంత్రి ప్రశాంత్ రెడ్డి వరుస సమావేశాలు..నియోజకవర్గాల వారీగా నేతలకు భాద్యతలు. మాజీ ఎంపీ కవిత అభ్యర్థిత్వానికి ‌మద్దతుగా, టీఆర్ఎస్ వైపు నిలుస్తున్న కాంగ్రెస్, బీజేపీ ల స్థానిక ప్రజాప్రతినిధులు. పోలింగ్ ‌నాటికి 90% ఓటర్లు టీఆర్ఎస్ వైపు ఉండే అవకాశం.
  • బయటపడుతున్న ఎస్బీ సిఐ చంద్రకుమార్ అరాచకాలు. లైంగిక వేదింపులు జరిపిన సిఐ చంద్రకుమార్ పై చర్యలు తీసుకోవట్లేదని బాధితురాలు అవేదన. సర్టిఫికెట్ మిస్సింగ్ కేసులో సిఐకి పరిచయమైన మహిళ . సాయం అడిగిన మహిళతో అసభ్యంగా ప్రవర్తించిన సిఐ చంద్రకుమార్. వనస్థలిపురం పిఎస్ లో సిఐ చంద్రకుమార్ పై కేసు. నగ్నంగా ఉన్న వీడియోలు మహిలకు పంపి సిఐ వేదిస్తున్నాడని మహిళ పిర్యాదు. సిఐ పై కఠిన చర్యలు తీసుకోవట్లేదని మహిళ పలు సాక్షాలు మీడియాకు విడుదల.
  • చెన్నై : చెన్నై మహానగరం లో కిలోల్లో దొరికిన డ్రగ్స్ . చెన్నై రైల్వే స్టేషన్ సమీపం లో ఉన్న వాల్ టాక్స్ రోడ్ లో 25 కిలోల మాదక ద్రవ్యాలను పట్టుకున్న డిఆర్ఐ అధికారులు తమిళనాడు , కేరళ , రాష్ట్రం లోఉన్న డ్రగ్స్ గ్యాంగ్ యూరోపియన్ దేశాలనుండి అక్రమంగా డ్రగ్స్ దిగుమతిని గుర్తించిన అధికారులు . అధికారులకు ఉన్న సమాచారం తో తనిఖీలు నిర్వహించగా 25 కిలోల ( పేశాడో ) డ్రగ్స్ ని స్వాధీనం చేసుకున్న అధికారులు. చెన్నై నుండి ఎర్నాకులం కి పార్సెల్ ద్వారా సరఫరా చేస్తునట్టు గుర్తింపు. డ్రగ్స్ ని స్వాధీనం చేసుకొని విచారణ చేపట్టిన డిఆర్ఐ అధికారులు.
  • ఫారెన్ ఇంగ్లీష్ యూనివర్సిటీ వి సి పేరుతో నకిలీ ఈ మెయిల్ ఐడి క్రియేట్ చేసిన సైబర్ నేరగాళ్లు. యూనివర్సిటీ లో పనిచేస్తున్న ఉద్యోగులకు తాను మీటింగ్ లో ఉన్నానని.. అర్జెంటుగా అమెజాన్ కుపన్స్ కొనాలని మెయిల్ పంపించిన సైబర్ నేరగాళ్లు. అలర్ట్ అయిన ఉద్యోగులు వీసీ సురేష్ కుమార్ కు సమాచారం ఇవ్వడంతో.. తాను అట్లాంటిది ఏమీ పంపించలేదని చెప్పిన విసి. హైదరాబాద్ సిసిఎస్ సైబర్ క్రైమ్ పోలీసులకు ఫిర్యాదు చేసిన ఉద్యోగి.. కేసు నమోదు చేసుకొని దర్యాప్తు చేస్తున్న పోలీసులు.
  • ఉపరాష్ట్రపతి వెంకయ్య నాయుడుకు కరోనా పాజిటివ్. ట్విటర్ ద్వారా వెల్లడించిన ఉపరాష్ట్రపతి కార్యాలయం. రొటీన్‌గా నిర్వహించే పరీక్షల్లో కరోనా పాజిటివ్‌గా నిర్ధారణ. ఎలాంటి లక్షణాలు లేవని, హోం ఐసోలేషన్లో ఉన్నారని వెల్లడి. ఆయన భార్య ఉష పరీక్ష ఫలితం నెగెటివ్. ముందుజాగ్రత్తలో స్వీయ ఐసోలేషన్లో ఉన్నట్లు వెల్లడి.

