బండికి పోలీస్ స్టిక్కర్ లు వేసి నాటు సారా స్మగ్లింగ్
మద్యం తాగాక మనుషులు చాలా కళలు ప్రదర్శిస్తారని తెలుసు, కానీ మద్యాన్ని అక్రమ రవాణా చేయడానికి ఇప్పుడు అంతకంటే ఎక్కువ కళలు పడుతున్నారు.
మద్యం తాగాక మనుషులు చాలా కళలు ప్రదర్శిస్తారని తెలుసు, కానీ మద్యాన్ని అక్రమ రవాణా చేయడానికి ఇప్పుడు అంతకంటే ఎక్కువ కళలు పడుతున్నారు. ఇప్పటికే ఊహకందని మార్గాల్లో లిక్కర్ అక్రమ రవాణా చేస్తూ పట్టుబడ్డారు కేటుగాళ్లు. తాజాగా ద్విచక్ర వాహనానికి పోలీస్ స్టిక్కర్ వేసుకుని మద్యాన్ని రవాణా చేస్తున్నారు. (కిలాడీ వాలంటీర్, పింఛన్ డబ్బులు కొట్టేయడానికి మాస్టర్ స్కెచ్ !)
వివరాల్లోకి వెళ్తే కడప జిల్లా రాజంపేట ఎన్ ఫోర్స్ మెంట్ సీఐ శివసాగర్ టీమ్ గాంధీ జయంతి సందర్భంగా శుక్రవారం రాజంపేట నుండి ఆకేపాడుకు వెళ్లే దారిలో వాహన తనిఖీలు చేస్తుండగా పోలీస్ అంటూ స్టిక్కర్ ఉన్న టూ వీలర్ వాహనం అనుమానాస్పదంగా కనిపించింది. వెంటనే ఆ బైక్ ను పట్టుకుని తనిఖీలు చేయగా, నాటు సారా ప్యాకెట్లు దొరికాయి. దీంతో ఆ నాటు సారా పంపిణి చేస్తున్న వ్యక్తిని అదుపులోకి తీసుకున్నారు. నిందితుడిని రోళ్లమడుగుకు చెందిన సురేంద్రగా గుర్తించారు. అతడి వద్ద నుంచి 5 లీటర్ల క్యాన్ లో తరలిస్తోన్న 4 లీటర్లు నాటుసారాని స్వాధీనం చేసుకున్నారు. ఆ పల్సర్ వాహనాన్ని సీజ్ చేసి, కేసు నమోదు చేసినట్లు ఎన్ ఫోర్స్ మెంట్ సీఐ శివసాగర్ తెలిపారు.(Nishabdham Movie Review : ‘నిశ్శబ్దం’ మూవీ రివ్యూ)