శాండల్ వుడ్ డ్రగ్స్ కేసు, ఆదిత్య ఆల్వా కోసం లుకౌట్ నోటీసు జారీ

కన్నడ (శాండల్ వుడ్) డ్రగ్స్ కేసును దర్యాప్తు చేస్తున్న సెంట్రల్ క్రైమ్ బ్రాంచ్ అధికారులు మాజీ మంత్రి దివంగత జీవరాజ్ ఆల్వా కుమారుడు ఆదిత్య ఆల్వా కోసం లుకౌట్ నోటీసు జారీ చేశారు. ఈయన ఇండియాలోనే ఉన్నాడని, కానీ అరెస్టు కాకుండా తప్పించుకునేందుకు రహస్య ప్రదేశంలో దాక్కుని ఉండవచ్ఛునని వీరు అనుమానిస్తున్నారు. మరోవైపు ఆల్వా దేశం విడిచి పరారై ఉండవచ్ఛునని కూడా పోలీసులు భావిస్తున్నారు. డ్రగ్స్ కేసుకు సంబంధించి కొంతమంది టీవీ, సినీ ఆర్టిస్టులను, క్రీడాకారులను కూడా ఇంటర్నల్ సెక్యూరిటీ డివిజన్ అధికారులు విచారిస్తున్నారు. మొత్తం 67 మందికి నోటీసులు జారీ చేశారు. అటు క్రైమ్ బ్రాంచ్ సిబ్బంది 13 మందిని అరెస్టు చేశారు. ఏడుగురి కోసం గాలిస్తున్నారు.