శ్రీరాముడసలు భారతీయుడే కాదు.. నేపాల్ పీఎం కొత్త కాంట్రవర్సీ

భారత్ పట్ల వ్యతిరేఖ వైఖరి ప్రదర్శిస్తున్న నేపాల్ ప్రభుత్వం ఇప్పుడు మరో కొత్త పంచాయతీ తెరమీదకు తెచ్చింది. కేవలం రాజకీయ పరంగానే కాకుండా భారత్‌కు సంబంధించి సంచలన వ్యాఖ్యలు చేశారు నేపాల్ ప్రధాని కేపీ శర్మ ఓలీ..

భారత్ పట్ల వ్యతిరేఖ వైఖరి ప్రదర్శిస్తున్న నేపాల్ ప్రభుత్వం ఇప్పుడు మరో కొత్త పంచాయతీని తెరమీదకు తెచ్చింది. కేవలం రాజకీయ పరంగానే కాకుండా భారతీయ హిందువుల విశ్వాసాలపై సంచలన వ్యాఖ్యలు చేశారు నేపాల్ ప్రధాని కేపీ శర్మ ఓలీ. దేశంలోని ఎంతో మంది భక్తులు తమ ఆరాధ్య దైవంగా, ఆదర్శప్రాయంగా కొలుచుకునే శ్రీరాముడు ఓ నేపాలీ అని, భారతీయుడు కాదంటూ ఓలీ వ్యాఖ్యానించారు. అందుకు సంబంధించిన ఆధారాలన్నీ నేపాల్‌లోనే ఉన్నాయని ఓలీ చేసిన వ్యాఖ్యలు దుమారం రేపుతున్నాయి.

రాముని జన్మస్థలం విషయంలో భారత్ వాస్తవాలు వక్రీకరిస్తుందంటూ నేపాల్ ప్రధాని కేపీ శర్మ ఓలీ వ్యాఖ్యానించారు. నిజమైన అయోధ్య భారత్‌లో లేదన్నారు. నేపాల్ దేశంలోని పశ్చిమ బిర్గుంజ్‌కు సమీపంలోని థోరి గ్రామంలో ఉందని తెలిపారు. దశరథుని కుమారుడైన రాముడు భారతీయుడు కాదని అన్నారు. అయోధ్య థోరీలో ఉన్నప్పటికీ.. భారత్ మాత్రం తమ దేశంలో రాముడి జన్మస్థలం ఉందని పేర్కొంటోందని ఓలీ వ్యాఖ్యానించారు. వాల్మికీ ఆశ్రమం కూడా నేపాల్‌లో ఉందన్నారు. పుత్రుల కోసం దశరథుడు యాగం నిర్వహించిన చోటు రిధి, ఇది కూడా నేపాల్‌లోనే ఉందని ఓలీ వాదించారు. అసలు అయోధ్య భారత్‌లో కాదు నేపాల్‌లో ఉందని ఆయన వాదించారు. ఈమేరకు నేపాల్ మీడియా కథనాన్ని ప్రసారం చేసింది.

గత కొద్ది కాలంగా భారత్ – నేపాల్ మధ్య వివాదాలు రాజుకుంటున్నాయి. ఇటీవల మన దేశ సరిహద్దులోని మూడు ప్రాంతాలను తమ భూభాగాలుగా చెప్పుకుంటూ.. ఓ మ్యాప్​ను విడుదల చేసింది నేపాల్​ కమ్యూనిస్ట్​ ప్రభుత్వం. అనంతరం ఆ మ్యాప్​ను నేపాల్​ పార్లమెంట్​లో ఆమోదింపజేసుకుంది. అప్పటి నుంచి నేపాల్​ ప్రధానిపై విమర్శలు వెల్లువెత్తుతున్నాయి. అలాగే భారత్‌లోని ప్రైవేట్ టీవీ ఛానల్స్‌పైనా నేపాల్ ప్రభుత్వం వివాదస్పద వ్యాఖ్యలు చేసింది. దీంతో భారత్‌లోని ప్రైవేట్ టీవీ ఛానల్స్ నేపాల్‌లో తమ ప్రసారాలను నిలిపివేసిన సంగతి తెలిసిందే. కాగా, భారత్ పట్ల వ్యతిరేక వైఖరిని ప్రదర్శిస్తున్న ప్రధాని కేపీ శర్మ ఓలీ తీరుపై అధికార నేపాలీస్ కమ్యూనిస్ట్ పార్టీ మండిపడుతోంది. భారత్​తో ఉన్న సత్సంబంధాలను ఓలి నాశనం చేస్తున్నారని.. ప్రధాని పదవికి వెంటనే రాజీనామా చేయాలంటూ.. పార్టీలోని సీనియర్​ నేతలు డిమాండ్​ చేస్తున్నారు

Related Tags